| ຂຸດຄົ້ນວັດທະນະທໍາພື້ນເມືອງຢ່າງມີປະສິດທິຜົນເຂົ້າໃນການພັດທະນາອຸດສາຫະກຳວັດທະນະທຳຢູ່ຫວຽດນາມ | |
| ຫວຽດນາມ ມີ “ໂຮງຮຽນ Microsoft ທີ່ພົ້ນເດັ່ນ ” ສາມແຫ່ງ |
 |
| ສະມາຄົມຕິດຕໍ່ພົວພັນກັບຊາວຫວຽດນາມ ອາໄສຢູ່ຕ່າງປະເທດ ໄດ້ເຮັດວຽກກັບກົມການສຶກສານອກໂຮງຮຽນ.(ພາບ: baomoi.com) |
ການແຂ່ງຂັນຮຽບຮຽງປຶ້ມ, ເອກະສານການຮຽນ-ການສອນພາສາ ຫວຽດ ສຳລັບຊາວຫວຽດນາມ ອາໄສຢູ່ຕ່າງປະເທດ ທີ່ໄດ້ປຸກລະດົມໃນເດືອນກັນຍາ ປີ 2020, ເພື່ອແນໃສ່ຍູ້ແຮງການການຮຽນ-ການສອນພາສາຫວຽດນາມ ໃຫ້ແກ່ຊາວຫວຽດນາມ ອາໄສຢູ່ຕ່າງປະເທດລຸ້ນຕ່າງໆຢ່າງແທດຈິງ, ມີປະສິດທິຜົນ ແນໃສ່ຮັກສາ, ປັບປຸງ ແລະ ພັດທະນາພາສາ, ສີສັນວັດທະນະທຳຊົນຊາດ, ປະກອບສ່ວນໂຄສະນາພາສາຫວຽດ ແລະ ວັດທະນະທຳ ຫວຽດນາມ ໃນປະຊາຄົມ ຊາວຫວຽດນາມ ອາໄສຢູ່ຕ່າງປະເທດ, ເສີມຂະຫຍາຍ ແລະ ຊຸກຍູ້ຈິດໃຈ ມະຫາສາມັກຄີຊົນຊາດ ຫວຽດນາມ.
ການແຂ່ງຂັນມີຄວາມປາດຖະໜາຢາກລະດົມໄດ້ການເຂົ້າຮ່ວມຂອງອົງການຈັດຕັ້ງ, ສ່ວນບຸກຄົນ ທັງຢູ່ພາຍໃນ ແລະ ຕ່າງປະເທດ ເຂົ້າຮ່ວມການຮຽບຮຽງ ແລະ ອຸປະຖຳການຮຽບຮຽງປຶ້ມ ແລະ ເອກະສານໃນການຮຽນ-ການສອນພາສາ ຫວຽດ ສຳລັບຊາວຫວຽດນາມ ອາໄສຢູ່ຕ່າງປະເທດ, ຄັດເລືອກ, ສະໜອງປຶ້ມ, ເອກະສານການຮຽນ-ການສອນພາສາ ຫວຽດ ທີ່ເໝາະສົມກັບເປົ້າໝາຍນັກຮຽນຢູ່ບັນດາປະເທດ ແລະ ເຂດແຄວ້ນຕ່າງໆ.
ຄາດວ່າພິທີມອບລາງວັນການແຂ່ງຂັນຈະດຳເນີນໃນເດືອນທັນວາ ປີ 2021.
ບຸນຄົງ
