ນັກຊ່ຽວຊານກຳປູເຈຍ ຕີລາຄາສູງການຢ້ຽມຢາມຂອງ ທ່ານປະທານປະເທດ ຫງວຽນຊວນຟຸກ

08:41 | 28/12/2021

ຍສໝ - ທ່ານ Uch Leang, ຮັກສາການຫົວໜ້າກົມຄົ້ນຄວ້າອາຊີ - ອາຟະຣິກາ ແລະ ຕາເວັນອອກກາງ ສັງກັດສະຖາບັນພົວພັນສາກົນ (ສະພາມະຫາບັນດິດລາຊະ ອານາຈັກກໍາປູເຈຍ), ຖືວ່າ: ການຢ້ຽມຢາມກຳປູເຈຍ ຢ່າງເປັນທາງການແຕ່ວັນທີ 21 – 22 ທັນວາ ຂອງທ່ານປະທານປະເທດ ຫງວຽນຊວນຟຸກ ສະແດງໃຫ້ເຫັນ ການພົວພັນອັນດີງາມ, ຊຸກຍູ້ການຮ່ວມມືລະຫວ່າງສອງປະເທດກຳປູເຈຍ ແລະ ຫວຽດນາມ.

	ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫ້ວ ເປັນປະທານກອງປະຊຸມ ຫົວເລື່ອງກ່ຽວກັບການປ່ຽນແປງໃໝ່, ຍົກສູງຄຸນນະພາບການເຄື່ອນໄຫວຂອງສະພາແຫ່ງຊາດ
	ທ່ານປະທານປະເທດ ຫງວຽນຊວັນຟຸກ ຕ້ອນຮັບເອກອັກຄະລັດຖະທູດບັນດາປະເທດເຂົ້າຍື່ນສານຕາຕັ້ງ

ທ່ານ Uch Leang ຖືວ່າ, ສອງປະເທດໄດ້ຫັນບັນດາຄຳໝັ້ນສັນຍາເປັນລະອຽດ ແລະຢືນຢັນຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ ໃນການຢ້ຽມຢາມຂອງ ທ່ານປະທານປະເທດຫວຽດນາມ ຫງວຽນຊວນຟຸກ ເມື່ອໄດ້ສົມທົບກັນລົງນາມ ໃນເອກະສານຮ່ວມມື 7 ສະບັບ ເພື່ອຊຸກຍູ້ ແລະ ເປີດກວ້າງການຮ່ວມມືໃນຫຼາຍຂົງເຂດ.

ນັກຊ່ຽວຊານກຳປູເຈຍ ຕີລາຄາສູງການຢ້ຽມຢາມຂອງ ທ່ານປະທານປະເທດ ຫງວຽນຊວນຟຸກ

ທ່ານປະທານປະເທດ ຫງວຽນຊວນຟຸກ. ພາບ: TTXVN

ເມື່ອສອງປະເທດໃຫ້ບຸລິມະສິດຟື້ນຟູເສດຖະກິດພາຍຫຼັງທີ່ໄດ້ຮັບຜົນກະທົບຢ່າງໜັກໜ່ວງຈາກການແຜ່ລະບາດຂອງພະຍາດໂຄວິດ-19 ເປັນໄລຍະຍາວ, ນັກຊ່ຽວຊານທ່ານນີ້ໄດ້ຊີ້ອອກບັນດາຂົງເຂດ ແລະທິດທາງທີ່ມີລັກສະນະຍືນຍົງ, ສ້າງກຳລັງໜູນໃໝ່ໃຫ້ແກ່ການຮ່ວມມືດ້ານເສດຖະກິດໃນ “ສະພາບປົກກະຕິໃໝ່”.

ທ່ານ Uch Leang ໄດ້ຕີລາຄາສູງແຜນການໜັງສືຜ່ານແດນສຸຂະພາບເອເລັກໂຕນິກ (ຫຼືເອີ້ນວ່າໜັງສືຜ່ານແດນວັກຊິນ) ເພື່ອອຳນວຍຄວາມສະດວກໃຫ້ແກ່ການເດີນທາງຂອງປະຊາຊົນສອງປະເທດ, ການເຊື່ອມຕໍ່ສາຍການບິນໂດຍກົງລະຫວ່າງສອງປະເທດຢ່າງປອດໄພ ແລະທັນການຈະປະກອບສ່ວນຊຸກຍູ້ການພັດທະນາເສດຖະກິດ-ສັງຄົມແບບຍືນຍົງຂອງແຕ່ລະປະເທດໃນສະພາບ ປົກກະຕິໃໝ່ ພາຍຫຼັງໂລກລະບາດ.

ບູນມີ