| ຫວຽດນາມ ແລະ ເວເນຊູເອລາ ຊຸກຍູ້ການຮ່ວມມືດ້ານການຄ້າ ແລະ ການລົງທຶນ | |
| ຫວຽດນາມ ແລະ ເວເນຊູເອລາ ຊຸກຍູ້ການຮ່ວມມືໃນຂົງເຂດສາທາລະນະສຸກເພື່ອຕ້ານ ໂລກລະບາດ COVID-19 |
 |
| ພາບປະກອບ |
ໃນຂອບເຂດກິດຈະກໍາຂອງງານຕະຫຼາດນັດປຶ້ມສາກົນຄັ້ງທີ 17 ຢູ່ ເວເນຊູເອລາ (FILVEN 2021), ຫວ່າງແລ້ວນີ້, ສະຖານທູດຫວຽດນາມ ປະຈຳ ເວເນຊູເອລາ ໄດ້ຈັດຕັ້ງກອງປະຊຸມສຳມະນາດ້ວຍຫົວຂໍ້ “ສັງເຂບພື້ນຖານວັນນະຄະດີຫວຽດນາມ” ດ້ວຍຮູບແບບໂດຍກົງ ແລະ ຜ່ານທາງອອນລາຍ. ເຫດການມີການເຂົ້າຮ່ວມຂອງ ທ່ານ ເລຫວຽດຢວຽນ ເອກອັກຄະລັດຖະທູດຫວຽດນາມ ປະຈຳເວເນຊູເອລາ; ທ່ານ ສຈ. ປອ. ຫງວຽນດັງດຽບ ຫົວໜ້າສະຖາບັນວັນນະຄະດີຫວຽດນາມ, ທ່ານ ຫງວຽນກວາງທ່ຽວ ປະທານສະມາຄົມນັກປະພັນ ຫວຽດນາມ...
ກ່າວຄຳເຫັນທີ່ເຫດການ, ທ່ານ ສຈ. ປອ. ຫງວຽນດັງດຽບ ໄດ້ກ່າວໂດຍສັງເຂບບັນດາໄລຍະຕົ້ນຕໍຂອງວັນນະຄະດີຫວຽດນາມ ນັບແຕ່ດັ້ງເດີມຈົນຮອດ ປະຈຸບັນ, ພ້ອມກັນນັ້ນ ກໍ່ເນັ້ນໜັກວ່າຜ່ານປະຫວັດສາດນັບຫຼາຍພັນປີ, ຫວຽດນາມ ສ້າງໄດ້ພື້ນຖານວັນນະຄະດີ ທີ່ອຸດົມສົມບູນ: ສ່ອງແສງຈິດວິນຍານ, ຄຸນທາດຂອງຊາວຫວຽດນາມ ໃນຂະບວນການສ້າງສາ ແລະປົກປັກຮັກສາປະເທດຊາດ.
ທ່ານ ສຈ. ປອ. ຫງວຽນດັງດຽບ ໄດ້ສະຫລຸບວ່າ ໃນຂະບວນການພັດທະນາ, ພື້ນຖານວັນນະຄະດີຫວຽດນາມ ແມ່ນລັດທິຮັກຊາດ ແລະລັດທິມະນຸດສະທຳ. ນີ້ກໍໍ່ແມ່ນສອງມູນເຊື້ອອັນລ້ຳຄ່າທີ່ໄດ້ຫຼໍ່ຫຼອມໃນປະຫວັດສາດອັນຍາວນານ ແລະ ໄດ້ເປີດເຜີຍຢ່າງມີຊີວິດຊີວາໃນພື້ນຖານວັນນະຄະດີທີ່ເປັນເອກະພາບຂອງ 54 ຊົນເຜົ່າ.
ໄຊພອນ
