ຫວຽດ​ນາມ ຍາມ​ໃດ​ກໍ່​ບຸ​ລິ​ມະ​ສິດ​ຊຸກ​ຍູ້​ຄວາມ​ສະ​ເໝີ​ພາບ​ລະ​ຫວ່າງ​ຍິງ​ຊາຍ

09:07 | 20/11/2021

ຍ​ສ​ໝ - ຫວຽດ​ນາມ ຍາມ​ໃດ​ກໍ່​ບຸ​ລິ​ມະ​ສິດ​ຊຸກ​ຍູ້​ຄວາມ​ສະ​ເໝີ​ພາ​ບ​ລະ​ຫວ່າງ ຍິງ​ຊາຍ, ຮັດ​ແຄບ​ຊ່ອງ​ຫວ່າງ​ທາງ​ເພດ, ສ້າ​ງ​ເງື່ອນ​ໄຂ​ເພື່ອ​ໃຫ້​ແມ່​ຍິງ​ເຂົ້າ​ຮ່ວມ​ການ​ຊົມ​ໃຊ້​ຢ່າງ​ມີ​ຄວາມ​ສະ​ເໝີ​ພາບ​ລະ​ຫວ່າງ​ບັນ​ດາ​ຂົງ​ເຂດ​ໃນ​ກາ​ນ​ດຳ​ລົງ​ຊີ​ວິດ​ສັງ​ຄົມ, ປະ​ກອບ​ສ່ວນ​ເຂົ້າ​ໃນ​ການ​ພັດ​ທະ​ນາ​ແບບ​ຍືນ​ຍົງ​ຂອງ​ປະ​ເທດ​ຊາດ.

ສະ​ເຫຼີມ​ສະຫຼອງ 60 ປີ​ແຫ່ງວັນ​ສ້າງ​ຕັ້ງ​ການ​ພົວ​ພັນ​ທາງ​ການ​ທູດ ລະ​ຫວ່າງ ມາ​ຣົກ​ ກັບ ຫວຽດ​ນາມ ສະ​ເຫຼີມ​ສະຫຼອງ 60 ປີ​ແຫ່ງວັນ​ສ້າງ​ຕັ້ງ​ການ​ພົວ​ພັນ​ທາງ​ການ​ທູດ ລະ​ຫວ່າງ ມາ​ຣົກ​ ກັບ ຫວຽດ​ນາມ
ຊຸກ​ຍູ້​ການ​ຮ່ວມ​ມື​ສອງ​ຝ່າຍ ລະ​ຫວ່າງ​ນະ​ຄອນຫຼວງ​ຮ່າ​ໂນ້ຍ ແລະ ວຽງຈັນ​ໃນ​ໄລ​ຍະ​ໃໝ່ ຊຸກ​ຍູ້​ການ​ຮ່ວມ​ມື​ສອງ​ຝ່າຍ ລະ​ຫວ່າງ​ນະ​ຄອນຫຼວງ​ຮ່າ​ໂນ້ຍ ແລະ ວຽງຈັນ​ໃນ​ໄລ​ຍະ​ໃໝ່
ຫວຽດ​ນາມ ຍາມ​ໃດ​ກໍ່​ບຸ​ລິ​ມະ​ສິດ​ຊຸກ​ຍູ້​ຄວາມ​ສະ​ເໝີ​ພາບ​ລະ​ຫວ່າງ​ຍິງ​ຊາຍ
ທ່ານນາງໂຄສົກກະຊວງການຕ່າງປະເທດ ຫວຽດນາມ ເລິທິທູຮັ່ງ (ພາ​ບ: TTXVN)

ວັນ​ທີ 18 ພະ​ຈິກ, ເມື່ອ​ຕອບ​ຄຳ​ຖາມ​ກ່ຽວ​ກັບ​ຂໍ້​ມູນ​ຕົ້ນ​ເດືອນ ພະ​ຈິກ ​ທີ່​ຜ່ານ​ມາ, ບົດ​ລາຍ​ງານ​ຂອງ ສ​ປ​ຊ ຮ​ຽກ​ຮ້ອງ​ໃຫ້ ຫວຽດ​ນາມ ປາບປາມໄພການຄ້າມະນຸດ ພາຍຫລັງຮັບຮູ້ສະພາບການສວຍໃຊ້ແມ່ຍິງ ແລະ ເດັກຍິງ ໂດຍມີການຮັບສະຫມັກຈາກ ຫວຽດນາມ ໄປເຮັດວຽກຢູ່ ອາຣັບບີ ຊາອະດິ, ທ່ານນາງໂຄສົກກະຊວງການຕ່າງປະເທດ ຫວຽດນາມ ເລິທິທູຮັ່ງ ຢືນຢັນວ່າ:

