 |
| ພາບປະກອບ |
ວັນທີ 30 ກັນຍາ, ສູນອະນຸລັກຮັກສາຮ່ອງຮອຍປະຫວັດສາດເຫ້ວໃຫ້ຮູ້ວ່າ ໜ່ວຍງານຈະເປີດປະຕູເພື່ອຮັບໃຊ້ແຂກທ່ອງທ່ຽວຢູ່ບໍລິເວນກາງແຈ້ງບາງແຫ່ງ ທີ່ຄຸ້ມຄອງໂດຍໜ່ວຍງານນັບແຕ່ວັນທີ 1 ຕຸລາ.
ລາຍລະອຽດ, ນັກທ່ອງທ່ຽວສາມາດໄປຢ້ຽມຢາມບໍລິເວນກາງແຈ້ງ, ບໍ່ຢ້ຽມຢາມພາຍໃນຂອງພະລາຊະວັງ, ສຸສານຂອງເຈົ້າຊິວີດມິງໝ້າງ, ສຸສານເຈົ້າຊິວີດ ຕື້ດຶກ, ສຸສານເຈົ້າຊິວີດຂາຍດີ້ງ.
ສູນອະນຸລັກຮັກສາຮ່ອງຮອຍປະຫວັດສາດເມືອງເກົ່າເຫ້ວ ກໍ່ຍັງແນະນຳໃຫ້ນັກທ່ອງທ່ຽວຕ້ອງປະຕິບັດສານ "5K" ໃຫ້ເປັນຢ່າງດີ, ສະແກນລະຫັດ QR ຂອງບັດຄວບຄຸມພະຍາດກ່ອນເຂົ້າໄປຢ້ຽມຢາມ. ສໍາລັບນັກທ່ອງທ່ຽວທີ່ມາຈາກນອກແຂວງຕ້ອງໄດ້ກວດກາທາງການແພດໃຫ້ຄົບຖ້ວນຕາມທີ່ໄດ້ກໍານົດໄວ້. ປະຈຸບັນ, ແຂວງເທື່ອທຽນ - ເຫວ້ໄດ້ປະຕິບັດການຫຼຸດລາຄາ 50% ສຳລັບປີ້ເຂົ້າຊົມຮ່ອງຮອຍປະຫວັດສາດເຫວ້.
ຕະຫຼອດໄລຍະເວລາທີ່ຜ່ານມາ, ທ້ອງຖິ່ນກໍ່ໄດ້ມີຄວາມຕັ້ງໜ້າໃນການໂຄສະນາທັດສະນີຍະພາບ ຢ່າງກວ້າງຂວາງຂອງແຂວງຢູ່ໃນເຄືອຂ່າຍສັງຄົມ, ສ້າງພື້ນຖານເພື່ອດຶງດູດນັກທ່ອງທ່ຽວໃຫ້ມາທ່ຽວແລະຜ່ອນຄາຍເມື່ອສະຖານະການການລະບາດຂອງພະຍາດ COVID-19 ຄ່ອຍໆໄດ້ຮັບການຄວບຄຸມເປັນຢ່າງດີ.
ການນໍາພະແນກທ່ອງທ່ຽວແຂວງເທື່ອທຽນ-ເຫວ ໃຫ້ຮູ້ວ່າ: ປະຈຸບັນນີ້ມີ 1/4 ຂອງພະນັກງານນຳທ່ຽວຂອງແຂວງໄດ້ຮັບການສັກຢາກັນພະຍາດໂຄວິດ -19. ພ້ອມກັນນັ້ນ, ເພື່ອໃຫ້ທັນກັບທ່າອ່ຽງຂອງການເປີດຕະຫຼາດທ່ອງທ່ຽວພາຍໃນປະເທດ, ຈໍານວນຜູ້ນໍາທ່ຽວທີ່ໄດ້ຮັບການສັກວັກຊີນຈະສືບຕໍ່ເພີ່ມຂຶ້ນ.
ໄຊພອນ
