| ນະຄອນໂຮ່ຈິມິນ: ນຳໃຊ້ເຕັກໂນໂລຊີ ໃນການຄຸ້ມຄອງ ແລະ ດູແລ F0 ຢູ່ເຮືອນ | |
| VKBIA ສືບຕໍ່ໜູນຊ່ວຍຢາ 5000 ຖົງໃຫ້ແກ່ຜູ້ຕິດເຊື້ອ (F0) ຢູ່ນະຄອນໂຮ່ຈີມິນ |
ຕາມນັ້ນແລ້ວ, ກະຊວງສາທາລະນະສຸກ ຮຽກຮ້ອງໃຫ້ຫົວໜ້າພະແນກສາທາລະນະສຸກແຂວງ, ນະຄອນຂຶ້ນກັບສູນກາງ, ຫົວໜ້າບັນດາຫົວໜ່ວຍສັງກັດກະຊວງສາທາລະນະສຸກ ຈັດຕັ້ງປະຕິບັດການຕິດຕາມພະຍາດໂຄວິດ-19 ຕໍ່ກຸ່ມເປົ້າໝາຍດັ່ງນີ້: ກໍລະນີສົງໄສຕິດເຊື້ອໂຄວິດ-19, ກໍລະນີຕິດເຊື້ອໂຄວິດ-19 (F0) ແລະ ຜູ້ສໍາຜັດໃກ້ຊິດ (F1).
 |
| ພາບປະກອບ: TTXVN |
ຕາມກະຊວງສາທາລະນະສຸກ ແລ້ວ, ກໍລະນີຕິດຕາມ (ກໍລະນີສົງໃສ) ແມ່ນໜຶ່ງໃນກໍລະນີດັ່ງນີ້:
ຜູ້ສໍາຜັດໃກ້ຊິດ (F1) ແລະ ມີອາການຢ່າງຫນ້ອຍ 2 ອາການ ຄື: ໄຂ້; ໄອ; ເຈັບຄໍ; ນ້ຳມູກໄຫຼ; ປວດຕາມຮ່າງກາຍ, ເມື່ອຍລ້າ, ໜາວສັ່ນ; ປາກບໍ່ຮູ້ລົດຊາດ ຫຼື ລົດຊາດຫຼຸດລົງ; ຄວາມຮູ້ສຶກຂອງການໄດ້ກິ່ນຫຼຸດລົງ ຫຼື ສູນເສຍ; ເຈັບຫົວ; ຖອກທ້ອງ; ຫາຍໃຈຍາກ; ອັກເສບທາງເດີນຫາຍໃຈ.
ຄົນທີ່ມີປັດໄຈຕິດເຊື້ອ (ບໍ່ລວມ F1) ແລະ ມີອາການຢ່າງຫນ້ອຍ 2 ການຄືຂ້າງເທິງ.
ເປັນຄົນທີ່ມີຜົນວິເຄາະຫາເຊື້ອໄວຣັດ SARS-CoV-2 ແບບໄວ ເປັນຜົນບວກ (ຍົກເວັ້ນກໍລະນີທີ່ໄດ້ກ່າວໄວ້ໃນຂໍ້ 2, ຈຸດ b, c ແລະ d).
ຄົນທີ່ມີປັດໄຈຕິດເຊື້ອ (ບໍ່ລວມ F1):
ຄົນທີ່ຢູ່ໃນພາຫະນະຄົມມະນາຄົມຄັນດຽວກັນ ຫຼື ຢູ່ໃນສະຖານທີ່ດຽວກັນ, ເຫດການ, ສະຖານທີ່ເຮັດວຽກ, ຫ້ອງຮຽນ... ກັບກໍລະນີ F0 ໃນໄລຍະທີ່ F0 ກຳລັງຕິດເຊື້ອ.
ຜູ້ຢູ່ອາໄສ, ມາຈາກເຂດທີ່ມີພະຍາດພວມແຜ່ລະບາດ.
ກໍລະນີ F0 ແມ່ນໜຶ່ງໃນກໍລະນີຕໍ່ໄປນີ້:
ຜູ້ທີ່ໄດ້ກວດວິເຄາະຫາເຊື້ອໄວຣັດ SARS-CoV-2 ໂດຍວິທີ PCR ອອກຜົນບວກ.
ຜູ້ສໍາຜັດໃກ້ຊິດ (F1) ແລະ ຜົນວິເຄາະຫາເຊື້ອໄວຣັດ SARS-CoV-2 ແບບໄວ ອອກ ຜົນບວກ.
ຜູ້ມີອາການທີ່ສົງໃສວ່າແມ່ນຕິດພະຍາດໂຄວິດ-19 (ກໍລະນີສົງໃສມີອາການ) ແລະ ຜົນວິເຄາະຫາເຊື້ອໄວຣັດ SARS-CoV-2 ແບບໄວ ອອກຜົນບວກ ແລະ ມີປັດໄຈຕິດເຊື້ອ (ບໍ່ລວມ F1 ).
