| ເຢຍລະມັນ ຊ່ວຍເຫຼືອວັກຊີິນເພີ່ມ 2,5 ລ້ານໂດສ ໃຫ້ແກ່ຫວຽດນາມ ຜ່ານໂຄງການ COVAX | |
| ຜູ້ຕາງໜ້າອົງການ WHO: ຫວຽດນາມ ໄປຖືກທິດໃນການຮັບມືກັບພະຍາດ COVID-19 |
ລິມະສິດທີ່ສຳຄັນທີ່ສຸດໃນຂັ້ນຕອນນີ້ ແມ່ນການເພີ່ມທະວີການປົກປ້ອງກຸ່ມປະຊາກອນທີ່ມີຄວາມສ່ຽງສູງ ແລະ ໃຊ້ມາດຕະການທີ່ຈຳເປັນ ເພື່ອປ້ອງກັນບໍ່ໃຫ້ລະບົບສາທາລະນະສຸກເກີນກຳລັງຄວາມສາມາດ.
ຕາມທ່ານ Park ແລ້ວ, ຄຽງຄູ່ກັບການຫັນປ່ຽນໄປສູ່ໄລຍະດັດປັບເຂົ້າກັບໂລກລະບາດໂຄວິດ-19, ຫວຽດນາມ ຕ້ອງສືບຕໍ່ເສີມຂະຫຍາຍກຳລັງຄວາມສາມາດຂອງລະບົບສາທາລະນະສຸກ ດ້ວຍການຊຸກຍູ້ການສັກຢາວັກຊີນ ແລະ ປະຕິບັດບັນດາມາດຕະການປ້ອງກັນແຕ່ຂັ້ນຮາກຖານ.
 |
| ທ່ານ ດຣ Kidong Park, ຫົວໜ້າຜູ້ຕາງໜ້າອົງການອະນາໄມໂລກ (WHO). (ພາບ: vietnamplus) |
ທ່ານ Kidong Park ຕີລາຄາສູງບັນດາຄວາມມານະພະຍາຍາມຂອງຫວຽດນາມ ໃນການສະກັດກັ້ນການແຜ່ລະບາດຂອງພະຍາດໂຄວິດ-19 ຢ່າງສຳເລັດຜົນ ແລະ ຕີລາຄາສູງ ສຳຫຼັບຄຳໝັ້ນສັນຍາຂອງທ້ອງຖິ່ນ ໂດຍຜ່ານການເຮັດວຽກຂອງກຸ່ມປ້ອງກັນ ແລະ ຕ້ານ ໂຄວິດ-19, ປະຊາຄົມ ແລະ ປະຊາຊົນ ຫວຽດນາມ ໄດ້ສົມທົບກັນຕ້ານພະຍາດໂຄວິດ-19 ດ້ວຍການປະຕິບັດຂໍ້ຄວາມ 5K ແລະ ຍຸດທະນາການສັກຢາກັນພະຍາດທົ່ວປະເທດ.
ໂດຍເຕື້ອງເຖິງການໜູນຊ່ວຍຂອງ WHO ໃນການປ້ອງກັນ ແລະ ຄວບຄຸມພະຍາດໂຄວິດ-19 ຂອງ ຫວຽດນາມ, ທ່ານ ດຣ Park ເນັ້ນໜັກວ່າ WHO ຈະສືບຕໍ່ໜູນຊ່ວຍ ກະຊວງສາທາລະນະສຸກກວດກາ ແລະ ອັບເດດການແນະນຳທາງດ້ານເຕັກນິກ ບົນພື້ນຖານບັນດາການປັບປຸງຫຼ້າສຸດ ເຊັ່ນ: ການວິໄຈ ແລະ ປິ່ນປົວພະຍາດໂຄວິດ-19. ການປ້ອງກັນ ແລະ ຄວບຄຸມການຕິດເຊື້ອພະຍາດໂຄວິດ-19, ຂໍ້ແນະນຳ ເພື່ອຮັບປະກັນຄວາມປອດໄພຂອງພະນັກງານແພດໝໍ ແລະ ການດູແລເປັນພິເສດຂອງ ICU ສຳລັບຄົນເຈັບໂຄວິດ-19.
ຄຳຮຸ່ງ
