| ປີ 2022, ຫວຽດນາມ ແມ່ນຕະຫຼາດສຳຄັນຂອງບັນດາກຸ່ມວິສາຫະກິດຂາຍຍ່ອຍຍີ່ປຸ່ນ | |
| ການສົ່ງອອກປາຈາ ໄປຍັງລັດເຊຍ ເພີ່ມຂຶ້ນ 83% |
ຕາມອົງການພາສີຍີ່ປຸ່ນ ແລ້ວ, ການນຳເຂົ້າກ້ວຍຂອງຍີ່ປຸ່ນ ໃນ 10 ເດືອນປີ 2021 ບັນລຸ 939,8 ພັນໂຕນ, ມີມູນຄ່າ 93,6 ຕື້ເຢນ (ທຽບເທົ່າກັບ 822,8 ລ້ານ USD), ເພີ່ມຂຶ້ນ 4,7% ໃນດ້ານປະລິມານ ແລະ ເພີ່ມຂຶ້ນ 3,5% ດ້ານມູນຄ່າເມື່ອທຽບໃສ່ໄລຍະດຽວກັນຂອງປີ 2020.
 |
| ການສົ່ງອອກໝາກກ້ວຍຂອງຫວຽດນາມ ໄປຍັງຍີ່ປຸ່ນ ເພີ່ມຂຶ້ນຢ່າງແຮງ. ພາບ: nongnghiep.vn |
ລາຄາກ້ວຍທີ່ນຳເຂົ້າ ສະເລ່ຍບັນລຸ 99,6 ພັນເຢນ/ໂຕນ, ຫຼຸດລົງ 1,2% ເມື່ອທຽບໃສ່ໄລຍະດຽວກັນຂອງປີ 2020.
ໃນໂຄງປະກອບການສະໜອງກ້ວຍໃຫ້ແກ່ຍີ່ປຸ່ນ, ຟີລິບປິນ ແມ່ນຕະຫຼາດສະໜອງໝາກກ້ວຍໃຫຍ່ທີ່ສຸດ, ກວມເອົາ 75,8% ຍອດປະລິມານການນຳເຂົ້າໝາກກ້ວຍຂອງຍີ່ປຸ່ນໃນ 10 ເດືອນຕົ້ນປີ 2021.
ຖັດຈາກແມ່ນຕະຫຼາດເອກວາດໍ, ເມັກຊິໂກ ແລະ ກົວເຕມາລາ. ຫວຽດນາມ ແມ່ນປະເທດສະໜອງກ້ວຍໃຫຍ່ອັນດັບ 5 ຂອງ ຍີ່ປຸ່ນ, ປະລິມານ ແລະ ມູນຄ່າການນຳເຂົ້າຈາກ ຫວຽດນາມ ເພີ່ມຂຶ້ນຢ່າງແຮງໃນປີນີ້.
ໃນ 10 ເດືອນຕົ້ນປີ 2021, ໝາກກ້ວຍຂອງຫວຽດນາມ ໄດ້ສົ່ງອອກໄປຍັງຍີ່ປຸ່ນບັນລຸປະມານ 6 ພັນໂຕນ, ມີມູນຄ່າ 643 ລ້ານເຢນ (ທຽບເທົ່າກັບ 5,7 ລ້ານ USD), ເພີ່ມຂຶ້ນ 59,5% ໃນດ້ານປະລິມານ ແລະ 27,9% ໃນດ້ານມູນຄ່າ.
ອັດຕາສ່ວນການນຳເຂົ້າໝາກກ້ວຍຂອງຫວຽດນາມ ກວມເອົາ 0,6% ຂອງຍອດການນຳເຂົ້າໝາກກ້ວຍຂອງຍີ່ປຸ່ນ, ເພີ່ມຂຶ້ນ 0,2% ເມື່ອທຽບໃສ່ໄລຍະດຽວກັນຂອງປີ 2020. ລາຄາການນຳເຂົ້າໝາກກ້ວຍສະເລ່ຍຂອງຫວຽດນາມ ແມ່ນສູງ, ໃນ 10 ເດືອນຂອງປີ 2021 ບັນລຸ 107,6 ພັນເຢນ/ໂຕນ ຫຼຸດລົງ 19.8% ເມື່ອທຽບໃສ່ໄລຍະດຽວກັນຂອງປີ 2020.
ບູນມີ
