| ອົດສະຕາລີ ສະໜັບສະໜູນການປັບປຸງຊີວິດການເປັນຢູ່ ຂອງຊາວກະສິກອນ ແລະ ແມ່ຍິງຊົນເຜົ່າສ່ວນໜ້ອຍຢູ່ພາກຕາເວັນຕົກສ່ຽງເໜືອ | |
| ອົດສະຕາລີ ໜູນຊ່ວຍເຄື່ອງອຸປະກອນຍົກສູງກຳລັງຄວາມສາມາດຮັກສາສັນຕິພາບ ສປຊ ໃຫ້ແກ່ ຫວຽດນາມ |
ທີ່ການໂອ້ລົມສົນທະນາ ກັບທ່ານຮອງລັດຖະມົນຕີກະຊວງແຜນການ ແລະ ການລົງທຶນ ເຈີ່ນກວກເຟືອງ, ທ່ານເອກອັກຄະລັດຖະທູດ ອົດສະຕາລີ ປະຈຳ ຫວຽດນາມ Robyn Mudie ໄດ້ແບ່ງປັນວ່າ: “ພວກຂ້າພະເຈົ້າ ມີຄວາມເອກອ້າງທະນົງໃຈທີ່ສຸດທີ່ໄດ້ປະກາດຍຸດທະສາດນີ້ ອອກສູ່ມະຫາຊົນ ພ້ອມກັບຫວຽດນາມ. ໂດຍຜ່ານຍຸດທະສາດນີ້, ພວກເຮົາສາມາດເຮັດວຽກຮ່ວມກັນ ເພື່ອຟື້ນຟູເສດຖະກິດຂອງພວກເຮົາ ແລະ ພັດທະນາວັດທະນາຖາວອນ.
ພື້ນຖານເສດຖະກິດຂອງສອງປະເທດ ມີຄວາມສາມາດບົ່ມຊ້ອນເພີ່ມເຕີມຊຶ່ງກັນ ແລະ ກັນ. ອົດສະຕາລີ ແມ່ນຜູ້ສະໜອງວັດຖຸດິບ ແລະ ການບໍລິການທີ່ໄວ້ເນື້ອເຊື່ອໃຈ ໃຫ້ບັນດາຜູ້ສົ່ງອອກຫວຽດນາມ ແລະ ຜູ້ບໍລິໂພກຂອງພວກຂ້າພະເຈົ້າ ໄດ້ນິຍົມບັນດາຜະລິດຕະພັນຄຸນນະພາບສູງຂອງຫວຽດນາມ. ສາຍພົວພັນນີ້ ມີກຳລັງບົ່ມຊ້ອນອັນໃຫຍ່ຫຼວງ ເມື່ອພວກເຮົາຟື້ນຕົວພາຍຫຼັງໂລກລະບາດໂຄວິດ-19. ຍຸດທະສາດດັ່ງກ່າວ ຈະຊ່ວຍຊີ້ນຳສອງປະເທດກ້າວໄປສູ່ເສັ້ນທາງການພັດທະນາແບບເຊື່ອມໂຍງ ແລະ ໝັ້ນຄົງ.
 |
| ປະກາດຍຸດທະສາດເປີດໜ້າໃໝ່ ໃນການຮ່ວມມືດ້ານເສດຖະກິດຫວຽດນາມ - ອົດສະຕາລີ. (ພາບ: baoquocte) |
ຕາມທ່ານຮອງລັດຖະມົນຕີກະຊວງແຜນການ ແລະ ການລົງທຶນ ເຈີ່ນກວກເຟືອງ ແລ້ວ, ຍຸດທະສາດນີ້ ຈະແມ່ນຈຸດສຸມເພື່ອຫັນຄວາມສາມາດບົ່ມຊ້ອນພັດທະນາການຮ່ວມມື ລະຫວ່າງ ສອງປະເທດເປັນການປະຕິບັດ. ທ່ານຮອງລັດຖະມົນຕີກະຊວງແຜນການ ແລະ ການລົງທຶນ ເຈີ່ນກວກເຟືອງ ເນັ້ນໜັກວ່າ: “ຍຸດທະສາດສະແດງໃຫ້ເຫັນຄຳໝັ້ນສັນຍາຂອງພວກເຮົາ ເພື່ອຊຸກຍູ້ການເຊື່ອມໂຍງເສດຖະກິດ, ການຄ້າ ແລະ ການລົງທຶນໃນບັນດາຂົງເຂດສຳຄັນ ແລະ ໜູນຊ່ວຍ ໃຫ້ການຟື້ນຟູດ້ານເສດຖະກິດ ພາຍຫຼັງໂລກລະບາດໂຄວິດ-19.
