ຫວຽດນາມ ຮັບວັກຊິນ Pfizer 2,6 ລ້ານໂດສ ໂດຍ ອາເມລິກາ ມອບໃຫ້
	ຫວຽດນາມໄດ້ຮັບຕູ້ເກັບຮັກສາວັກຊີນ ຈຳນວນ 36 ຕູ້ຈາກອາເມລິກາ

ເຮືອ​ບິນ​ຂອງ Vietnam Airlines (ພາບ: VNA)

ຕາມ​ທ່ານ ເລ​ຮົ່ງ​ຮ່າ​, ຜູ້​ອຳ​ນວຍ​ການ Vietnam Airlines ແລ້ວ, ກ່ອນນີ້ 1 ປີ, ບໍ​ລິ​ສັດ​ໄດ້​ກາຍ​ເປັນ​ບໍ​ລິ​ສັດ​ການ​ບິນ ຫວຽດ​ນາມ ທຳ​ອິດ​ມີຖ້ຽວ​ບິນ​ໄປ​ຍັງ ອາ​ເມ​ລິ​ກາ ໂດຍ​ກົງ, ລະ​ອຽດ​ແມ່ນ​ສະ​ໜາມ​ບິນ San Francisco, ເພື່ອ​ໂດຍ​ສານ​ພົນ​ລະ​ເມືອງກັບຄືນ​​ເມືອ​ປະ​ເທດ.

“ຖ້ຽວ​ບິນ​ໃນ​ມື້ນີ້ ແມ່ນ​ການ​ເດີນ​ທາງ​ບິນໄປ​ໂດຍ​ກົງ ແລະ ລົງ​ຈອດ​ຢູ່​ສະ​ໜາມ​ບິນ San Francisco ແຕ່​ມີ​ຄວາມ​ໝາຍ​ໃໝ່, ສ້າງ​ຂີດໝາຍບາດ​ກ້າວໃຫຍ່ຂອງ Vietnam Airlines ແລະ ຫຼັກ​ໝາຍ​ປະ​ຫວັດ​ສາດຂອງ ບໍ​ລິ​ສັດ​ການ​ບິນ ຫວຽດ​ນາມ ດ້ວຍ​ເສັ້ນ​ທາງ​ປົກ​ກະ​ຕິ ຫວຽດ​ນາມ - ອາ​ເມ​ລິ​ກາ ຢ່າງ​ເປັນ​ທາງ​ການ ໄດ້​ຮັບ​ການ​ສ້າງ​ຕັ້ງ” ທ່ານ​ ຮ່າ​ ໃຫ້​ຮູ້.

ຖ້ຽວ​ບິນ VN98 ໄດ້​ເລີ່ມອອກເດີນທາງແຕ່​ສະ​ໜາມ​ບິນ ເຕີນ​ເຊີນ​ເຍິດ ​ໃນ​​ເວ​ລາ 20 ໂມງ 57 ນາ​ທີ ວັນ​ທີ 28 ພະ​ຈິກ ແລະ ລົງ​ຈອດ​ຢູ່​ສະ​ໜາມ​ບິນ San Francisco ໃນ​ຕອນ​ເວ​ລາ 19 ໂມ​ງ 42 ນາ​ທີ​ ໃນ​ວັນ​ທີ 28 ພະ​ຈິກ (ຕາມ​ເວ​ລາ​ທ້ອງ​ຖິ່ນ, ກົງ​ກັບ​ເວ​ລາ 10 ໂມງ 42 ນາ​ທີ​ຂອງ ວັນ​ທີ 29 ພະ​ຈິກ ຕາມ​ເວ​ລາ ຫວຽດ​ນາມ). ລວມເວ​ລາ​ບິນ ໄປໂດຍກົງແບບບໍ່​ແວ່​ຈອດ ລະ​ຫວ່າງ ນະ​ຄອນ​ໂຮ່​ຈີ​ມິນ ຫາ San Francisco ແມ່ນ 13 ຊົ່ວ​ໂມງ 45 ນາ​ທີ.

ຖ້ຽວ​ບິນ ໄດ້​ປະ​ຕິ​ບັດ​ໂດຍ​ເຮືອ​ບິນ Boeing 787-9 Dreamliner, ໂດຍ​ແມ່ນ​ໜຶ່ງ​ໃນ​ບັນ​ດາ​ເຮືອ​ບິນ​ທີ່ກ້​ວາງ​, ທັນ​ສະ​ໄໝ​ທີ່​ສຸດ​ໃນ​ໂລກ ຂອງ​ບໍ​ລິ​ສັດ​ຜະ​ລິດ​ເຮືອ​ບິນ Boeing ( ອາ​ເມ​ລິ​ກາ).

ຖ້ຽວ​ບິນ VN98 ໄດ້​ເປີດ​ໄລ​ຍະ​ຂຸດ​ຄົ້ນ​ໃໝ່​ຂ​ອງ Vietnam Airlines ໃນ​ເສັ້ນ​ທາງ​ບິນໄປ​ຍັງ ອາ​ເມ​ລິ​ກາ, ລະ​ອຽດ​ແມ່ ນັບ​ແຕ່​ວັນ​ທີ 28 ພະ​ຈິກ, Vietnam Airlines ໄດ້​ຂຸດ​ຄົ້ນ​ຖ້ຽວ​ບິນ ປົກ​ກະ​ຕິ 2 ຖ້ຽວ/ອາ​ທິດ ​ລະ​ຫວ່າງ ນະ​ຄອນ ໂຮ່​ຈີ​ມິນ ແລະ San Francisco. ທາງ​ບໍ​ລິ​ສັດ​ໄດ້​ຄາດ​ວ່າ ຈ​ະ​ເພີ່ມ​ຂຶ້ນ 7 ຖ້ຽວ/ອາ​ທິດ​ ພາຍ​ຫຼັງ​ຄວບ​ຄຸມ​ໂລກ​ລະ​ບາດ​ໂຄວິດ - 19 ໄດ້ ແລະ ລັດ​ຖະ​ບານ ຫວຽດ​ນາມ ອະ​ນຸ​ຍາດ​ເປີດ​ຄືນ​ບັນ​ດາ​ຖ້ຽວ​ບິນ​ສາ​ກົນ ແບບປົກ​ກະ​ຕິ.

Vietnam Airlines ພວມ​ສືບ​ຕໍ່​ຄົ້ນ​ຄ້​ວາ ເປີດ​ຕື່ມ​ບັນ​ດາ​ຖ້ຽວ​ບິນໄປ​ຍັງ ອາ​ເມ​ລິ​ກາ ຄື Los Angeles ແລະ ຮ່າ​ໂນ້ຍ ຫຼື ນະ​ຄອນ​ໂຮ່​ຈີ​ມິນ. ບັນ​ດາ​ຖ້ຽວ​ບິນ ລະ​ຫວ່າງ ຫວຽດ​ນາມ ແລະ ອາ​ເມ​ລິ​ກາ ຈະ​ໄດ້​ຮັບ​ການ​ປະ​ຕິ​ບັດ​ໂດຍ​ເຮືອ​ບິນ Boeing 787 ແລະ ເຮືອ​ບິນ Airbus A350.

ອາ​ເມ​ລິ​ກາ​ແມ່ນ​ໜຶ່ງ​ໃນ​ບັນ​ດາ​ປະ​ເທດ​ທີ່ມີ​ຈຳ​ນວນ​ຊາວ​ຫວຽດ​ນາມ ແລະ ນັກ​ຮຽນ ຫວຽດ​ນາມ ຫຼາຍ​ທີ່​ສຸດ​ໃນ​ໂລກ. ຕະຫຼາດ​ການ​ບິນ ຫວຽດ​ນາມ - ອາ​ເມ​ລິ​ກາ ຄາດ​ວ່າ ​ບັນ​ລຸ​ໄດ້ 1,4 ລ້ານ​ເທື່ອ​ຄົນ ໃນ​ປີ 2019, ເພີ່ມ​ຂຶ້ນ​ສະ​ເລ່ຍ 8%/ປີ ໄລ​ຍະແຕ່ 2017 – 2019. ນີ້​ແມ່ນ​ຕະຫຼາດ​ທີ່​ມີ​ຈຳນວນແຂກ​ມາ​ຫວຽດ​ນາມ ໃຫຍ່​ອັນ​ດັບ​ທີ 10 ແລະ ເປັນຕະຫຼາດ​ໃຫຍ່​ທີ່​ສຸດ ທີ່​ບໍ່​ມີ​ຖ້ຽວ​ບິນ​ໂດ​ຍ​ກົງ​ໄປ​ຍັງ​ຫວຽດ​ນາມ ໃນ​ເມື່ອ​ກ່ອນ.