“ຫວຽດນາມຍາມໃດກໍ່ໃຫ້ບຸລິມະສິດ ຊຸກຍູ້ຄວາມສະເຫມີພາບ ລະຫວ່າງຍິງ - ຊາຍ, ຮັດແຄບຊ່ອງວ່າງ ລະຫວ່າງຍິງ -ຊາຍ, ສ້າງເງື່ອນໄຂເພື່ອໃຫ້ແມ່ຍິງ ເຂົ້າຮ່ວມການຊົມໃຊ້ຄວາມສະເຫມີພາບໃນບັນດາຂົງເຂດຂອງຊີວິດສັງຄົມ, ປະກອບສ່ວນເຂົ້າໃນການພັດທະນາແບບຍືນຍົງຂອງປະເທດຊາດ. ພ້ອມກັນນັ້ນ ຫວຽດນາມ ກໍ່ປະຕິບັດຫລາຍມາດຕະການເພື່ອແນໃສ່ປົກປ້ອງແຮງງານຍິງ, ຕ້ານ​ການ​ໃຊ້​ຄວາມ​ຮຸນ​ແຮງ ແລະ ລະ​ເມີດ​ທາງ​ເພດຢູ່​ສະ​ຖານ​ທີ່​ເຮັດ​ວຽກ ຜ່ານ​ການ​ປະ​ກາດ​ໃຊ້​ລະ​ບົບ​ກົດ​ໝາຍ​ຄື​ ກົດໝາຍວ່າດ້ວຍແຮງ​ງານ​ປີ 2012, ກົດ​ໝາຍ​ວ່າ​ດ້ວຍ​ເດັກ​ ປີ 2016. ຫວຽດ​ນາມ ກໍ່​ເຂົ້າ​ຮ່ວມ​ສົນທິ​ສັນ​ຍາ 25 ສະ​ບັບ​ຂອງ​ອົງ​ການ​ແຮງ​ງານ​ສາ​ກົນ, ລວມ​ມີ 7/8 ສົນ​ທິ​ສັນ​ຍາ​ສະ​ບັບ​ພື້ນ​ຖານ ໃນ​ນັ້ນ​ມີ​ການ​ປ້ອງ​ກັນ, ຕ້ານ​ການ​ປະ​ພຶດ​ຕໍ່​ແຮງ​ງານ​ທີ່​ແມ່ນ​ເດັກ​ນ້ອຍ ແລະ ການບີບບັງຄັບແຮງ​ງານ. ຫວຽດ​ນາມ ກໍ່​ແມ່​ປະ​ເທດ​ທຳ​ອິດ ຢູ​່​ອາ​ຊີ ແລະ ປະ​ເທດ​ທີ 2 ໃນ​ໂລກ​ທີ່ໃຫ້​ສັດ​ຕະ​ຍາ​ບັນສົນທິສັນ​ຍາ​ຂອງ ສ​ປ​ຊ ກ່ຽວ​ກັບ​ສິດ​ທິ​ເດັກ.”

ດ້ວຍເນື້ອໃຈຈິດໃຈນັ້ນ, ທ່ານນາງ ເລທິທູຮັ່ງ ຢືນຢັນ: ໃນໄລຍະຜ່ານມາ, ກະຊວງການຕ່າງປະເທດຫວຽດນາມໄດ້ຮັກສາການພົວພັນຕິດຕໍ່ກັບອົງການການທູດຢູ່ປະເທດປະຈຳຖິ່ນ,ບັນດາບໍລິສັດຄຸ້ມຄອງແຮງງານ, ກຽມພ້ອມມາດຕະການປົກປ້ອງພົນລະເມືອງ. ກະ​ຊວງ​ການ​ຕ່າງ​ປະ​ເທດ ຫວຽດ​ນາມ ໄດ້​ຮັບ​ການ​ສ່​ອງ​ແສງ​ຢູ່ ອາ​ຣັບ​ບິ ຊາ​ອຸ​ດິ ແລະ ພວມ​ພົບ​ປະ, ຢັ້ງ​ຢືນ, ຮຽກ​ຮ້ອງ​ການ​ສືບ​ສວນ, ແກ້​ໄຂ​ເຫດ​ການ​ ​ຖືກ​ຕ້ອງ​ຕາມ​ກົດ​ໝາຍ, ປົກ​ປັກ​ຮັກ​ສາ​ສິດ ແລະ ຜົນ​ປະ​ໂຫຍດ​ຂອງພົນ​ລະ​ເມືອງ ຫວຽດ​ນາມ ໃນ​ນັ້ນ​ພິ​ເສດ​ແມ່ນ​ແມ່​ຍິງ ແລະ ເດັກ​ນ້ອຍ.

ບຸນ​ຄົງ

ເບິ່ງເພີ່ມເຕີມໃນ: ສິດຂອງມະນຸດ

ເບິ່ງເພີ່ມເຕີມ
ເຫດການ
ຫວຽດ​ນາມ ມີ 10 ແຂ​ວງ​ນະ​ຄອນ​ຕິດ​ກັບ​ລາວ, 10 ຄູ່​ດ່ານ​ຊາຍ​ແດນ​ສາ​ກົນ, ແຕ່​ການ​ທ່ອງ​ທ່ຽວ​ລະ​ຫວ່າງ​ບັນ​ດາ​ແຂວງ​ເຂດ​ຊາຍ​ແດນ​ຍັງ​ບໍ່​ທັນ​ພັດ​ທະ​ນາ​ຢ່າງ​ເໝາະ​ສົມ​ກັບ​ຄວາມ​ສາ​ມາດ​ບົ່ມ​ຊ້ອນ
ຫວຽດ​ນາມ ມີ 10 ແຂ​ວງ​ນະ​ຄອນ​ຕິດ​ກັບ​ລາວ, 10 ຄູ່​ດ່ານ​ຊາຍ​ແດນ​ສາ​ກົນ, ແຕ່​ການ​ທ່ອງ​ທ່ຽວ​ລະ​ຫວ່າງ​ບັນ​ດາ​ແຂວງ​ເຂດ​ຊາຍ​ແດນ​ຍັງ​ບໍ່​ທັນ​ພັດ​ທະ​ນາ​ຢ່າງ​ເໝາະ​ສົມ​ກັບ​ຄວາມ​ສາ​ມາດ​ບົ່ມ​ຊ້ອນ