| ລ່າວກາຍໄດ້ຮັບອຸປະກອນການແພດຈາກກຸ່ມບໍລິສັດ Sunwah ຮົ່ງກົງ ແລະແຂວງ ຢຸນນານ, ຈີນ | |
| Samaritan's Purse ຈັດຕັ້ງການຝຶກອົບຮົມ "ສະໜັບສະໜູນການເບິ່ງແຍງສຸຂະພາບຄອບຄົວຢູ່ແຂວງລາວກາຍ" |
 |
| ທ່ານເລຂາຄະນະພັກແຂວງລາວກາຍ ໄດ້ຕ້ອນຮັບການເຂົ້າຢ້ຽມຂ່ຳນັບ ຈາກສະຖານກົງສຸນໃຫຍ່ຫວຽດນາມ ປະຈຳ ຄຸນໝິງ ແລະ ການນຳຂອງກຸ່ມບໍລີສັດ Sunwah. (ພາບ: baolaocai) |
ກ່າວຄຳເຫັນທີ່ກອງປະຊຸມ, ທ່ານ ດັ້ງຊວນຟອງ ໄດ້ແນະນຳໂດຍສັງເຂບກ່ຽວກັບຄວາມສາມາດບົ່ມຊ້ອນ ແລະ ທ່າແຮງຂອງແຂວງລາວກາຍ; ທີ່ຕັ້ງ, ບົດບາດ ແລະ ການພົວພັນຕ່າງປະເທດຂອງແຂວງລາວກາຍ ກັບແຂວງຢຸນນານ. ລາວກາຍ ຍາມໃດກໍ່ແມ່ນຈຸດໝາຍປາຍທາງ ຂອງບັນດານັກລົງທຶນຍຸດທະສາດ ແລະ ມີທ່າແຮງບົ່ມຊ້ອນ ມາລົງທຶນ ແລະ ຊອກຫາກາລະໂອກາດລົງທຶນ. ທ່ານ ດັ້ງຊວນຟອງ ເຊື່ອໝັ້ນວ່າ ດ້ວຍປະສົບການ ແລະ ຄວາມສາມາດບົ່ມຊ້ອນຂອງກຸ່ມບໍລິສັດ Sunwah ແລະ ບົດບາດເປັນຂົວເຊື່ອມຕໍ່ຂອງສະຖານກົງສຸນໃຫຍ່ຫວຽດນາມ ປະຈຳ ຄຸນໝິງ, ກຸ່ມ Sunwah ຈະສາມາດລົງທຶນ ແລະ ຮ່ວມມືໃນໄລຍະຍາວກັບ ແຂວງລາວກາຍ.
ທ່ານ Jesse Choi - ຫົວໜ້າກຸ່ມບໍລິສັດ Suwah ຫວຽດນາມ ໃຫ້ຮູ້ວ່າ: ຜ່ານການສຳຫຼວດ, ລາວກາຍ ມີຄວາມສາມາດບົ່ມຊ້ອນ ແລະ ໂອກາດລົງທຶນຫຼາຍຢ່າງໃຫ້ແກ່ກຸ່ມບໍລິສັດ, ພິເສດແມ່ນຂົງເຂດກະສິກຳ, ການທ່ອງທ່ຽວ, ການລົງທຶນ ແລະ ການສົ່ງອອກນຳເຂົ້າ. ໃນໄລຍະຈະມາເຖິງ, ກຸ່ມບໍລິສັດ Sunwah ປາດຖະໜາຢາກຈະສາມາດລົງທຶນ, ຮ່ວມມື ແລະ ໜູນຊ່ວຍແຂວງ ລາວກາຍ ໃນບັນດາຂົງເຂດດັ່ງກ່າວ.
ຄຳຮຸ່ງ
