| ການພົບປະລະຫວ່າງ ວິສາຫະກິດ ອາຊີ - ເອີລົບ ຢູ່ ຫວຽດນາມ ປີ 2021 | |
| ຊຸກຍູ້ຈິດໃຈລິເລີ່ມທຸລະກິດ, ປ່ຽນແປງໃໝ່ປະດິດສ້າງຫວຽດນາມ ຢູ່ ອົດສະຕາລີ |
 |
| ພາບປະກອບ |
ພາຍຫຼັງເວລາເກືອບ 1 ເດືອນທີ່ເຮັດວຽກຢ່າງຕັ້ງໜ້າ, ຊຸດຝຶກອົບຮົມການສິດ ສອນ ພາສາຫວຽດນາມ ໃຫ້ຄູສອນຊາວຫວຽດນາມອາໄສຢູ່ອາຊີ - ອົດສະຕາລີ ໄດ້ອັດລົງໃນຕອນບ່າຍວັນທີ 7 ພະຈິກ. ຊຸດຝຶກອົບຮົມນີ້ແມ່ນຢູ່ໃນຂອບເຂດຊຸດຝຶກອົບຮົມການສິດສອນພາສາຫວຽດນາມໃຫ້ແກ່ຄູສອນຊາວຫວຽດນາມຢູ່ ອາໄສຕ່າງປະເທດ ໂດຍຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ, ກະຊວງການຕ່າງປະເທດ ສົມທົບກັບກະຊວງສຶກສາ ແລະ ກໍ່ງສ້າງ ຈັດຕັ້ງ.
ກ່າວຄຳເຫັນທີ່ພິທີປິດ, ທ່ານ ດິງຮວ່າງລິງ, ຫົວໜ້າກົມຖະແຫຼງຂ່າວ ແລະ ວັດທະນະທຳ, ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ໃຫ້ຮູ້ວ່າ: ໃນຊຸດຝຶກອົບຮົມ, ສໍາມະນາກອນ 150 ຄົນທີ່ມາຈາກ 10 ປະເທດ ແລະເຂດແຄວ້ນ ໄດ້ສຳເລັດເນື້ອໃນຝຶກອົບຮົມການສິດສອນພາສາຫວຽດນາມ ໃຫ້ຄູສອນຊາວຫວຽດນາມ ອາໄສຢູ່ຕ່າງປະເທດໃນປີ 2021. ນັກສໍາມະນາກອນໄດ້ປະກອບທັກສະ, ວິທີສອນພາສາຫວຽດນາມ ຕາມຫຼັກສູດ ແລະວິຊາສະເພາະ. ຜ່ານບັນດາບົດບັນຍາຍ, ນັກສໍາມະນາກອນກໍ່ໄດ້ຊອກຮູ້ຄວາມຮູ້ທີ່ມີ່ປະໂຫຍດກ່ຽວກັບວັດທະນະທຳ ແລະປະຫວັດສາດຫວຽດນາມ ພ້ອມທັງເຂົ້າໃຈຢ່າງເລິກເຊິ່ງກ່ຽວກັບຄວາມອຸດົມສົມບູນສວຍງາມຂອງພາສາຊາດຕື່ມອີກ.
ທ່ານນາງ ຫວູຕູແອງ, ຮອງຫົວໜ້າກົມສຶກສາ, ກະຊວງສຶກສາ ແລະກໍ່ສ້າງ ໄດ້ຂອບໃຈບັນດາຄູອາຈານຊາວຫວຽດນາມ ອາໄສຢູ່ຕ່າງປະເທດທີ່ຕັ້ງໜ້າເຂົ້າຮ່ວມຊຸດຝຶກອົບຮົມ. ເຂົາເຈົ້າແມ່ນຜູ້ທີ່ສືບທອດພາລະກິດສຶກສາ ແລະກໍ່ສ້າງຂອງ ຫວຽດນາມ ໄປຍັງທຸກແຖບຖິ່ນໃນໂລກ, ເພື່ອນຳພາສາ ແລະວັດທະນະທຳ ຫວຽດນາມ ໃຫ້ກາຍເປັນແຫຼ່ງກຳລັງໜູນບໍ່ພຽງແຕ່ໃຫ້ປະຊາຄົມຊາວ ຫວຽດນາມ ເທົ່ານັ້ນ ຫາກຍັງແມ່ນປະເທດເພື່ອນມິດສາກົນທີ່ຮັກຫອມ ຫວຽດນາມ.
ຊຸດຝຶກອົບຮົມປີນີ້ເປັນຊຸດທີ 7 ໂດຍຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ, ກະຊວງການຕ່າງປະເທດ ສົມທົບກັບກະຊວງສຶກສາ ແລະ ກໍ່ງສ້າງ ຈັດຕັ້ງ ແລະ ກໍ່ເປັນຊຸດຝຶກອົບຮົມທຳອິດທີ່ຈັດຂື້ນ ໃນຮູບແບບທາງອອນລາຍ, ດ້ວຍການເຂົ້າຮ່ວມຫຼາຍທີ່ສຸດເທົ່າທີ່ເຄີຍມີມາ. ຫຼັງຈາກທີ່ຊຸດທີ 1 ໄດ້ອັດລົງ, ໃນວັນທີ 6 ພະຈິກນີ້, ຊຸດຝຶກອົບຮົມທີ່ 2 ໄດ້ໄຂຂຶ້ນໂດຍມີການເຂົ້າຮ່ວມຂອງນັກສຶກສາ 129 ຄົນທີ່ມາຈາກ 19 ປະເທດໃນເອີຣົບ ແລະອາເມລິກາເໜືອ.
ໄຊພອນ
