ບັນດາວິສາຫະກິດ ແລະຊາວຕ່າງປະເທດຢູ່ນະຄອນໂຮ່ຈີມິນໜູນຊ່ວຍການປ້ອງກັນພະຍາດ COVID-19

20:00 | 30/09/2021

ຍສໝ - ວັນທີ 29 ກັນຍາ, ທ່ານນາງ Yovanka Yoan Siahainenia, ຜູ້ຮັກສາການກົງສູນໃຫຍ່ອິນໂດເນເຊຍປະຈຳ ນະຄອນໂຮ່ຈີມິນໄດ້ມອບໃຫ້ຜູ້ຕາງໜ້າຄະນະກຳມະການແນວໂຮມປະເທດຊາດຫວຽດນາມຢູ່ນະຄອນ 169 ລ້ານດົ່ງ ແລະ ເຄື່ອງໃຊ້ທີ່ຈໍາເປັນຈໍານວນໜຶ່ງ ທີ່ມີມູນຄ່າກວ່າ 120 ລ້ານດົ່ງ ໂດຍບັນດາວິສາຫະກິດອິນໂດເນເຊຍ ແລະ ຊາວອິນໂດເນເຊຍຢູ່ນະຄອນ ໜູນຊ່ວຍການປ້ອງກັນ ແລະຄວບຄຸມພະຍາດ COVID-19.

	ສາທາລະນະລັດເຊັກ ໂອນວັກຊີນກັນ COVID -19 500,000 ໂດສ ໃຫ້ແກ່ຫວຽດນາມ
	ປະເທດລາວ ໄດ້ເລີ່ມຕົ້ົ້ນທົດລອງການສັກວັກຊິນ ຕ້ານພະຍາດ COVID – 19

ບັນດາວິສາຫະກິດ ແລະຊາວຕ່າງປະເທດຢູ່ນະຄອນໂຮ່ຈີມິນໜູນຊ່ວຍການປ້ອງກັນພະຍາດ COVID-19. ພາບ:TTXVN

ເຂົ້າຮ່ວມພິທີມອບຮັບ, ທ່ານ Edwin Setiawan Tjie (ປະທານສະມາຄົມວິສາຫະກິດອິນໂດເນເຊຍຢູ່ນະຄອນໂຮ່ຈີມິນ) ໄດ້ຢືນຢັນວ່າ ບັນດາວິສາຫະກິດອິນໂດເນເຊຍຢູ່ຢູ່ນະຄອນ ຍາມໃດກໍ່ຖືເປັນສໍາຄັນການສະໜັບສະໜູນຊຸມຊົນ, ມີຄວາມໝາຍ; ຫວັງວ່າຂອງຂວັນໃນຄັ້ງນີ້ຈະປະກອບສ່ວນເຂົ້າໃນການສະໜັບສະໜູນ ປະຊາຊົນໃນນະຄອນທີ່ປະສົບກັບຄວາມຫຍຸ້ງຍາກເນື່ອງຈາກການລະບາດຂອງພະຍາດ. ບັນດາວິສາຫະກິດ ແລະຊາວອິນໂດເນເຊຍຢູ່ນະຄອນ ເຊື່ອໝັ້ນວ່າ ໃນໄລຍະຈະມາເຖິງ ນະຄອນໂຮ່ຈີມິນຈະມີຄວາມສະຖຽນລະພາບ ແລະພັດທະນາເສດຖະກິດໃນສະພາບການ “ປົກກະຕິໃໝ່”.

ໃນວັນດຽວກັນ ຢູ່ເມືອງເຕິນຟູ, ອົງການ Good Neighbors (ສ. ເກົາຫຼີ) ໄດ້ມອບຂອງຂວັນທີ່ເປັນເຄື່ອງໃຊ້ຈຳເປັນ 1.000 ພູດ (ມູນຄ່າ 500 ລ້ານດົ່ງ) ເພື່ອສະໜັບສະໜູນປະຊາຊົນໃນເມືອງທີ່ປະສົບກັບຄວາມຫຍຸ້ງຍາກເນື່ອງຈາກການລະບາດຂອງພະຍາດ COVID-19.

ໄຊພອນ