 |
| ເຫຼົ້າໄຫຂອງຊົນເຜົ່າ S'tieng ຖືກຮັບຮອງເປັນມໍຣະດົກທາງວັດທະນະທຳທີ່ເປັນນາມມະທຳຂອງຊາດ. ພາບ: sggp.org.vn |
ເຫຼົ້າໄຫໃນພາສາ S’tiêng ເອີ້ນວ່າ Đ’rắp S’lung ຫຼື Rơ nơm Đ’rắp ເປັນເຄື່ອງດື່ມພື້ນເມືອງທີ່ມີມາຍາວນານ ແລະ ເປັນເອກະລັກສະເພາະຂອງຊົນເຜົ່າ S’tiêng ໃນແຂວງ ບິງເຝືອກ, ຍັງເປັນເຄື່ອງດື່ມທີ່ຂາດບໍ່ໄດ້ໃນງານບຸນສຳຄັນຕ່າງໆຂອງຊຸມຊົນ ຫຼື ພິທີການສຳຄັນໃຫຍ່ທີ່ເປັນຈຸດປ່ຽນຂອງຊົນເຜົ່າ S’tiêng .
ພູມປັນຍາພື້ນບ້ານ, ຫັດຖະກຳພື້ນເມືອງ, ເຕັກນິກການເຮັດເຫຼົ້າໄຫຂອງຊາວເຜົ່າ S’tiêng ໄດ້ກາຍເປັນໜຶ່ງໃນບັນດາຄຸນຄ່າທາງວັດທະນະທຳທີ່ເປັນເອກະລັກສະເພາະຂອງດິນແດນ ບິ່ງເຟືອກ. ສະນັ້ນ, ວັນທີ 20 ທັນວາ 2019, ກະຊວງວັດທະນະທຳ, ກິລາ ແລະ ທ່ອງທ່ຽວ ໄດ້ຕົກລົງນຳເອົາເຕັກນິກວິທີການການປຸງແຕ່ງເຫຼົ້າໄຫຂອງຊາວເຜົ່າ S’tiêng ແຂວງ ບິ່ງເຟືອກ ເຂົ້າບັນຊີປະເພດມໍລະດົກທາງວັດທະນະທໍາທີ່ເປັນນາມມະທໍາແຫ່ງຊາດ ຕາມຂໍ້ຕົກລົງຂອງກະຊວງວັດທະນະທຳ, ກິລາ ແລະ ທ່ອງທ່ຽວ ເລກທີ 4597./QD-BVHTTDL.
ໃນພິທີ, ຄະນະນຳຂອງພະແນກວັດທະນະທຳ, ກິລາ ແລະ ທ່ອງທ່ຽວ ໄດ້ມອບຂໍ້ຕົກລົງ ແລະ ໃບຢັ້ງຢືນເອົາມໍຣະດົກເຂົ້າໃນບັນຊີປະເພດມໍຣະດົກທາງວັດທະນະທຳທີ່ເປັນນາມມະທຳຂອງຊາດ ໃຫ້ແກ່ 6 ທ້ອງຖິ່ນບ້ານ ທີ່ຍັງຄົງຮັກສາມໍຣະດົກໄວ້ ຄື: ບູຊາເມີບ, ບູດັງ, ເຫີນກວານ ຟູຊ່ຽງ, ເຝືອກລ່ອງ, ລົກນິ່ງ.
ໄຊພອນ