ໃນຄຳນຳທຳອີດຂອງຍຸດທະສາດ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານນາຍົກລັດຖະມົນຕີ ອົດສະຕາລີ Scott Morrison ໄດ້ເຫັນດີວ່າ: ຍຸດທະສາດແມ່ນບາດກ້າວສຳຄັນ ເພື່ອຫັນເປັນການປະຕິບັດເປົ້າໝາຍລວມຂອງສອງປະເທດ ໃນກຸ່ມ 10 ຄູ່ຮ່ວມມືດ້ານການຄ້າຂັ້ນສູງຂອງແຕ່ລະປະເທດ ແລະ ເພີ່ມຂຶ້ນທົບສອງເທົ່າການລົງທຶນສອງຝ່າຍ.
“ໂດຍພ້ອມກັນ, ອົດສະຕາລີ ແລະ ຫວຽດນາມ ພວມບັນລຸໄດ້ບັນດາຜົນງານທີ່ໃຫຍ່ຫຼວງ, ພວກເຮົາມີໂຄງການດຳເນີນງານລວມອັນໝັ້ນຄົງ, ເຊື່ອໝັ້ນ ແລະ ມຸ່ງໄປສູ່ຕໍ່ອະນາຄົດ. ຍຸດທະສາດດັ່ງກ່າວ ໄດ້ສະແດງໃຫ້ເຫັນຢ່າງຈະແຈ້ງວ່າ ສອງປະເທດສາມາດບັນລຸໄດ້ຫຍັງເມື່ອສອງປະເທດຮ່ວມມືກັນ. ຂ້າພະເຈົ້າດີໃຈທີ່ໄດ້ແນະນຳຍຸດທະສາດໃຫ້ລັດຖະບານ, ວິສາຫະກິດ ແລະ ປະຊາຄົມລົງທຶນ ແລະ ປ່ຽນແປງໃໝ່ຂອງອົດສະຕາລີ ແລະ ຫວຽດນາມ, ແລະ ສຳລັບບັນດາຜູ້ທີ່ຈະພ້ອມກັນຮ່ວມມື ເພື່ອບັນລຸເປົ້າໝາຍຍຸດທະສາດນີ້”, ທ່ານນາຍົກລັດຖະມົນຕີ ອົດສະຕາລີ Scott Morrison ກ່າວ.
ທ່ານນາຍົກລັດຖະມົນຕີ ຟ້າມມິງຈິງ ເນັ້ນໜັກວ່າ: “ນັບແຕ່ການສ້າງຕັ້ງການພົວພັນທາງການທູດ ລະຫວ່າງສອງປະເທດ ຢ່າງເປັນທາງການໃນປີ 1973, ການພົວພັນມິດຕະພາບຫວຽດນາມ ແລະ ອົດສະຕາລີ ໄດ້ຮັບການພັດທະນາເປັນຢ່າງດີ, ການຮ່ວມມືດ້ານເສດຖະກິດລະຫວ່າງ ຫວຽດນາມ ແລະ ອົດສະຕາລີ ສະແດງໃຫ້ເຫັນຄວາມມຸ່ງມາດປາດຖະໜາຂອງລັດ ແລະ ປະຊາຊົນຂອງສອງປະເທດ.
ຍຸດທະສາດໄດ້ຍົກອອກບັນດາຂໍ້ລິເລີ່ມທີ່ແທດຈິງ ນຳມາເຊິ່ງຜົນປະໂຫຍດໃຫ້ທັງສອງຝ່າຍ, ລົງເລິກການພົວພັນດ້ານການຄ້າ ແລະ ການລົງທຶນຂອງສອງປະເທດໃນຫຼາຍຂົງເຂດ, ໃນນັ້ນມີຂົງເຂດກະສິກຳ, ການສຶກສາ, ພະລັງງານ, ການບໍລິການ ແລະ ເສດຖະກິດດີຈີຕອນ.
ຍຸດທະສາດດັ່ງກ່າວ ຍັງໄດ້ຍົກໃຫ້ເຫັນຄວາມສຳຄັນຂອງການປັບປຸງລະບົບການຄ້າທົ່ວໂລກທີ່ອີງໃສ່ກົດລະບຽບກົດໝາຍ ເພື່ອເປັນພື້ນຖານໃຫ້ແກ່ການຄ້າສາກົນທີ່ເປີດກວ້າງ ແລະ ການຮ່ວມມືລະຫວ່າງປະເທດ ເພື່ອແກ້ໄຂສິ່ງທ້າທາຍທາງເສດຖະກິດ ແລະ ການເຄື່ອນໄຫວເສດຖະກິດແບບບັງຄັບ.
ຄຳຮຸ່ງ