ຜູ້ທີ່ມີຜົນວິເຄາະຫາເຊື້ອໄວຣັດ SARS-CoV-2 ແບບໄວ ອອກຜົນບວກ 2 ຄັ້ງຢ່າງລຽນຕິດ (ວິເຄາະຄັ້ງທີ 2 ພາຍໃນ 8 ຊົ່ວໂມງຈາກຜົນການ ວິເຄາະຄັ້ງທີ 1) ແລະ ມີປັດໄຈຕິດເຊື້ອ (ບໍ່ລວມ F1).
ຊຸດວິເຄາະຫາເຊື້ອໄວຣັດ SARS-CoV-2 ຈະຕ້ອງຢູ່ໃນບັນຊີລາຍຊື່ທີ່ໄດ້ຮັບ ອະນຸຍາດຈາກກະຊວງສາທາລະນະສຸກ. ການວິເຄາະຫາເຊື້ອແບບໄວໂດຍພະນັກງານແພດເປັນຜູ້ກວດ ຫຼື ຜູ້ທີ່ສົງໃສວ່າຕິດເຊື້ອປະຕິບັດພາຍໃຕ້ການຕິດຕາມຂອງພະນັກງານ ແພດດ້ວຍວິທີການໂດຍກົງ ຫຼືທາງໄກ.
ຜູ້ສໍາຜັດໃກ້ຊິດ (F1) ແມ່ນໜຶ່ງໃນກໍລະນີຕໍ່ໄປນີ້:
ຜູ້ທີ່ມີການສໍາຜັດທາງຮ່າງກາຍໂດຍກົງ (ຈັບມື, ກອດ, ຈູບ, ການສໍາຜັດກັບ ຜິວຫນັງ, ຮ່າງກາຍ ໂດຍກົງ...) ກັບ F0 ໃນໄລຍະທີ່ F0 ກຳລັງຕິດເຊື້ອ.
ຜູ້ໃສ່ຜ້າອັດປາກອັດດັງມີການສໍາຜັດໃກ້ຊິດ, ຕິດຕໍ່ສື່ສານໃນໄລຍະຫ່າງ 2 ແມັດ ຫຼື ຢູ່ໃນບ່ອນແຄບດຽວກັນ ແລະ ຢ່າງຫນ້ອຍສຸດ 15 ນາທີກັບ F0 ໃນໄລຍະທີ່ F0 ກຳລັງຕິດເຊື້ອ.
ຜູ້ບໍ່ໃສ່ຜ້າອັດປາກອັດດັງມີການສໍາຜັດໃກ້ຊິດ, ຕິດຕໍ່ສື່ສານໃນໄລຍະຫ່າງ 2 ແມັດ ຫຼື ຢູ່ໃນບ່ອນແຄບດຽວກັນ ແລະຢ່ າງຫນ້ອຍສຸດ 15 ນາທີກັບ F0 ໃນໄລຍະທີ່ F0 ກຳລັງຕິດເຊື້ອ.
ຜູ້ດູແລ, ກວດ ແລະ ປິ່ນປົວໃຫ້ F0 ໃນໄລຍະທີ່ F0 ກຳລັງຕິດເຊື້ອ ໂດຍບໍ່ມີການນໍາໃຊ້ອຸປະກອນປ້ອງກັນສ່ວນບຸກຄົນ (PPE).
ໄລຍະທີ່ F0 ຕິດເຊື້ອ ແມ່ນຄິດໄລ່ຈາກ 2 ມື້ກ່ອນການເລີ່ມຕົ້ນອາການ (ສໍາລັບກໍລະນີທີ່ບໍ່ມີອາການ, ໄລຍະເວລາຕິດເຊື້ອແມ່ນຄິດໄລ່ຈາກ 2 ມື້ກ່ອນວັນທີ່ເກັບຕົວຢ່າງກວດວິເຄາະຫາເຊື້ອອອກຜົນບວກ) ຈົນຮອດເມື່ອມີຜົນ ການວິເຄາະເປັນລົບ ຫຼື ຄ່າ CT ແຕ່ 30 ຂຶ້ນໄປ.
ກະຊວງສາທາລະນະສຸກ (ກົມການແພດສໍາຮອງ) ສືບຕໍ່ຄົ້ນຄວ້າ, ປັບປຸງ, ເພີ່ມເຕີມ ແລະ ດັດປັບຂໍ້ກຳນົດວ່າດ້ວຍການຕິດຕາມ ແລະ ປ້ອງກັນ, ຕ້ານພະຍາດໂຄວິດ-19.
ບູນມີ
