 |
ກອງປະຊຸມລັດຖະມົນຕີ ຄະນະກຳມະການປະສານງານຮ່ວມ ເຂດສາມຫລ່ຽມພັດທະນາ ກໍາປູເຈຍ-ລາວ-ຫວຽດນາມ ຄັ້ງທີ 11.
ຈຸດປະສົງກອງປະຊຸມໃນຄັ້ງນີ້ ແມ່ນເພື່ອທົບທວນຄືນຄວາມຄືບໜ້າ ການຈັດຕັ້ງປະຕິບັດ ຜົນກອງປະຊຸມຄະນະກຳມະການປະສານງານ ຮ່ວມເຂດສາມຫລ່ຽມພັດທະນາ ກຳປູເຈຍ-ລາວຫວຽດນາມ (JCC) ຄັ້ງທີ 11 ໃນເດືອນທັນວາ 2017 ທີ່ແຂວງບິ່ງເຍືອງ ສສ ຫວຽດນາມ , ພ້ອມທັງປຶກສາຫາລືກ່ຽວກັບ ບັນດາຂໍ້ຄົງຄ້າງ ແລະ ສິ່ງທ້າທາຍຕ່າງໆ ທີ່ເປັນອຸປະສັກ ຕໍ່ການພັດທະນາ ເສດຖະກິດ-ສັງຄົມ ຂອງ 3 ປະເທດ ກໍຄືໃນ 13 ແຂວງຂອງເຂດສາມຫລ່ຽມ ພັດທະນາກຳປູເຈຍ-ລາວ-ຫວຽດນາມ ແນໃສ່ກຳນົດທິດທາງ ການຮ່ວມມືໃນຕໍ່ໜ້າ ເພື່ອຮັດແໜ້ນສາຍພົວພັນມິດຕະພາບ ອັນເປັນມູນເຊື້ືອທີ່ມີມາຍາວນານຂອງ 3 ຊາດ ແລະ ນຳຄວາມຈະເລີນສີວີໄລ ມາສູ່ເຂດສາມຫລ່ຽມພັດທະນາ ໃຫ້ນັບມື້ນັບຫລຸດຟົ້ນ ອອກຈາກຄວາມທຸກຍາກ ເທື່ອລະກ້າວ
（ແຫຼ່ງຂໍ້ມູນ： ຂປລ）
