| ສາຍການບິນ ຫວຽດນາມ ມີຖ້ຽວບິນປົກກະຕິໄປຍັງ ອາເມລິກາ ຖ້ຽວທຳອິດ | |
| ຫວຽດນາມໄດ້ຮັບຕູ້ເກັບຮັກສາວັກຊີນ ຈຳນວນ 36 ຕູ້ຈາກອາເມລິກາ |
ທີ່ກອງປະຊຸມວາລະທີ 1 ດ້ວຍເນື້ອໃນ: ແງ່ຫວັງການຮ່ວມມືດ້ານເສດຖະກິດ - ການຄ້າລະຫວ່າງ ຫວຽດນາມ - ອາເມລິກາ, ບັນດານັກຊ່ຽວຊານໄດ້ແນະນຳວ່າ ບັນດາວິສາຫະກິດ ຫວຽດນາມ ຕ້ອງກຳໄດ້ໂອກາດນີ້ ເພື່ອເຂົ້າຮ່ວມລະບົບມູນຄ່າທົ່ວໂລກຢ່າງເລິກເຊິ່ງກ່ວາອີກ. ໃນກອງປະຊຸມວາລະທີ 2 ດ້ວຍເນື້ອໃນ: ເສດຖະກິດດີຈີຕອນ - ທ່າອ່ຽງ ແລະ ພື້ນຖານນະໂຍບາຍຂອງ ຫວຽດນາມ - ອາເມລິກາ, ບັນດານັກຊ່ຽວຊານ ເນັ້ນໜັກວ່າ ການຄ້າ ແລະ ການບໍລິການດີຈີຕອນ ແມ່ນມາດຕະການສຳຄັນ ເພື່ອຊຸກຍູ້ການແລກປ່ຽນການຄ້າ ແລະ ການລົງທຶນລະຫວ່າງວິສາຫະກິດ 2 ປະເທດໃນສະພາບການໃໝ່.
 |
| ທ່ານ ໂດທັງຫາຍ, ຮອງລັດຖະມົນຕີກະຊວງອຸດສາຫະກຳ ແລະ ການຄ້າ. (ພາບ: baotintuc) |
ທ່ານ ໂດທັງຫາຍ, ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ໃຫ້ຮູ້ວ່າ: ໃນມູມມອງຕັ້ງໜ້າ, ບັນດາຄວາມບໍ່ປົກກະຕິທີ່ເກີດຈາກໂລກລະບາດໂຄວິດ-19 ໄດ້ຊ່ວຍສ້າງກາລະໂອກາດທີ່ບໍ່ເຄີຍມີມາກ່ອນ ໃຫ້ແກ່ບັນດາວິສາຫະກິດ. ແຕ່ລະຂະແໜງການ, ແຕ່ລະຂົງເຂດ ຕ້ອງຕີລາຄາຄືນຄວາມສາມາດຂອງຕົນເອງ, ເປີດອອກບັນດາທິດທາງດຳເນີນທຸລະກິດ ແລະ ຄວາມສາມາດ ເພື່ອເຂົ້າເຖິງຕະຫຼາດໃໝ່. ເພາະສະນັ້ນ, ເວທີປາໄສການຄ້າຫວຽດນາມ - ອາເມລິກາ ແມ່ນໂອກາດສຳຄັນ ເພື່ອໃຫ້ບັນດາວິສາຫະກິດຂອງ 2 ປະເທດພົບປະແລກປ່ຽນ, ຊອກຫາກາລະໂອກາດຮ່ວມມື, ຍາດແຍ່ງທ່າອ່ຽງການດຳເນີນທຸລະກິດໃໝ່, ພິເສດແມ່ນເປີດກ້ວາງກາລະໂອກາດເຂົ້າເຖິງຕະຫຼາດ ອາເມລິກາ, ເພື່ອເພີ່ມຄວາມໄວໃນການຟື້ນຕົວ ຫຼັງການແຜ່ໂລກລະບາດ .
ໄລ່ຮອດທ້າຍເດືອນຕຸລາປີນີ້, ວົງເງິນການຄ້າສອງຝ່າຍບັນລຸ 89,6 ຕື້ USD, ໃນນັ້ນ ຫວຽດນາມ ສົ່ງອອກໄປຍັງອາເມລິກາ 76,7 ຕື້ USD. ອາເມລິກາ ຍັງຄົງຮັກສາທີ່ຕັ້ງຂອງຕົນ ເປັນຕະຫຼາດສົ່ງອອກໃຫຍ່ທີ່ສຸດຂອງຫວຽດນາມ, ໃນຂະນະທີ່ ຫວຽດນາມ ສືບຕໍ່ບືນຕົວຂຶ້ນກາຍເປັນຄູ່ຮ່ວມມືການຄ້າໃຫຍ່ອັນດັບ 9 ຂອງອາເມລິກາ.
ຄຳຮຸ່ງ
