| ນັກຮຽນຮູ້ຫວຽດນາມ-ຈີນ ແລກປ່ຽນປະສົບການດ້ານພາສາ | |
| ທ້ອງຖິ່ນຕ້ອງສົມທົບກັນດັດສົມການສົ່ງອອກຜະລິດຕະພັນກະເສດ ແລະສິນໃນນໍ້າ ໄປຍັງຈີນ |
 |
| ລົດ container ຢູ່ ເຂດດ່ານຊາຍແດນ (ພາບ: vietnamnet.vn) |
ຜູ້ຕາງໜ້າຂະແໜງພາສີອາກອນນະຄອນມອງກ໊າຍ, ແຂວງກ໋ວາງນິງ ໃນວັນທີ 22 ທັນວາ ໃຫ້ຮູ້ວ່າ: ຝ່າຍຈີນ ໄດ້ປະກາດຢຸດຕິຊົ່ວຄາວການນຳສົ່ງສິນຄ້າຜ່ານແດນ ຢູ່ບັນດາດ່ານຊາຍແດນຂອງນະຄອນມອງກ໊າຍ. ການຢຸດຕິຊົ່ວຄາວເລີ່ມແຕ່ມື້ນີ້ ແລະ ຍັງບໍ່ທັນມີລາຍລະອຽດວ່າເມື່ອໃດຈະເຄື່ອນໄຫວຄືນໃໝ່. ການນຳສົ່ງສິນຄ້າຜ່ານແດນຍັງບໍ່ທັນໄດ້ຮັບການຟື້ນຟູ, ມີຜູ້ຂັບລົດຫຼາຍຄົນພວມຈັດແຖວລໍຖ້າ.
ຕາມຜູ້ຕາງໜ້າຂອງຂະແໜງພາສີອາກອນນະຄອນມອງກ໊າຍແລ້ວ, ຝ່າຍຈີນໄດ້ນຳໃຊ້ການຄົ້ນຫາຜູ້ສຳຜັດກັບຜູ້ຕິດເຊື້ອໃນເວລາ 24 ຊົ່ວໂມງນັບແຕ່ເວລາພົບເຫັນຜູ້ຕິດເຊື້ອ, ມາຮອດປັດຈຸບັນ ສາມາດຄວບຄຸມສະພາບໂລກລະບາດໂຄວິດ - 19 ໄດ້ໂດຍພື້ນຖານ. ການນຳສົ່ງສິນຄ້າຜ່ານແດນອາດຈະໄດ້ຮັບການເປີດປະຕູຄືນໃໝ່ໃນ 2 - 3 ວັນຈະມາເຖິງ. ຄຳຮຽກຮ້ອງຂອງຝ່າຍຈີນແມ່ນຜູ້ຂັບລົດຄອນເທນເນີທຸກຄົນ ລ້ວນແຕ່ຕ້ອງປະຕິບັດຕາມມາດຕະການປ້ອງກັນ, ຕ້ານໂລກລະບາດໂຄວິດ - 19, ວິໄຈຫາເຊື້ອ ແລະ ນຸ່ງຊຸດປ້ອງກັນເຊື້ອ ເມື່ອປະຕິບັດການນຳສົ່ງສິນຄ້າຜ່ານແດນ.
ປັດຈຸບັນ, ຜູ້ຂັບລົດທຸກຄົນເມື່ອມານະຄອນມອງກ໊າຍ ລ້ວນແຕ່ໄດ້ໄປເຂດ ລູກເລີມ ເພື່ອວິໄຈຫາເຊື້ອ ແລະ ສັບຊ້ອນບ່ອນຈອດລົດ, ມາຮອດປັດຈຸບັນ, ນະຄອນມອງກ໊າຍໄດ້ສັບຊ້ອນບ່ອນຈອດລົດຕືື່ມອີກ, ແກ້ໄຂສະພາບການລົດຕິດຂອງລົດບັນທຸກຜະລິດຕະພັນກະເສດ” ຜູ້ຕາງໜ້າຂະແໜງພາສີ ນະຄອນມອງກ໊າຍໃຫ້ຮູ້.
ໂດຍໄດ້ຮູ້ວ່າ ຢູ່ບັນດາດ່ານຊາຍແດນຂອງກ໋ວາງນິງພວມມີລົດ container ຕິດ ກ່ວາ 1500 ຄັນ. ໃນຈຳນວນນີ້ສ່ວນຫຼາຍແມ່ນຜະລິດຕະພັນກະເສດ.
ແຕ່ລະວັນຍັງມີລົດ container ມາດ່ານຊາຍແດນນະຄອນ ມອງກ໊າຍ ເພື່ອລໍຖ້າຜ່ານແດນ, ອຳນາດການປົກຄອງນະຄອນມອງກ໊າຍ ໄດ້ແຈ້ງແນະນຳວິສາຫະກິດ ຄວນມີຄວາມເປັນເຈົ້າການກຳແໜ້ນສະພາບການດັດປັບການຂົນສົ່ງສິນຄ້າຜ່ານດ່ານຊາຍແດນຕ່າງໆເພື່ອສົ່ງອອກ.
ບຸນຄົງ
