 |
| ກອງປະຊຸມລະຫວ່າງ ລັດຖະມົນຕີການຕ່າງປະເທດ - ເສດຖະກິດ APEC ຄັ້ງທີ 32 (ພາບ: TTXVN) |
ກອງປະຊຸມລະຫວ່າງ ລັດຖະມົນຕີການຕ່າງປະເທດ - ເສດຖະກິດ APEC ຄັ້ງທີ 32 (AMM32) ໄດ້ຈັດຕັ້ງໃນວັນທີ 8 – 9 ພະຈິກ ປີ 2021 ພາຍໃຕ້ການເປັນປະທານຂອງທ່ານລັດຖະມົນຕີການຕ່າງປະເທດ ນິວຊີແລນ Nanaia Mahuta ແລະ ທ່ານລັດຖະມົນຕີກະຊວງການຄ້າ ແລະ ການເຕີບໂຕການສົ່ງອອກ ນິວຊີແລນ Damien O’Connor.
ກອງປະຊຸມມີການເຂົ້າຮ່ວມຂອງ 21 ສະມາຊິກ APEC, ສະພາໃຫ້ຄຳປຶກສາການດຳເນີນທຸລະກິດ APEC (ABAC), ອາຊຽນ, ສະພາຮ່ວມມືເສດຖະກິດ ປາຊີຟິກ (PECC), ເວທີປາໄສບັນດາເກາະຢູ່ປາຊີຟິກ (PIF), ອົງການການຄ້າ ໂລກ (WTO) ແລະ ຄະນະເລຂາສົນທິສັນຍາແມ່ ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ (UNFCCC).
ທີ່ກອງປະຊຸມ, ບັນດາລັດຖະມົນຕີ ໄດ້ປຶກສາຫາລືຫຼາຍເນື້ອໃນຮ່ວມມືສຳຄັນ ເພື່ອປະກອບສ່ວນຟື້ນຟູເສດຖະກິດ - ການຄ້າໃນປີ 2021 ແລະ ເວລາຈະມາເຖິງ, ລະອຽດ: ລາຍງານການກວດກາຄືນຄຳໝັ້ນສັນຍາຂອງບັນດາລັດຖະມົນຕີກະຊວງການຄ້າ APEC ກ່ຽວກັບການຄ້າສິນຄ້າ ໂຄວິດ - 19, ບັນດາມາດຕະການທີ່ໄດ້ຮັບການປະຕິບັດຢູ່ບັນດາພື້ນຖານເສດຖະກິດສະມາຊິກ ເພື່ອສ້າງ ແລະ ຟື້ນຟູເສດຖະກິດພາຍຫຼັງໂລກລະບາດໂຄວິດ - 19, ບົດບາດຂອງບັນດາສັນຍາການຄ້າເສລີ ຕໍ່ການຟື້ນຟູ ແລະ ພັດທະນາເສດຖະກິດ, ປັບປຸງລະບົບການຄ້າຫຼາຍຝ່າຍຜ່ານການປະຕິຮູບ WTO ກໍ່ຄືແກ້ໄຂບັນດາບັນຫາທີ່ຍັງຄົງຄ້າງໃນ WTO ແລະ ບັນດາມາດຕະການຮັບມືກັບໂລກລະບາດໂຄວິດ - 19.
ກ່ຽວກັບຫວຽດນາມ, ທ່ານລັດຖະມົນຕີ ກະຊວງອຸດສາຫະກຳ ແລະ ການຄ້າ ຫງວຽນຮົ່ງຢຽນ ໄດ້ກ່າວປາໄສ, ໃນນັ້ນເນັ້ນໜັກບາງບູລິມະສິດຂອງ ຫວຽດນາມ ໃນວິວັດການສ້າງຄືນ ແລະ ຟື້ນຟູເສດຖະກິດ, ການຄ້າ, ການລົງທຶນ ພາຍໃນປະເທດກໍ່ຄືການປະກອບສ່ວນເຂົ້າການຟື້ນຟູລວມຂອງພາກພື້ນ APEC.
ທ່ານລັດຖະມົນຕີ ຫງວຽນຮົ່ງຢຽນ ຢັ້ງຢືນວ່າ ເລື່ອງ ຫວຽດນາມ ສືບຕໍ່ສະໜັບສະໜູນຢ່າງແຮງລະບົບການຄ້າທີ່ເປັນຫຼາຍຮູບແບບເປີດ, ສົມດູນ, ບໍ່ຈຳແນກການປະພຶດ, ໂດຍອີງໃສ່ຫຼັກການ ແລະ ກົດໝາຍ. ຫວຽດນາມ ຈະສົມທົບກັນຢ່າງແໜ້ນແຟ້ນດ້ວຍບັນດາສະມາຊີກ WTO ເພື່ອຊຸກຍູ້ການຜັນຂະຫຍາຍ ແລະ ບັນລຸໄດ້ບັນດາໝາກຜົນທີ່ແທດຈິງ, ມີຄວາມໝາຍຢູ່ ກອງປະຊຸມລັດຖະມົນຕີການຄ້າ WTO ຄັ້ງທີ 12 ໃນໄລຍະຈະມາເຖິງ.
ລັດຖະມົນຕີກໍ່ເນັ້ນໜັກວ່າ APEC ຄວນສືບຕໍ່ບັນດາການເຄື່ອນໄຫວຍົກສູງກຳລັງຄວາມສາມາດ, ແບ່ງປັນຂໍ້ມູນຂ່າວ, ທຳນຽມທີ່ດີ ເພື່ອຊ່ວຍບັນດາພື້ນຖານເສດຖະກິດພວມພັດທະນາ ຮັດແຄບໄລຍະໃນການພັດທະນາ, ຜ່ານນັ້ນ ກໍ່ມີການເຊື່ອມໂຍງໄວ ແລະ ມີປະສິດທິຜົນກວ່າໃນລະບົບການຄ້າຫຼາຍຝ່າຍ.
ບຸນຄົງ
