 |
| ທ່ານຮອງນາຍົກລັດຖະມົນຕີ ຫວຽດນາມ ເລວັນແທັງ (ພາບ: VGP) |
ຕອນບ່າຍວັນທີ 20 ຕຸລາ, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ເລວັນແທັງ ໄດ້ເປັນເຈົ້າການກອງປະຊຸມແບບທາງໄກ ກ່ຽວກັບການຂົນສົ່ງສິນຄ້າ, ຜູ້ໂດຍສານ ແລະ ຟື້ນຟູການຜະລິດ ຢູ່ບັນດາເຂດຜະລິດອຸດສາຫະກຳ, ຮັບປະກັນການຮັບມືຢ່າງປອດໄພ, ມີໄຫວພິບ ແລະ ຄວບຄຸມໂລກລະບາດໂຄວິດ - 19 ຢ່າງມີປະສິດທິຜົນ.
ທ່ານຮອງນາຍົກລັດຖະມົນຕີ ຊີ້ແຈ້ງວ່າ ດ້ວຍຄວາມຕັດສິນໃຈປະຕິບັດສຳເລັດແຜນການຜະລິດດຳເນີນທຸລະກິດ ໃນໄຕມາດທີ IV/2021, ຮັບປະກັນໃຫ້ພື້ນຖານເສດຖະກິດມີການເຕີບໂຕປະມານ 2,5%, ບັນດາທ້ອງຖິ່ນຄວນສືບຕໍ່ຈັດການພົບປະກັບວິສາຫະກິດ, ສ້າງຄະນະຊີ້ນຳ, ບັນດາກຸ່ມແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດ. ທ່ານຮອງນາຍົກລັດຖະມົນຕີ ເລວັນແທັງ ກໍ່ສະເໜີໃຫ້ຂະແໜງການບິນ ຈົ່ງສືບຕໍ່ຮັກສາ ແລະ ເພີ່ມທະວີບັນດາຖ້ຽວບິນ ບົນພື້ນຖານຮັບປະກັນຂໍ້ກຳນົດກ່ຽວກັບການປ້ອງກັນ, ຕ້ານໂລກລະບາດໂຄວິດ - 19, ພ້ອມທັງປັບປຸງບັນດາມາດຕະການ, ເງື່ອນໄຫວທີ່ເໝາະສົມ ກັບຄວາມຮ້ຽກຮ້ອງຕົວຈິງ.
vovworld.vn
