| ນະຄອນ ດ່າໜັງ ຕ້ອນຮັບຖ້ຽວບິນທຳອິດ ນຳນັກທ່ອງທ່ຽວສາກົນ ມາຫວຽດນາມ | |
| WVI ໜູນຊ່ວຍ ນະຄອນ ເກິ່ນເທີ ໃນການຕ້ານໂລກລະບາດ COVID-19 |
 |
| ພາບປະກອບ: TTXVN |
ນີ້ແມ່ນຄະນະຜູ້ແທນຄັ້ງທຳອິດໄປຍັງນະຄອນດ່ານັັ້ງ ພາຍຫຼັງນະຄອນຄ່ອຍໆຄວບຄຸມການແຜ່ລະບາດຂອງພະຍາດໂຄວິດ-19 ແລະ ເປີດຄືນໃໝ່ເພື່ອຕ້ອນຮັບນັກທ່ອງທ່ຽວກັບຄືນສູ່ສະພາບ “ປົກກະຕິໃໝ່”.
ທ່ານນາງ ຫງວຽນທິຮວ່າຍອານ, ຜູ້ອໍານວຍການສູນສົ່ງເສີມການທ່ອງທ່ຽວນະຄອນດ່ານັ້ງ, ຫົວໜ່ວຍໜູນຊ່ວຍບັນດາຄະນະຜູ້ແທນ MICE ປະຈໍານະຄອນ ດ່າໜັງ, ໃຫ້ຮູ້ວ່າ ມີແຂກ 500 ຄົນເຂົ້າຮ່ວມກອງປະຊຸມແຫ່ງຊາດກ່ຽວກັບພະແນກພາຍນອກ ແລະ ຜ່າຕັດພາຍໃນ ທົ່ວປະເທດ. ການຈັດຕັ້ງການຕ້ອນຮັບຄະນະຜູ້ແທນ MICE ຈະສ້າງຄວາມປະທັບໃຈໃຫ້ແກ່ແຂກທ່ອງທ່ຽວຜູ້ມາຢ້ຽມຢາມ, ຊ່ວຍໃຫ້ບັນດາວິສາຫະກິດ ແລະ ລູກຄ້າມີຄວາມໝັ້ນໃຈກວ່າໃນການເລືອກເອົານະຄອນ ດ່ານັງ ເປັນຈຸດນັດພົບໃຫ້ແກ່ເຫດການຂອງຕົນ.
ຄຽງຄູ່ກັບການຊຸກຍູ້ການເປີດປະຕູການທ່ອງທ່ຽວເພື່ອຟື້ນຟູຂະແໜງເສດຖະກິດປາຍແຫຼມຂອງນະຄອນ ດ່ານັ້ງ, ອຳນາດການປົກຄອງນະຄອນ ຍາມໃດກໍ່ສຸມໃສ່ວຽກງານປ້ອງກັນ, ຕ້ານໂລກລະບາດໂຄວິດ - 19, ກ່ອນອື່ນໝົດຕ້ອງຮັບປະກັນຄວາມສຳເລັດຂອງເຫດການ ແລະ ຄວາມເພິ່ງພໍໃຈຂອງລູກຄ້າ. ສິ່ງສຳຄັນກວ່ານັ້ນ, ການຈັດຕັ້ງຢ່າງສຳເລັດຜົນໃຫ້ແກ່ຄະນະຜູ້ແທນຄັ້ງນີ້ຈະເປັນແບບຢ່າງຂອງ “ການຮັບມືຢ່າງປອດໄພ, ມີໄຫວພິບ ແລະ ການຄວບຄຸມໂລກລະບາດໂຄວິດ - 19 ໄດ້ຢ່າງມີປະສິດທິຜົນ” ໃນຂະແໜງການທ່ອງທ່ຽວ ແລະ ການຈັດຕັ້ງກິດຈະກຳໃນໄລຍະປະຈຸບັນ.
ກອງປະຊຸມສຳມະນາພະແນກພາຍນອກ ແລະ ຜ່າຕັດພາຍໃນ ຫວຽດນາມ ໄດ້ເລືອກເອົາຢູ່ນະຄອນ ດ່ານັງ ເພື່ອຈັດກອງປະຊຸມວິທະຍາສາດປະຈຳປີ. ກອງປະຊຸມຄັ້ງນີ້ຈະຈັດຂຶ້ນໃນຮູບແບບທາງໄກສົມທົບໂດຍກົງໃນ 2 ວັນຄື ວັນທີ 10 ແລະ 11 ທັນວາ 2021 ດ້ວຍຈຳນວນແຂກເຂົ້າຮ່ວມ 1000 ກວ່າຄົນ; ໃນນັ້ນມີແຂກເຂົ້າຮ່ວມໂດຍກົງຢູ່ສູນປະຊຸມສາກົນ Ariyana ປະມານ 500 ຄົນ.
ບຸນຄົງ
