| ຕະຫຼາດຫຼັກຊັບຫວຽດນາມ ຈະສືບຕໍ່ເຕີບໂຕຂຶ້ນໃນປີ 2022 | |
| ຊຸກຍູ້ຂົງເຂດຮ່ວມມືທີ່ມີຄວາມສາມາດບົ່ມຊ້ອນ ມຸ່ງໄປເຖິງການສະເຫຼີມສະຫຼອງ ວັນສ້າງຕັ້ງການພົວພັນລະຫວ່າງ ຫວຽດນາມ - ອູຣູກວາຍ ຄົບຮອບ 30 ປີ |
 |
| ພາບປະກອບ: TTXVN |
ເວັບໄຊ໌ ihsmarkit.com ວິເຄາະກຳນົດວ່າ ແຮງຈູງໃດໜຶ່ງທີ່ຊຸກຍູ້ການເຕີບໂຕໃນທາງຕັ້ງໜ້າ ກາຍເປັນສູມພະລັງທີ່ສະດວກໃຫ້ການຊຸກຍູ້ອະນາຄົດເສດຖະກິດໄລຍະກາງຂອງຂອງຫວຽດນາມ.
ຕົວເລກຊີ້ບອກຜູ້ບໍລິຫານຊື້ສິນຄ້າ (PMI) ຂະແໜງການຜະລິດຂອງຫວຽດນາມໃນເດືອນຕຸລາຜ່ານມາ ເຫັນໄດ້ການຟື້ນຕົວຢ່າງແຂງແຮງໃນຂະແໜງການຜະລິດ, ເຖິງວ່າຂະບວນການຟື້ນຕົວເສດຖະກິດຍັງຄົງປະເຊີນກັບອຸປະສັກຕ່າງໆ.
ສະພາບການຂາດເຂີນແຮງງານກໍຍັງເຮັດໃຫ້ເພີ່ມປະລິມານວຽກງານທີ່ຄ້າງຢູ່. ເຖິງຢ່າງໃດກໍຕາມ, ຜົນກະທົບດ້ານເສດຖະກິດຂອງພະຍາດລະບາດໂຄວິດ-19 ຄາດວ່າຈະຫຼຸດລົງໃນປີ 2022 ເມື່ອຫວຽດນາມເນັ້ນການສັກວັກຊີນໃຫ້ໄວຂຶ້ນ.
ບົດບາດສູນກາງການຜະລິດທີ່ສິ້ນເປືອງຕ່ຳຂອງຫວຽດນາມ ກໍໄດ້ຖືກຄາດຫວັງຈະສືບຕໍ່ຂະຫຍາຍຕົວ, ອາໄສການເປີດກວ້າງໃຫ້ຫຼາຍຂຶ້ນຂອງຂະແໜງການອຸດສາຫະກຳຫຼັກທີ່ປັດຈຸບັນມີຢູ່ແລ້ວ, ກໍຄືການຂະຫຍາຍຕົວຂອງຂະແໜງການອຸດສະຫະກຳລົດຍົນ ແລະ ນ້ຳມັນເຊື້ອໄຟ.
ສຳລັບຄວາມຫວັງອານາຄົດໄລຍະກາງໃນ 5 ປີຕໍ່ໜ້າ, ບົດຂຽນບົ່ງຊີ້ບາງແຮງຈູງໃຈຫຼັກທີ່ຄາດຫວັງວ່າຈະສືບຕໍ່ນຳພາຫວຽດນາມ ກາຍເປັນໜຶ່ງໃນຕະຫຼາດໃໝ່ທີ່ເດັ່ນໃນການຂະຫຍາຍຕົວໄວທີ່ສຸດຢູ່ໃນພາກພື້ນທະວີບອາຊີ.
ໜຶ່ງ, ຫວຽດນາມຈະສືບຕໍ່ໄດ້ຮັບຜົນປະໂຫຍດຈາກຄ່າແຮງງານທີ່ຂ້ອນຂ້າງຕ່ຳ. ສອງ, ຫວຽດນາມມີກຳລັງແຮງງານຂ້ອນຂ້າງໃຫຍ່, ມີລະດັບວຸດທິດີເມື່ອທຽບກັບຄູ່ແຂ່ງທັງຫຼາຍໃນພາກພື້ນອາຊີຕາເວັນອອກສ່ຽງໃຕ້, ການເປັນສູນກາງການຜະລິດທີ່ໜ້າສົນໃຈດຶງດູດບັນດາບໍລິສັດຂອງຫຼາຍປະເທດ. ສາມ, ການໝູນວຽນໃຊ້ຈ່າຍທຶນຄາດວ່າຈະເພີ່ມຂຶ້ນໄວ, ສະແດງໃຫ້ເຫັນວ່າບໍ່ລິສັດຂອງຫຼາຍປະເທດຈະສືບຕໍ່ທຸ້ມທຶນໂດຍກົງຂອງຕ່າງປະເທດເຂົ້າສູ່ຫວຽດນາມ ກໍຄືລັດຈະສືບຕໍ່ເພີ່ມທະວີການໃຊ້ໃຫ້ແກ່ພື້ນຖານໂຄງລ່າງ.ສີ່, ຫວຽດນາມແມ່ນຈຸດໝາຍເຂົ້າມາທີ່ໜ້າສົນໃຈ ເມື່ອບັນດາບໍລິສັດພິຈາລະນາຮອບຄອບເຄື່ອນຍ້າຍສາຍໄຍການຜະລິດມາຍັງບັນດາປະເທດໃນພາກພື້ນທະວີບອາຊີ.
ຫ້າ, ຫຼາຍບໍລິສັດໃນຫຼາຍປະເທດ ກຳລັງໄດ້ຫັນປ່ຽນລະບົບການສະໜອງການຜະລິດເປັນຕ່ອງໂສ້ທີ່ຫຼາກຫຼາຍໃນຕະຫຼອດທົດສະວັດທີ່ຜ່ານມາ ເພື່ອຫຼຸດຜ່ອນຄວາມສ່ຽງທີ່ຈະຖືກຢຸດສະງັກໃນແຫຼງສະໜອງ ແລະ ເຫດການທາງການເມືອງທ້ອງຖິ່ນ. ບົດຂຽນຍັງວິນິດໄສວ່າ ຫວຽດນາມ ຈະໄດ້ຮັບຜົນປະໂຫຍດຈາກເຄືອຂ່າຍສົນທິສັນຍາການຄ້າເສລີຕ່າງໆ (FTA) ນັບມື້ນັບເບັ່ງບານ. ຫວຽດນາມ ກໍຈະໄດ້ຮັບຜົນປະໂຫຍດຈາກສົນທິສັນຍາຄູ່ຮ່ວມມືເສດຖະກິດຮອບດ້ານໃນພາກພື້ນ (RCEP), ມີຜົນສັກສິດແຕ່ວັນທີ 1/1/2022.
ໄຊພອນ
