| “ຮ່ວມມື 3 ຝ່າຍ” ລະຫວ່າງຄະນະການທູດ, ສະຫະສະມາຄົມວິສາຫະກິດຕ່າງປະເທດ ກັບທ້ອງຖິ່ນ, ວິສາຫະກິດ ຫວຽດນາມ | |
| ວັນທີ 15 ທັນວາ ຈະດຳເນີນເວທີປາໄສການສົ່ງເສີມການສົ່ງອອກຫວຽດນາມ |
ຕາມນັ້ນແລ້ວ, ຈີນ ຍັງປະຕິບັດນະໂຍບາຍ Zero ໂຄວິດ-19 ຕໍ່ຜະລິດຕະພັນກະເສດ ແລະສິນໃນນໍ້າທີ່ນໍາເຂົ້າເຂົ້າຈີນ ເຮັດໃຫ້ລະດັບຄວາມໄວດ້ານເວລາຜ່ານດ່ານຫຼຸດຫຼົງ 50% ເມື່ອທຽບໃສ່ໄລຍະກ່ອນ. ສິ່ງນີ້ເຮັດໃຫ້ລົດຂົນສົ່ງຜະລິດຕະພັນກະເສດ ຢູ່ດ່ານຊາຍແດນຖືກຕິດຄ້າງ ອັ່ງອໍ.
ຕາມສະຖິຕິຂອງກົມປຸງແຕ່ງ ແລະພັດທະນາຕະຫຼາດຜະລິດຕະພັນກະເສດ, ແຕ່ກາງເດືອນພະຈິກ 2021, ຈຳນວນລົດຄອນເທນເນີຢູ່ລ້າງເຊີນທີ່ຖືກຕິດຄ້າງ ອັ່ງອໍ ເພີ່ມຂຶ້ນຈາກ 1.700 ຄັນເປັນ 4.000 ຄັນ.
 |
| ທ້ອງຖິ່ນຕ້ອງສົມທົບກັນດັດສົມການສົ່ງອອກຜະລິດຕະພັນກະເສດ ແລະສິນໃນນໍ້າ ໄປຍັງຈີນ. |
ຄາດວ່າ, ພະຍາດໂຄວິດ-19 ສືບຕໍ່ຜັນແປຢ່າງສັບສົນໃນໄລຍະຈະມາເຖິງ, ໂດຍສະເພາະແມ່ນການກະກຽມຕ້ອນຮັບປີໃໝ່ປະຈຳຊາດຂອງປີ 2022 ເມື່ອຄວາມຕ້ອງການຜະລິດຕະພັນກະເສດ ແລະສິນໃນນໍ້າຂອງຈີນ ເພີ່ມຂຶ້ນ, ກົມປຸງແຕ່ງ ແລະ ຕະຫຼາດພັດທະນາຜະລິດຕະພັນກະເສດ ໄດ້ສະເໜີໃຫ້ບັນດາອົງການ, ຫົວໜ່ວຍລາຍງານຕໍ່ຄະນະກຳມະການປະຊາຊົນແຂວງ ແລະສົມທົບກັບບັນດາອົງການ, ຫົວໜ່ວຍທີ່ກ່ຽວຂ້ອງເຊັ່ນ: ກົມອຸດສາຫະກຳ ແລະການຄ້າ, ກົມຄົມມະນາຄົມ-ຂົນສົ່ງ... ເພື່ອແຈ້ງໃຫ້ບັນດາວິສາຫະກິດໃນແຂວງມີວິທີແກ້ໄຂ ແລະເກັບຮັກສາຜະລິດຕະພັນກະເສດ ແລະສິນໃນນ້ຳຢູ່ທ້ອງຖິ່ນ.
ພ້ອມກັນນັ້ນ, ບັນດາທ້ອງຖິ່ນບົນພື້ນຖານສະພາບຕົວຈິງ, ສົມທົບກັບບັນດາແຂວງຊາຍແດນ, ພິເສດແມ່ນແຂວງລ້າງເຊີນ ແຈ້ງໃຫ້ບັນດາວິສາຫະກິດ ທີ່ເຮັດວຽກກັບຄູ່ຮ່ວມມືນຳເຂົ້າຈັດເວລາໃນການນຳພາຫະນະເຂົ້າເຖິງດ່ານຊາຍແດນ ເພື່ອຮັບປະກັນສອດຄ່ອງກັບກໍາລັງຄວາມສາມາດຜ່ານແດນ ແລະຫຼຸດຜ່ອນຄ່າໃຊ້ຈ່າຍໃຫ້ວິສາຫະກິດ...
ບູນມີ
