| ຊາວຫວຽດນາມ ອາໄສຢູ່ລາວ ແບ່ງປັນຄວາມຫຍຸ້ງຍາກ, ຊ່ວຍກັນຜ່ານຜ່າໂລກລະບາດໂຄວິດ - 19 | |
| ການພົບປະແລກປ່ຽນລະຫວ່າງຊາວໜຸ່ມ ຫວຽດນາມ - ໄທ, ໃນທ່າມກາງໂລກລະບາດໂຄວິດ - 19 |
 |
| ພິທີມອບຮັບວັກຊິນ (ພາບ: TTXVN) |
ທ່ານເອກອັກຄະລັດຖະທູດ ກຣົວຊີ ປະຈຳ ຮຸງກາຣີ Mladen Andrlić ໄດ້ຢັ້ງຢືນວ່າ ກຣົວຊີ ຍາມໃດກໍ່ຖືການພົວພັນມິດຕະພາບອັນດີງາມກັບ ຫວຽດນາມ ເປັນສຳຄັນ ແລະ ມີຄວາມປາດຖະໜາຢາກໜູນຊ່ວຍ ຫວຽດນາມ ໃນການເອົາໄຊຊະນະຕໍ່ໂລກລະບາດໂຄວິດ - 19 ໂດຍໄວ.
ທ່ານນາງ ເອກອັກຄະລັດຖະທູດ ຫງວຽນທິບິກຖ໋າວ ໄດ້ສົ່ງຈົດໝາຍສະແດງຄວາມຂອບອົກຂອບໃຈຕໍ່ການນຳ, ລັດຖະບານ ແລະ ປະຊາຊົນ ກຣົວຊີ ກ່ຽວກັບການໜູນຊ່ວຍອັນລ້ຳຄ່າຕໍ່ ຫວຽດນາມ ແລະ ຖືນີ້ແມ່ນການກະທຳອັນສູງສົ່ງ, ເປັນສິ່ງທີ່ພິເສດໃຫ້ແກ່ນ້ຳໃຈເພື່ອນມິດອັນຍາວນາມລະຫວ່າງສອງປະເທດ.
ກ່ອນໜ້ານັ້ນ, ຢູ່ສຳນັກງານກະຊວງການຕ່າງປະເທດ ແລະ ເສດຖະກິດການຕ່າງປະເທດ ຮຸງກາຣີ ຢູ່ Budapest, ທ່ານນາງເອກອັກຄະລັດຖະທູດ ຫງວຽນທິບິກຖ໋າວ ແລະ ທ່ານຮອງລັດຖະມົນຕີ Istvan Joo ໄດ້ປະຕິບັດພິທີມອບຮອບວັກຊິນກັນໂຄວິດ - 19 AstraZeneca 400.000 ໂດສ ໂດຍລັດຖະບານ ຮຸງກາຣີ ມອບໂອນໃຫ້ຫວຽດນາມ ຕາມກົນໄກບໍ່ຫວັງຜົນກຳໄລ.
ທ່ານຮອງລັດຖະມົນຕີ ຢັ້ງຢືນວ່າ ວັກຊິນແມ່ນມາດຕະການ ເພື່ອຄວບຄຸມໂລກລະບາດໂຄວິດ - 19 ແລະ ຮຸງກາຣີ ພ້ອມແລ້ວທີ່ຈະໜູນຊ່ວຍ ຫວຽດນາມ ເຊິ່ງແມ່ນຄູ່ຮ່ວມມືສຳຄັນຢູ່ພາກພື້ນ ອາຊີ.
ໃນເດືອນກັນຍາ 2021, ມີວັກຊິນກັນໂຄວິດ - 19 AstraZeneca 100.000 ໂດສ ແລະ ຊຸດກວດຫາເຊື້ອແບບໄວ 100.000 ຊຸດ ໂດຍລັດຖະບານ ຮຸງກາຣີ ມອບໃຫ້ ຫວຽດນາມ ທີ່ສະຖາບັນອະນາໄມລະບາດວິທະຍາສູນກາງ ຮັບ, ເກັບຮັກສາ ແລະ ແຈກຢາຍໃຫ້ແກ່ບາງໂຮງໝໍຢູ່ຮ່າໂນ້ຍ ເພື່ອປ້ອງກັນ, ຕ້ານໂລກລະບາດ.
ຕາມແຜນການແລ້ວ, ວັນທີ 13 ຕຸລາ ເຮືອບິນ Vietnam Airlines ຈະໄປຍັງ Budapest ເພື່ອນຳຂົນສົ່ງຈຳນວນວັກຊິນດັ່ງກ່າວ ພ້ອມກັບວັດຖຸອຸປະກອນການແພດ 12,5 ໂຕນ ທີ່ມີມູນຄ່າ 380.000 USD ໂດຍຊາວຫວຽດນາມ ອາໄສຢູ່ ຮຸງກາຣີ ໜູນຊ່ວຍໃນວຽກງານປ້ອງກັນ, ຕ້ານໂລກລະບາດໂຄວິດ - 19 ພາຍໃນປະເທດ.
ບຸນຄົງ
