ຫວຽດນາມ ຖືເປັນສຳຄັນການພົວພັນຮ່ວມມືດ້ານສາທາລະນະສຸກກັບຝລັ່ງ

	ພິທີໄວ້ອາໄລ ແລະ ຝັງອັດຖິຂອງນັກຮົບຫວຽດນາມທີ່ເສຍສະຫຼະຊີວິດຢູ່ລາວ
	ຫວຽດນາມຈັດກອງປະຊຸມສຳມະນາຮ່ວມ ກ່ຽວກັບການປົກປ້ອງແຫຼ່ງນໍ້າ ແລະ ພື້ນຖານໂຄງລ່າງການສະໜອງນໍ້າໃນການປະທະອາວຸດ

ທ່ານນາຍົກລັດຖະມົນຕີ ຟ້າມມິງຈິ໊ງ ຕ້ອນຮັບຫົວໜ້າສະຖາບັນ Pasteur Paris. ພາບ: ສໍານັກຂ່າວສານຫວຽດນາມ.

ທ່ານນາຍົກລັດຖະມົນຕີ ຟ້າມມິງຈິ໊ງ ຢັ້ງຢືນວ່າ ຂະແໜງສາທາລະນະສຸກແມ່ນຂົງເຂດຮ່ວມມືທີ່ເປັນມູນເຊື້ອອັນດີງາມ, ໜຶ່ງໃນບັນດາຈຸດພົ້ນເດັ່ນໃນການພົວພັນຄູ່ຮ່ວມມືຍຸດທະສາດຫວຽດນາມ-ຝລັ່ງ. ຫວຽດນາມ ຖືເປັນສຳຄັນການພົວພັນຮ່ວມມືດ້ານສາທາລະນະສຸກກັບຝລັ່ງ ເວົ້າລວມ ແລະກັບສະຖາບັນ Pasteur Paris ເວົ້າສະເພາະ, ປະກອບສ່ວນນຳການພົວພັນສອງຝ່າຍໄປເຂົ້າສູ່ລວງເລິກ, ມີປະສິດທິຜົນ, ແທດຈິງກວ່າອີກ. ທ່ານນາຍົກລັດຖະມົນຕີ ຟ້າມມິງຈິ໊ງ ສະແດງຄວາມຂອບອົກຂອບໃຈ ຝລັ່ງ ຍາມໃດກໍ່ເອົາໃຈໃສ່ໜູນຊ່ວຍຫວຽດນາມ ກໍ່ສ້າງແຫຼ່ງຊັບພະຍາກອນມະນຸດຂະແໜງສາທາລະນະສຸກ ກໍ່ຄືໜູນຊ່ວຍວັກຊິນ ແລະວັດຖຸອຸປະກອນການແພດປ້ອງກັນ, ຕ້ານພະຍາດໂຄວິດ-19 ໃນໄລຍະຜ່ານມາ; ທ່ານສະແດງຄວາມຂອບອົກຂອບໃຈສະຖາບັນ Pasteur Paris ທີ່ໄດ້ສະຫງວນການໜູນຊ່ວຍອັນລ້ໍາຄ່າຂອງສະຖາບັນ Pasteur ຂອງ ຫວຽດນາມ ໃນຕະຫຼອດໄລຍະຜ່ານມາ.

ທ່ານນາຍົກລັດຖະມົນຕີ ຟ້າມມິງຈິ໊ງ ສະເໜີໃຫ້ສະຖາບັນ Pasteur Paris ແລະເຄືອຂ່າຍບັນດາສະຖາບັນ Pasteur ສືບຕໍ່ໜູນຊ່ວຍ, ສົມທົບກັນຢ່າງແໜ້ນແຟ້ນກັບຝ່າຍຫວຽດນາມ ເພື່ອຍູ້ແຮງການຮ່ວມມືຄົ້ນຄວ້າແພດສາດ, ພິເສດແມ່ນກ່ຽວກັບພະຍາດໂຄວິດ-19 ແລະບັນດາບັນຫາຫຼັງໂຄວິດ-19 ກໍ່ຄືບັນດາພະຍາດຕິດແປດໃໝ່; ຍົກສູງກໍາລັງຄວາມສາມາດໃຫ້ຖັນແຖວພະນັກງານການແພດ; ຊຸກຍູ້ການຫັນປ່ຽນດີຈີຕອນໃນການແພດ, ກວດ ແລະປິ່ນປົວພະຍາດຢູ່ເຂດຫ່າງໄກສອກຫຼີກຜ່ານລະບົບທາງໄກ; ຄົ້ນຄວ້າ, ຜະລິດຢາປົວພະຍາດ; ຮ່ວມມືກ່ຽວກັບຂະແໜງວັດຖຸອຸປະກອນການແພດ...