 |
| ທ່ານ Hans-Peter Glanzer, ເອກອັກຄະລັດຖະທູດ ສາທາລະນະລັດ ໂອຕິລິດ ປະຈຳ ຫວຽດນາມ ກ່າວຄຳເຫັນທີ່ພິທີ (ພາບ: moh.gov.vn) |
ທ່ານ Hans-Peter Glanzer, ເອກອັກຄະລັດຖະທູດ ສາທາລະນະລັດ ໂອຕິລິດ ປະຈຳ ຫວຽດນາມ ຕາງໜ້າໃຫ້ລັດຖະບານ ສາທາລະນະລັດ ໂອຕາລິດ ໄດ້ມອບຂອງຂວັນເປັນຮູບການໃຫ້ທ່ານ ໂດຊວັນຕວຽນ ຮອງລັດຖະມົນຕີກະຊວງສາທາລະນະສຸກ.
ທີ່ພິທີ, ທ່ານເອກອັກຄະລັດຖະທູດ ສາທາລະນະລັດ ໂອຕາລິດ ປະຈຳຫວຽດນາມ ຕີລາຄາສູງ ເລື່ອງ ຫວຽດນາມ ບັນລຸໄດ້ບັນດາບາດກ້າວໃຫຍ່ໃນຍຸດທະສາດສັກວັກຊິນກັນໂຄວິດ - 19 ແລະ ສະແດງຄວາມດີໃຈ ເມື່ອໄດ້ປະກອບສ່ວນເຂົ້າວຽກງານປ້ອງກັນ, ຕ້ານໂລກລະບາດໂຄວິດ - 19 ຂອງ ຫວຽດນາມ ຜ່ານການມອບວັກຊິນກັນໂຄວິດ - 19 50.000 ໂດສ.
ກ່າວຄຳເຫັນທີ່ພິທີຮັບ, ທ່ານຮອງລັດຖະມົນຕີ ໂດຊວັນຕວຽນ ໄດ້ສະແດງຄວາມຂອບອົກຂອບໃຈ ແລະ ຕີລາຄາສູງການໜູນຊ່ວຍຂອງລັດຖະບານ, ບັນດາອົງການຈັດຕັ້ງ ແລະ ວິສາຫະກິດໂອຕາລິດ, ຜ່ານບັນດາໂຄງການສະໜອງອຸປະກອນການແພດ ເພື່ອປະກອບສ່ວນປັບປຸງຄຸນນະພາບການສະໜອງການບໍລິການສາທາລະນະສຸກ ຂອງ ຫວຽດນາມ. ທ່ານລັດຖະມົນຕີ ໂດຊວັນຕວຽນ ໃຫ້ຮູ້ວ່າ ມາຮອດປັດຈຸບັນ, ຫວຽດນາມ ໄດ້ຮັບວັກຊິນກັນໂຄວິດ - 19 ກ່ວາ 135 ລ້ານໂດສ ແລະ ໄດ້ຜັນຂະຫຍາຍສັກວັກຊິນ ກ່ວາ 100 ລ້ານໂດສ. ຫວຽດນາມ ກໍ່ພ້ອມແລ້ວທີ່ຈະຍູ້ແຮງຄວາມຄືບໜ້າໃນການສັກວັກຊິນໃຫ້ແກ່ປະຊາຊົນໝົດທຸກຄົນ, ນັບທັງການສັກວັກຊິນໃຫ້ແກ່ເດັກນ້ອຍໃນເກນອາຍຸແຕ່ 12 – 17 ປີ.
ບຸນຄົງ
