| ການແຂ່ງຂັນຮອບຄັດເລືອກເຕະບານຊິງແຊ້ມອາຊີ 2022: ທີມບານເຕະຍິງຫວຽດນາມ ເອົາຊະນະ ທີມເຕະບານຍິງ ມານດີວ 16-0 | |
| ສັນຍາ RCEP ຄາດວ່າຈະມີຜົນບັງຄັບໃຊ້ໃນຕົ້ນປີ 2022 |
 |
| ພາບປະກອບ |
ທ່ານ Steven Small, ຜູ້ອຳນວຍການ Informa Routes ໃຫ້ຮູ້ວ່າ ເວທີປາໄສການພັດທະນາເສັ້ນທາງການບິນອາຊີ 2022 ຈະປະກອບສ່ວນອັນສຳຄັນເຂົ້າໃນການເຊື່ອມຕໍ່ນະຄອນດານັງກັບປະຊາຄົມວິສາຫະກິດການບິນ, ການທ່ອງທ່ຽວ ແລະ ເຄືອຂ່າຍສາຍການບິນສາກົນໃນພາກພື້ນ ແລະ ໃນໂລກ.
ເວທີປາໄສການພັດທະນາເສັ້ນທາງການບິນອາຊີ 2022 ຄັ້ງທີ 16 ຄາດວ່າຈະໄດ້ຈັດຂຶ້ນແຕ່ວັນທີ 6 ຫາວັນທີ 8 ມິຖຸນາ 2022 ໂດຍນະຄອນດາໜັງເປັນເຈົ້າພາບ ພ້ອມທັງມີການຮ່ວມເດິນທາງຂອງ IPP Travel Retail, ສະມາຊິກຂອງ IPPG ແລະ Informa Routes, ອັງກິດ.
ຄາດວ່າຈະມີການເຂົ້າຮ່ວມຂອງຫຼາຍສາຍການບິນ, ບັນດາສະໜາມບິນ ແລະ ຫົວໜ່ວຍທຸລະກິດການທ່ອງທ່ຽວ, ສາຍການບິນ ເພື່ອສົ່ງເສີມສາຍພົວພັນການຮ່ວມມືໃນການສ້າງສາ ແລະ ເປີດກວ້າງເສັ້ນທາງການບິນ ພ້ອມກັບເຄືອຂ່າຍທຸລະກິດການບິນ, ປະກອບສ່ວນເຂົ້າໃນການຊຸກຍູ້ການເຄື່ອນໄຫວການບິນການທ່ອງທ່ຽວສາກົນຊຸກຍູ້ການເຊື່ອມຕໍ່ລະຫວ່າງດາໝັງກັບເຄືອຂ່າຍສາຍການບິນພາກພື້ນ ແລະ ໂລກ.
ໂດຍໄດ້ຮູ້ວ່າ Routes Asia ທຳອິດໄດ້ຈັດຂຶ້ນໃນປີ 2003, ເຊື່ອມຕໍ່ຂະແໜງການຂົນສົ່ງທາງອາກາດ ແລະ ເຄືອຂ່າຍການບິນໜຶ່ງດຽວໃນ ອາຊີ-ປາຊີຟິກ. ບັນດາໜ່ວຍງານທີ່ເປັນເຈົ້າພາບໃນການຈັດຕັ້ງ Routes Asia ໃນຊຸມປີມໍ່ໆມານີ້ລວມມີ ລັດ Sarawak - ມາເລເຊຍ (2012), ຄຸນໝິງ - ຈີນ (2015), ມະນີລາ - ຟິລິບປິນ (2016), ໂອກິນາວາ - ຍີ່ປຸ່ນ (2017), Brisbane - ອົດຕະລີ (2018). ໃນປີ 2019, ມີຜູ້ແທນຫຼາຍກວ່າ 1,000 ຄົນ, ຜູ້ບັນຍາຍ 25 ຄົນ ທີ່ມາຈາກຫຼາຍກວ່າ 60 ປະເທດ ແລະ 113 ສາຍການບິນສາກົນ ໄດ້ມາ Cebu (ຟີລິບປິນ) ເພື່ອເຂົ້າຮ່ວມ Routes Asia 2019.
ໄຊພອນ
