| ຫວຽດນາມ ມອບເສື້ອຊູຊີບ ໃຫ້ແກ່ຊາວປະມົງທຸກຍາກຢູ່ແຂວງ ແຄ໊ງຮ່ວາ | |
| ກະຊວງສາທາລະນະສຸກ ຮັບວັກຊິນກັນໂຄວິດ - 19 50.000 ໂດສ ໂດຍລັດຖະບານ ໂອຕາລິດ ມອບໃຫ້ |
 |
| ເຢຍລະມັນມອບເຄື່ອງຊ່ວຍຫາຍໃຈ ແລະ ເຄື່ອງວັດລະດັບອົກຊີໃຫ້ຫວຽດນາມ ມູນຄ່າ 21 ຕື້ດົງ. ພາບ: ສະຖານທຸດເຢຍລະມັນ |
ສຳລັບການສະໜອງອຸປະກອນເຄື່ອງມືການແພດມູນຄ່າປະມານ 21 ຕື້ດົ່ງ (ປະມານ 825.000 ເອີໂຣ) ນີ້ ແມ່ນເຢຍລະມັນສືບຕໍ່ຊ່ວຍເຫຼືອຫວຽດນາມ ໃນການຕ້ານໂລກລະບາດໂຄວິດ-19; ນັ້ນເປັນການຢືນຢັນສາຍພົວພັນຮ່ວມມືອັນເລິກເຊິ່ງລະຫວ່າງ 2 ປະເທດໃນໂອກາດສະເຫຼີມສະຫຼອງ 10 ປີແຫ່ງການສ້າງຕັ້ງສາຍພົວພັນຮ່ວມມືຍຸດທະສາດລະຫວ່າງ ເຢຍລະມັນ ແລະ ຫວຽດນາມ.
ໃນເດືອນສິງຫາ 2021, ທ່ານນາຍົກລັດຖະມົນຕີ ຟ໋າມມິ່ງຈີງ ໄດ້ສະເໜີເຖິງທ່ານນາຍົກລັດຖະມົນຕີ ເຢຍລະມັນ Angela Merkel ຊ່ວຍເຫຼືອຫວຽດນາມ ໃນການຕ້ານໂລກລະບາດ ໂຄວິດ-19, ພິເສດແມ່ນການສະໜອງວັກຊີນ ແລະ ອຸປະກອນເຄື່ອງມືການແພດ. ໃນຈົດໝາຍຕອບທ່ານນາຍົກລັດຖະມົນຕີ ຟ໋າມມິ່ງຈີງ ນັ້ນ, ທ່ານນາຍົກລັດຖະມົນຕີ Angela Merkel ໄດ້ສັນຍາວ່າ ຄຽງຄູ່ກັບວັກຊີນແລ້ວ ຈະສະໜອງເຄື່ອງຊ່ວຍຫາຍໃຈພ້ອມກັບເຄື່ອງວັດແທກລະດັບອົກຊີເຈນ ແລະ ອັດຕາການເຕັ້ນຂອງຫົວໃຈ. ຈຳນວນອຸປະກອນເຄື່ອງມືການແພດເຫຼົ່ານີ້ໄດ້ມາຮອດສະໜາມບິນສາກົນ ໂນ້ຍບ່າຍ (ຮ່າໂນ້ຍ) ໃນວັນທີ 13/11/2021 ແລະ ໄດ້ຖືກເຄື່ອນຍ້າຍໄປເຖິງໂຮງໝໍເພື່ອປິ່ນປົວຄົນເຈັບທີ່ຕິດໂຄວິດ-19.
ເດືອນກັນຍາ ປີ 2021, ເຢຍລະມັນໄດ້ສະໜອງວັກຊີນ AstraZeneca ຕ້ານໂຄວິດ-19 ໃຫ້ແກ່ຫວຽດນາມ ລວມທັງໝົດ 3,45 ລ້ານໂດສ ເພື່ອຊ່ວຍເຫຼືອໃນການສັກວັກຊີນປ້ອງກັນພະຍາດໂຄວິດ-19 ຂອງຫວຽດນາມ.
ໄຊພອນ
