| ອົດສະຕາລີ ໜູນຊ່ວຍເຄື່ອງອຸປະກອນຍົກສູງກຳລັງຄວາມສາມາດຮັກສາສັນຕິພາບ ສປຊ ໃຫ້ແກ່ ຫວຽດນາມ | |
| ອົດສະຕາລີສ້າງສູນການສຶກສາທຳອິດຢູ່ ຫວຽດນາມ |
ຄະນະຜູ້ແທນສະຖານທູດອົດສະຕາລີ ນຳໜ້າໂດຍທ່ານ Mark Tattersall, ຮອງເອກອັກຄະລັດຖະທູດ ອົດສະຕາລີ ປະຈຳ ຫວຽດນາມ, ແມ່ນໂອກາດເພື່ອເປັນເຫັນປະຈັກຕາຄັ້ງທຳອິດ ກ່ຽວກັບການປັບປຸງຊີວິດການເປັນຢູ່ ແລະ ກາລະໂອກາດເສດຖະກິດ ເຊິ່ງບັນດາໂຄງການ ໄດ້ສ້າງໃຫ້ຊາວກະສິກອນທ້ອງຖິ່ນ, ສະຫະກອນ ແລະ ວິສາຫະກິດຂະໜາດນ້ອຍໃນພາກພື້ນ, ມີທັງແມ່ຍິງບັນດາຊົນເຜົ່າສ່ວນໜ້ອຍ.
ການຢ້ຽມຢາມຍັງຢືນຢັນຄືນໃໝ່ ຄຳໝັ້ນສັນຍາຂອງ ອົດສະຕາລີ ໃນການພັດທະນາເສດຖະກິດຢູ່ບັນດາແຂວງພາກຕາເວັນຕົກສ່ຽງເໜືອ ໃນຂອບເຂດການຮ່ວມມືຊ່ວຍເຫຼືອໄລຍະຍາວກັບ ຫວຽດນາມ ຜ່ານໂຄງການຊຸກຍູ້ຄວາມສະເໝີພາບລະຫວ່າງຍິງຊາຍ, ຜ່ານໂຄງການຜະລິດກະສິກຳ ແລະ ພັດທະນາການທ່ອງທ່ຽວ (GREAT), ໂຄງການ Aus4innovation ແລະ ສູນຄົ້ນຄວ້າກະສິກໍາສາກົນອົດສະຕາລີ (ACIAR).
 |
| ອົດສະຕາລີ ສະໜັບສະໜູນການປັບປຸງຊີວິດການເປັນຢູ່ ຂອງຊາວກະສິກອນ ແລະ ແມ່ຍິງຊົນເຜົ່າສ່ວນໜ້ອຍຢູ່ພາກຕາເວັນຕົກສ່ຽງເໜືອ. (ພາບ: thoidai) |
ໃນການຢ້ຽມຢາມຄັ້ງນີ້, ຄະນະຜູ້ແທນ ໄດ້ພົບປະກັບຊາວກະສິກອນ ແລະ ພະນັກງານຂະແໜງການກະສິກຳ ແລະ ສົ່ງເສີມການກະເສດແຂວງເຊີນລາ, ແຂວງອຽນບ໋າຍ ແລະ ແຂວງດ້ຽນບຽນ ທີ່ເຂົ້າຮ່ວມໂຄງການ 10 ປີທີ່ໄດ້ຮັບທຶນຈາກ ACIAR ແລະ ອົງການຄົ້ນຄວ້າກະສິກຳສາກົນ (ICRAF) ເພື່ອພັດທະນາລະບົບກະສິກຳ ແລະ ປ່າໄມ້ໃນພາກຕາເວັນຕົກສ່ຽງເຫນືອ.
ມາຮອດປະຈຸບັນ, ມີ 425 ຄອບຄົວຊາວກະເສດຕະກອນ ໄດ້ເຂົ້າຮ່ວມໂຄງການ ແລະ ປະສົບຜົນສຳເລັດໃນການພັດທະນາລະບົບກະສິກຳ ເພື່ອເພີ່ມລາຍຮັບ, ພ້ອມທັງປົກປັກຮັກສາຄຸນນະພາບຂອງດິນ ແລະ ສິ່ງແວດລ້ອມ.
ທ່ານຮອງເອກອັກຄະລັດຖະທູດ Mark Tattersall ພ້ອມດ້ວຍຊາວກະສິກອນ ແລະ ວິສາຫະກິດທ້ອງຖິ່ນ ຍັງໄດ້ເຂົ້າຮ່ວມການຢ້ຽມຢາມພາກພື້ນ ທີ່ຈັດໂດຍ Aus4Innovation, ໄປຍັງ CoolBot – ເຕັກໂນໂລຍີການເກັບຮັກສາຄວາມເຢັນ ທີ່ຈະເລີນກ້າວໜ້າ ແລະ ລາຄາບໍ່ແພງ ທີ່ຊ່ວຍຮັກສາຄຸນນະພາບຂອງຜັກ ຫຼັງຈາກການເກັບກ່ຽວ.
ທີ່ການພົບປະກັບຄະນະກຳມະການປະຊາຊົນແຂວງ ເຊີນລາ, ທ່ານຮອງເອກອັກຄະລັດຖະທູດ ອົດສະຕາລີ Mark Tattersall ໄດ້ຕີລາຄາສູງການພົວພັນຄູ່ຮ່ວມມືທີ່ແໜ້ນແຟ້ນລະຫວ່າງ ອົດສະຕາລີ ແລະ ແຂວງ ເຊີນລາ, ປຶກສາຫາລືການລົງທຶນຂອງ ອົດສະຕາລີ ຢູ່ແຂວງ ແລະ ຊອກຫາກາລະໂອກາດຮັດແໜ້ນການພົວພັນລະຫວ່າງ 2 ຝ່າຍ.
ຄຳຮຸ່ງ
