 |
| ທ່ານໝໍກວດພະຍາດໃຫ້ແກ່ປະຊາຊົນ (ພາບ: bienphong.com.vn) |
ການເຄື່ອນໄຫວໄດ້ດຳເນີນໃນລະຫວ່າງວັນທີ 5 – 6 ທັນວາ, ໂດຍບັນດາແພດໝໍຂອງໂຮງໝໍສູນກາງກອງທັບ 108, ບັນດາໂຮງໝໍ: 354, 4, 286 ຂອງກອງທັບປະຊາຊົນ ຫວຽດນາມ ແລະ ໂຮງໝໍເສນາຮັກ 109, ກອງທັບປະຊາຊົນລາວ ປະຕິບັດ. ບັນດາແພດໝໍຈະກວດພະຍາດ, ກວດຫາເຊື້ອ ແລະ ແຈກຢາຍຢາປິ່ນປົວໃຫ້ແກ່ປະຊາຊົນ ປະມານ 2000 ຄົນ.
ທ່ານພົນຈັດຕະວາ ຫງວຽນຊວັນກຽນ, ຫົວໜ້າກົມເສນາຮັກ, ກົມໃຫຍ່ສານາຮັກ, ກອງທັບປະຊາຊົນ ຫວຽດນາມ ໃຫ້ຮູ້ວ່າ ການກວດພະຍາດ ແລະ ແຈກຢາຍຢາໂດຍບໍ່ເສຍຄ່າທັງແມ່ນໜ້າທີ່ທັງແມ່ນນ້ຳໃຈເພື່ອສະແດງຄວາມຮູ້ບຸນຄຸນຕໍ່ການໜູນຊ່ວຍຂອງປະຊາຊົນ ແລະ ອຳນາດການປົກຄອງທ້ອງຖິ່ນ ຕໍ່ການປະຕິວັດ, ກອງທັບສອງປະເທດໃນພາລະກິດແຫ່ງການຕໍ່ຍູ້ປົດປ່ອຍຊາດ.
ທ່ານພົນຈັດຕະວາ ຄຳແພງ ພູມະແກ້ວ, ຫົວໜ້າກົມເສນາຮັກກອງທັບປະຊາຊົນລາວ ຖືວ່າ ນີ້ແມ່ນໂອກາດເພື່ອໃຫ້ບັນດາແພດໝໍສອງຝ່າຍເພີ່ມທະວີການແລກປ່ຽນ, ແບ່ງປັນບົດຮຽນປະສົບການເຊິ່ງກັນແລະກັນ ດ້ວຍຈິດໃຈຄວາມຮັບຜິດຊອບຢ່າງສູງທີ່ສຸດ, ຜ່ານນັ້ນ ກໍຍົກສູງລະດັບດ້ານວິຊາການ ແລະ ຈິດໃຈສາມັກຄີ.
ໂຄງການພົບປະແລກປ່ຽນມິດຕະພາບ ກະຊວງປ້ອງກັນເຂດຊາຍແດນ ສອງປະເທດ ຫວຽດນາມ - ລາວ ປີ 2021 ໂດຍກະຊວງປ້ອງກັນປະເທດສອງປະເທດຫວຽດນາມ ແລະ ລາວ ສົມທົບກັນຈັດຕັ້ງເພື່ອແນໃສ່ປະກອບສ່ວນເພີ່ມທະວີການພົວພັນສາມັກຄີ, ນ້ຳໃຈມິດຕະພາບແບບພິເສດ ລະຫວ່າງສອງພັກ, ລັດ, ປະຊາຊົນ ແລະ ກອງທັບສອງປະເທດໃຫ້ຫຼາຍກ່ວາອີກ ຄາດວ່າຈະດຳເນີນໃນເດືອນທັນວາ ປີ 2021.
ບຸນຄົງ
