| ຍີ່ປຸ່ນ ຊ່ວຍເຫລືອຫຼ້າ ຈໍານວນເງິນ 2 ຕື້ເຢນ ໃຫ້ແກ່ ຫວຽດນາມ ເພື່ອປ້ອງກັນ ແລະ ຄວບຄຸມ ໂລກລະບາດ COVID-19 | |
| ສສ ຫວຽດນາມ ມອບສານປະສົມຜະລິດນ້ຳຢາລ້າງມືຕ້ານພະຍາດໂຄວິດ-19 ໃຫ້ແກ່ ສປປ ລາວ |
 |
| ທ່ານເອກອັກຄະລັດຖະທູດ ຟ້າມຫ໋າຍແອັງ, ອຸປະທູດຊົ່ວຄາວຫວຽດນາມ ປະຈຳ ສປຊ (ພາບ: TTXVN) |
ທ່ານນາງ Bintou Keita ຜູ້ຕາງໜ້າພິເສດຂອງ ເລຂາທິການໃຫຍ່ ສປຊ ທັງເປັນຫົວໜ້າຄະນະປະຕິບັດການຮັກສາສັນຕິພາບ ສປຊ ຢູ່ ສປ.ກົງໂກ ຖືວ່າ ສະພາບການຄວາມໝັ້ນຄົງ ຢູ່ທາງທິດຕາເວັນອອກຢູ່ ສປ.ກົງໂກ ໃນໄລຍະຜ່ານມາ ສືບຕໍ່ບໍ່ໄດ້ຮັບການປັບປຸງ, ຊ້ຳບໍ່ໜຳແມ່ນຢູ່ບາງແຂວງຍິ່ງຮ້າຍແຮງກວ່າເກົ່າ. ເຖິງວ່າອຳນາດການປົກຄອງປະເທດນີ້ ໄດ້ຖືສອງແຂວງເປັນ “ຈຸດຮ້ອນເຮັ່ງ” ເຊິ່ງແມ່ນ Kivu ເໜືອ ແລະ Ituri ພາຍໃຕ້ “ສະພາບການສຸກເສີນ” ໃນໄລຍະເວລາ 7 ເດືອນຜ່ານມາ, ບັນດາກຸ່ມປະກອບອາວຸດຍັງຊອກຫາວິທີການຮັກສາການເຄື່ອນໄຫວຂຸດຄົ້ນ ແລະ ຄ້າຂາຍຊັບພະຍາກອນທຳມະຊາດແບບຜິດກົດໝາຍ, ເພີ່ມການນຳໃຊ້ອາວຸດຕໍ່ສາມັນຊົນ ແລະ ສິ່ງກີດຂວາງການເຄື່ອນໄຫວມະນຸດສະທຳ.
ການຂາດຄວາມໝັ້ນຄົງ, ໂລກລະບາດໂຄວິດ - 19 ແລະ ການເກີດໂລກລະບາດ Ebola ພວມເຮັດໃຫ້ສະພາບການມະນຸດສະທຳນັບມື້ນັບຮ້າຍແຮງຢູ່ ສປ.ກົງໂກ, ໂດຍແມ່ນສະຖານທີ່ທີ່ມີຈຳນວນຜູ້ບໍ່ມີບ່ອນພັກພາອາໄສຫຼາຍທີ່ສຸດໃນພາກພື້ນ ດ້ວຍປະມານ 5,7 ລ້ານຄົນ.
ທ່ານນາງ Keita ກໍ່ແຈ້ງໃຫ້ຊາບ ກ່ຽວກັບການເຄື່ອນໄຫວໜູນຊ່ວຍຂອງ MONUSCO ໃນພື້ນທີ່ຕົວຈິງ, ໃນນັ້ນມີແຜນການປັບປຸງການເຄື່ອນໄຫວຂອງຄະນະປະຕິບັດງານ ໃຫ້ເໝາະສົມກັບສະພາບການຕົວຈິງ.
ທ່ານເອກອັກຄະລັດຖະທູດ ຟ້າມຫ໋າຍແອັງ, ອຸປະທູດຊົ່ວຄາວຫວຽດນາມ ປະຈຳ ສປຊ, ໄດ້ແບ່ງປັນຄວາມວິຕົກກັງກົນຕໍ່ການຂາດສະຖຽນລະພາບທີ່ແກ່ຍາວ ແລະ ເລື່ອງສາມັນຊົນຖືກກຸ່ມປະກອບອາວຸດບຸກໂຈມຕີ. ທ່ານເອກອັກຄະລັດຖະທູດ ຟ້າມຫ໋າຍແອັງ ກໍ່ສະແດງຄວາມວິຕົກກັງວົນກ່ຽວກັບສະພາບການດ້ານມະນຸດສະທຳ ແລະ ຮຽກຮ້ອງເພີ່ມທະວີການໜູນຊ່ວຍໃຫ້ແກ່ກອງທຶນມະນຸດສະທຳ ຂອງ ສປຊ ຢູ່ ສປ.ກົງໂກ.
ທ່ານ ຟ້າມຫ໋າຍແອັງ ກໍເນັ້ນໜັກເຖິງເລື່ອງຕ້ອງຊອກຫາບັນດາມາດຕະການແກ້ໄຂສາຍເຫດຂອງການຂາດສະຖຽນລະພາບຜ່ານບັນດາຍຸດທະສາດໃໝ່ກ່ຽວກັບການປົກປ້ອງສາມັນຊົນ ເພີ່ມທະວີສິດອຳນາດຂອງລັດ, ການຄຸ້ມຄອງຊັບພະຍາກອນທຳມະຊາດ ແລະ ປະຕິຮູບຂົງເຂດຄວາມໝັ້ນຄົງ. ພ້ອມທັງເນັ້ນໜັກເຖິງຄວາມສຳຄັນໃນການຮ່ວມມືລະຫວ່າງ ສປ.ກົງໂກ ແລະ ບັນດາປະເທດບ້ານໃກ້ເຮືອນຄຽງ, ພາກພື້ນ ກໍ່ຄືການໜູນຊ່ວຍທີ່ຂາດບໍ່ໄດ້ຂອງປະຊາຄົມສາກົນ ກັບບັນດາຄວາມມານະພະຍາຍາມນີ້.
ບຸນຄົງ
