 |
| ພາບປະກອບ: TTXVN |
ຕາມແຫຼ່ງຂ່າວຈາກອົງການອະນາໄມໂລກ (WHO) ແລ້ວ, ຫວຽດນາມ ສືບຕໍ່ໄດ້ຮັບວັກຊິນກັນໂຄວິດ - 19 ຜ່ານກົນໄກ Covax.
ໃນລະຫວ່າງວັນທີ 8 – 9 ພະຈິກ ,ມີວັກຊິນັກນ Pfizer, Moderna ເກືອບ 3 ລ້ານໂດສ ມາຮອດຫວຽດນາມ. ລະອຽດແມ່ນ ມີວັກຊິນກັນໂຄວິດ - 19 Pfizer/BioNTech 1.557.270 ໂດສ ມາຮອດນະຄອນໂຮ່ຈີມິນ (ໃນລະຫວ່າງວັນທີ 7 – 8 ພະຈິກ), ໃນວັນທີ 9 ພະຈິກ ມີວັກຊິນກັນໂຄວິດ - 19 ຕື່ມອີກ 1.319.600 ໂດສ ມາຮອດຮ່າໂນ້ຍ.
ນີ້ແມ່ນບັ້ນໜູນຊ່ວຍວັກຊິນ Pfizer ຄັ້ງທີ 7 ແລະ 8 ຈາກ ໂຄງການ Covax ທີ່ຈັດແບ່ງໃຫ້ ຫວຽດນາມ. ວັກຊິນ Moderna ຈຳນວນດັ່ງກ່າວ ໂດຍລັດຖະບານ ອາເມລິກາ ໜູນຊ່ວຍໃຫ້ ຫວຽດນາມ ຕາມຂໍ້ຕົກລົງສັ່ງຊື້ກ່ອນນັ້ນ (APA) ຂອງ Covax ກັບຜູ້ຜະລິດ.
ກ່ອນໜ້ານັ້ນ ໃນວັນທີ 6 ພະຈິກ, ມີວັກຊິນ Pfizer 1.316.250 ໂດສ ກໍ່ໄດ້ມາຮອດຮ່າໂນ້ຍ. ນີ້ແມ່ນຈຳນວນວັກຊິນໂດຍລັດຖະບານ ອາເມລິກາ ໜູນຊ່ວຍຊື້ ແລະ ສະໜອງຜ່ານກົນໄກ Covax.
ດ້ວຍຈຳນວນສິນຄ້ານີ້, ໄລ່ຮອດວັນທີ 9 ພະຈິກ, ຍອດວັກຊິນ ຫວຽດນາມ ຮັບໄດ້ຜ່ານກົນໄກ Covax ແມ່ນ 27.099.730 ໂດສ.
ທ່ານ Kidong Park ຫົວໜ້າຜູ້ຕາງໜ້າອົງການ WHO ປະຈຳ ຫວຽດນາມ ຖືວ່າ: “ພວກຂ້າພະເຈົ້າຂໍສະແດງຄວາມຂອບອົກຂອບໃຈຢ່າງຈິງໃຈ ໄປຍັງຜູ້ອຸປະຖຳໝົດທຸກຄົນ ແລະ ຄູ່ຮ່ວມມືຂອງ Covax ທີ່ໄດ້ຮັບປະກັນໃຫ້ພວກຂ້າພະເຈົ້າມີວັກຊິນຕື່ມອີກ ເພື່ອປົກປ້ອງປະຊາຊົນ ຫວຽດນາມ ຈາກໂລກລະບາດໂຄວິດ - 19.”
ໄລ່ຮອດເວລາ 13 ໂມງຂອງວັນທີ 9 ພະຈິກ, ທົ່ວປະເທດໄດ້ຮັບການສັກວັກຊິນກ່ວາ 92,3 ລ້ານໂດສ.
ຕາມບົດລາຍງານປ້ອງກັນ, ຕ້ານໂລກລະບາດໂຄວິດ - 19 ຂອງກະຊວງສາທາລະນະສຸກ ໃນວັນທີ 8 ພະຈິກ, ຮອດວັນທີ 7 ພະຈິກ, ໄດ້ແຈກຢາຍວັກຊິນ 79 ຄັ້ງ ດ້ວຍຍອດວັກຊິນ 109,5 ລ້ານໂດສ.
ໃນທົ່ວປະເທດ ອັດຕາໄດ້ຮັບການສັກວັກຊິນ ຢ່າງໜ້ອຍສຸດ 1 ໂດສແມ່ນ 83,8% ແລະ ອັດຕາສັກວັກຊິນຄົບ 2 ເຂັມແມ່ນ 40,6% ຂອງປະຊາຊົນທີ່ມີອາຍຸແຕ່ 18 ປີຂຶ້ນໄປ. ໄລ່ຕາມເຂດແລ້ວ, ໃນອັດຕາສ່ວນນີ້ຕາມລຳດັບແມ່ນ ພາກເໜືອແມ່ນ 74,7% ແລະ 34,3%, ພາກກາງແມ່ນ 82,4% ແລະ 26,7%, ໄຕງວຽນ ແມ່ນ 74,0% ແລະ 10,6% ແລະ ພາກໃຕ້ ແມ່ນ 93,2% ແລະ 53,7%.
ບຸນຄົງ
