| ປະຊາຄົມຊາວຫວຽດນາມຢູ່ ພູເກັດ (ປະເທດໄທ) ປາດຖະໜາຢາກຊຸກຍູ້ການຮ່ວມມືກັບຫວຽດນາມ | |
| AMM 53: ບັນດາຜູ້ຊ່ຽວຊານປະເທດໄທ ໄດ້ຕີລາຄາສູງບົດບາດນຳພາຂອງຫວຽດນາມ |
ທ່ານ ເຈີ່ນເຟຶອກເຊີນ, ຮອງປະທານຄະນະກຳມະການປະຊາຊົນນະຄອນດ່າໜັງ ໃຫ້ຮູ້ວ່າ: ການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືລະຫວ່າງ ນະຄອນ ດ່າໜັງ ແລະ ໄທ ໄດ້ມີການພັດທະນາເປັນຢ່າງດີ, ພິເສດແມ່ນໃນຂົງເຂດການຄ້າ, ການທ່ອງທ່ຽວ, ການສຶກສາ - ບຳລຸງສ້າງ, ແລກປ່ຽນວັດທະນະທຳ. ດ້ວຍທີ່ຕັ້ງພູມສາດທີ່ສະດວກ, ພື້ນຖານໂຄງລ່າງທັນສະໄໝ ແລະ ທ່າກຳປັ່ນ ຕ່ຽນຊາ ແມ່ນຈຸດສຸດທ້າຍຂອງແລວເສດຖະກິດຕາເວັນອອກ - ຕາເວັນຕົກ, ການພົວພັນມິດຕະພາບ ແລະ ການຮ່ວມມືລະຫວ່າງນະຄອນ ດ່ານັງ ແລະ ຄູ່ຮ່ວມມື ໄທ ມີກາລະໂອກາດພັດທະນາຫຼາຍຢ່າງ ແລະ ນຳມາເຊິ່ງຜົນປະໂຫຍດໃຫ້ບັນດາພາກສ່ວນທີ່ກ່ຽວຂ້ອງ.
 |
| ຊຸກຍູ້ການຮ່ວມມື ແລະ ການລົງທຶນລະຫວ່າງນະຄອນ ດາຫນັງ ແລະ ປະເທດໄທ. (ພາບ: aseanvietnam) |
ອີງຕາມຄະນະສົ່ງເສີມ ແລະ ໜູນຊ່ວຍການລົງທຶນຂອງນະຄອນ ດາຫນັງ, ໃນການຮ່ວມມືດ້ານການຄ້າ, ປະຈຸບັນ ນະຄອນ ດ່ານັງ ມີເກືອບ 20 ວິສາຫະກິດທີ່ມີການພົວພັນທຸລະກິດດ້ານການຄ້າໂດຍກົງກັບໄທ, ການແລກປ່ຽນການຄ້າລະຫວ່າງນະຄອນ ດ່ານັງ ແລະ ໄທ ໄດ້ຮັກສາສະຖຽນລະພາບ ດ້ວຍມູນຄ່າສົ່ງອອກສະເລ່ຍເກືອບ 45 ລ້ານ USD/ປີ ໃນໄລຍະ 2018 – 2020. ສະເພາະໃນພາກພື້ນອາຊຽນ, ປະເທດໄທ ແມ່ນຄູ່ຄ້າໃຫຍ່ອັນດັບສອງຂອງນະຄອນດາຫນັງ. ວົງເງິນການສົ່ງອອກໄປປະເທດໄທ ໃນປີ 2018 ບັນລຸ 4,5 ລ້ານ USD; ປີ 2019 ແມ່ນ 4,7 ລ້ານ USD, ປີ 2020 ແມ່ນ 4,5 ລ້ານ USD. ການນໍາເຂົ້າຈາກປະເທດໄທ ໃນປີ 2018: 40 ລ້ານ USD; ໃນປີ 2019: 42 ລ້ານ USD ແລະ ໃນປີ 2020 ມັນແມ່ນ 38.5 ລ້ານ USD.
ໃນດ້ານການທ່ອງທ່ຽວ, ປະເທດໄທ ແມ່ນຕະຫຼາດຕົ້ນຕໍໃນແຜນການຟື້ນຟູ ແລະ ເພີ່ມທະວີການແລກປ່ຽນນັກທ່ອງທ່ຽວ. ໃນນັ້ນ, ບັນດາພາກສ່ວນເປົ້າໝາຍທີ່ໄດ້ຮັບການກຳນົດ ລວມມີການທ່ອງທ່ຽວ MICE, ການທ່ອງທ່ຽວຣີສອດ ແລະ ກິລາກ໊ອຟ.
ທ່ານ Apirat Sugondhabhirom, ກົງສຸນໃຫຍ່ໄທ ປະຈຳນະຄອນໂຮ່ຈິມິນ, ຢືນຢັນວ່າ ສຳຫຼັບນະຄອນດ່າໜັງ ແລະ ບັນດາແຂວງພາກກາງຂອງຫວຽດນາມແລ້ວ, ແລວເສດຖະກິດຕາເວັນອອກ - ຕາເວັນຕົກ ໄດ້ຮັບຖືວ່າ ແມ່ນເສັ້ນທາງຍຸດທະສາດເຊື່ອມຕໍ່ນະຄອນດາໜັງ ກັບ ປະເທດໄທ ໂດຍຜ່ານ ສປປ.ລາວ. ກ່ອນການແຜ່ລະບາດຂອງພະຍາດໂຄວິດ-19, ເສັ້ນທາງນີ້ ໄດ້ມີບົດບາດສຳຄັນໃນການຊຸກຍູ້ການຮ່ວມມືດ້ານການຄ້າ ແລະ ການທ່ອງທ່ຽວຂອງທັງສາມປະເທດ, ການເຊື່ອມຕໍ່ແລວເສດຖະກິດດັ່ງກ່າວ ຍັງໄດ້ປະກອບສ່ວນຊຸກຍູ້ການຟື້ນຟູການເຄື່ອນໄຫວເສດຖະກິດໃນພາກພື້ນ ໄລຍະຫຼັງໂຄວິດ-19.
ຄຳຮຸ່ງ
