| ນັກທ່ອງທ່ຽວ ມີຄວາມຕື່ນເຕັ້ນທີ່ຈະໄດ້ສໍາຜັດກັບເຄື່ອງດົນຕີ | |
| ປະສານດົນຕີ ແລະ ການແລກປ່ຽນການກິນດື່ມ ຂອງບັນດາປະເທດໃນກຸ່ມ Visegrad |
ຕາມຄະນະຈັດຕັ້ງງານບຸນແລ້ວ, ໃນຂົງເຂດແນະນຳວັດທະນະທຳອາຫານການກິນຂອງບັນດາໝູ່ບ້ານອາຊີບ, ແຂກທ່ອງທ່ຽວຈະໄດ້ຊິມອາຫານທີ່ເປັນສັນຍະລັກຂອງຮ່າໂນ້ຍ ຄື: ເຝີຮ່າໂນ້ຍ, ເຂົ້າປູ້ນບ້ານ ຟູໂດ, ຢໍ່ເອື່ອກເລ, ເຂົ້າເໝົ້າບ້ານວອງ, ເໝຈີ, ນ້ຳຫວານເຂົ້າໜຽວ ພູເທື້ອງ, ເຂົ້ົ້າຕົ້ົ້ມ ເເຈງຄູກ, ເເນມຟູ່ງ,...
ຂົງເຂດແນະນຳອາຫານບັນດາທ້ອງຖິ່ນກໍ່ຍັງໄດ້ເຕົ້າໂຮມບັນດາສິ່ງຍອດຢ້ຽມ, ດີເດັ່ນພິເສດຂອງອາຫານແຕ່ລະເຂດພາກພື້ນ. ນອກນີ້, ຂົງເຂດອາຫານສາກົນ ກໍ່ຈະແນະນຳອາຫານທີ່ເປັນເອກະລັກສະເພາະຂອງບັນດາປະເທດ, ວາງສະແດງບັນດາຜະລິດຕະພັນທີ່ເປັນສັນຍະລັກຂອງບັນດາປະເທດ.
 |
| ງານບຸນວັດທະນະທຳການກິນ ຮ່າໂນ້ຍ ປີ 2022 |
ບໍ່ພຽງແຕ່ໄດ້ຮັບຊິມອາຫານຢ່າງດຽວເທົ່ານັ້ນ, ນັກທ່ອງທ່ຽວຍັງສາມາດພົບປະແລກປ່ຽນກັບບັນດາພໍ່ຄົວແມ່ຄົວ, ເຂົ້າຮ່ວມພຶດຕິກຳຕົວຈິງ, ປະຕິບັດບັນດາຂັ້ນຕອນໃນການເຮັດອາຫານພື້ນເມືອງທີ່ເປັນເອກະລັກສະເພາະ.
ໂຄງການດັ່ງກ່າວມີຫຼາຍກິດຈະກຳທີ່ດຶງດູດ, ໃຫ້ຄຳໝັ້ນສັນຍາວ່າ ຈະເປັນຈຸດນັດພົບທີ່ໜ້າສົນໃຈ, ດຶງດູດນັກທ່ອງທ່ຽວມາຢ້ຽມຊົມ, ຊື້ເຄື່ອງ, ຊິມອາຫານ ແລະ ລົງພຶດຕິກຳຕົວຈິງຫຼາຍ. ພົ້ນເດັ່ນຄື: ງານວາງສະແດງຮູບພາບແນະນຳບັນດາຮູບພາບວັດທະນະທໍາ, ການທ່ອງທ່ຽວ ແລະ ອາຫານທີ່ເປັນສັນຍະລັກພາຍໃນ ແລະ ຕ່າງປະເທດ; ບັນດາການລະຫຼິ້ນພື້ນເມືອງ, ການເຄື່ອນໄຫວແລກປ່ຽນວັດທະນະທຳ ແລະ ການປຸງແຕ່ງອາຫານ; ໂອ້ລົມສົນທະນາ ແລະ ຝຶກອົບຮົມພັດທະນາແຫຼ່ງຊັບພະຍາກອນມະນຸດ ເພື່ອຮັບໃຊ້ການພັດທະນາອຸດສາຫະກຳວັດທະນະທຳຂົງເຂດການກິນດື່ມ...
ພະແນກວັດທະນະທຳ ແລະ ກິລາ ຮ່າໂນ້ຍ ໃຫ້ຮູ້ວ່າ: ງານບຸນວັດທະນະທຳອາຫານການກິນ ຮ່າໂນ້ຍ ປີ 2023 ໄດ້ຮັບການຈັດຕັ້ງເພື່ອເຊີດຊູ, ອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າວັດທະນະທຳອາຫານການກິນຂອງນະຄອນຫຼວງ, ພ້ອມກັນນັ້ນ ກໍ່ແນະນຳ, ໂຄສະນາຮູບພາບຂອງຮ່າໂນ້ຍ. ນີ້ກໍ່ແມ່ນເຫດການທີ່ມີຄວາມໝາຍໃນການອະນຸລັກຮັກສາ ແລະ ຍົກສູງມູນຄ່າຂອງບັນດາຜະລິດຕະພັນໝູ່ບ້ານອາຊີບພື້ນເມືອງ, ພ້ອມກັນກໍ່ສ້າງເງື່ອນໄຂໃຫ້ບັນດາວິສາຫະກິດໄດ້ແລກປ່ຽນ, ລົງນາມໃນການຮ່ວມມືທຸລະກິດ, ເປີດກວ້າງຕະຫຼາດ.
ດີງເລື້ອງ
