 |
| ຫວຽດນາມ ໄດ້ຮັບການມອບໂອນເຕັກໂນໂລຊີການຜະລິດວັກຊີນ Sputnik V ຈາກລັດເຊຍ. ພາບ: plo.vn |
ໃນຂອບເຂດການຢ້ຽມຢາມລັດເຊຍຢ່າງເປັນທາງການຂອງ ທ່ານປະທານປະເທດ ຫງວຽນຊວນຟຸກ, ໂດຍພາຍໃຕ້ການເປັນສັກຂີພິຍານຂອງ ທ່ານຮອງນາຍົກລັດຖະມົນຕີ ຫວຽດນາມ ເລວັນແທ່ງ ແລະ ທ່ານຮອງນາຍົກລັດຖະມົນຕີ ລັດເຊຍ Dmitry Chernyshenko, ບໍລິສັດຫຸ້ນສ່ວນກຸ່ມບໍລິສັດ T&T Group ໄດ້ລົງນາມໃນບົດບັນທຶກຊ່ວຍຈຳກັບ ກອງທຶນລົງທຶນໂດຍກົງ ຂອງສະຫະພັນລັດເຊຍ (RDIF) ແລະກຸ່ມບໍລິສັດ Binnopham ກ່ຽວກັບການມອບໂອນເຕັກໂນໂລຢີການຜະລິດ, ການສ້າງຕັ້ງຮາກຖານການຜະລິດໃຫມ່ຈໍານວນໜຶ່ງ ໃນວົງຈອນການຜະລິດວັກຊີນ Sputnik V ແບບຄົບວົງຈອນ ຕ້ານ ໂຄວິດ - 19 ຢູ່ ຫວຽດນາມ, ພ້ອມກັນນັ້ນກໍ່ ໄດ້ມອບໂອນເຕັກໂນໂລຊີການຜະລິດ, ຮ່ວມກັນສ້າງຕັ້ງສູນຄົ້ນຄ້ວາ ແລະ ຮາກຖານຜະລິດ “ແບບຄົບວົງຈອນ” ຢູ່ຫວຽດນາມ ເພື່ອຜະລິດບັນດາຢາປ້ອງກັນພະຍາດໂຄວິດ-19 ແລະ ບັນດາຢາຊະນິດອື່ນໆ.
ປະຈຸບັນ, ກຸ່ມບໍລິສັດ Binnopharm ເປັນຜູ້ຜະລິດຢາລາຍໃຫຍ່ທີ່ສຸດ ແລະ ເປັນໜຶ່ງໃນບັນດາວິສາຫະກິດຫຼັກແຫຼ່ງທີ່ຜະລິດວັກຊີນ Sputnik V ຂອງລັດເຊຍ. Binnopharm ແມ່ນຫນຶ່ງໃນບັນດາບໍລິສັດທີ່ໃຫຍ່ທີ່ສຸດໃນຕະຫຼາດຢາ ລັດເຊຍ, ໂດຍໄດ້ຮັບຄວາມນິຍົມ ແລະ ຄວາມເຊື່ອຫມັ້ນຂອງປະຊາຊົນລັດເຊຍ ດ້ວຍຢາທີ່ຫລາກຫລາຍ. ໃນຂະນະນັ້ນ, RDIF ແມ່ນກອງທຶນຊັບສົມບັດທີ່ມີອະທິປະໄຕຂອງລັດເຊຍ, ມີບົດບາດຊັກຈູງໃນການຮ່ວມມືລະຫວ່າງບັນດານັກລົງທຶນແຖວໜ້າຂອງໂລກ ກັບບັນດາບໍລິສັດນຳໜ້າຂອງ ລັດເຊຍ. RDIF ເປັນຜູ້ອຸປະທໍາຫຼັກຂອງໂຄງການຄົ້ນຄ້ວາ ແລະ ການຮ່ວມມືໃນການຜະລິດວັກຊີນ Sputnik V.
ໄຊພອນ
