| ສາທາລະນະລັດເຊັກ ໂອນວັກຊີນກັນ COVID -19 500,000 ໂດສ ໃຫ້ແກ່ຫວຽດນາມ | |
| ປະເທດລາວ ໄດ້ເລີ່ມຕົ້ົ້ນທົດລອງການສັກວັກຊິນ ຕ້ານພະຍາດ COVID – 19 |
 |
| ທ່ານຮອງນາຍົກລັດຖະມົນຕີ ຫວູດຶກດາມ, ຮອງຫົວໜ້າຄະນະຊີ້ນຳແຫ່ງຊາດການປ້ອງກັນ, ຄວບຄຸມໂລກລະບາດໂຄວິດ-19. ພາບ: VGP |
ຕອນເຊົ້າວັນທີ 29 ກັນຍາ, ທ່ານຮອງນາຍົກລັດຖະມົນຕີ ຫວູດຶກດາມ, ຮອງຫົວໜ້າຄະນະຊີ້ນຳແຫ່ງຊາດການປ້ອງກັນ, ຄວບຄຸມໂລກລະບາດໂຄວິດ-19 ໄດ້ເຮັດວຽກກັບຄະນະຊີ້ນຳກະຊວງປ້ອງກັນປະເທດກ່ຽວກັບການປ້ອງກັນ, ຄວບຄຸມໂລກລະບາດ Covid-19 ຢູ່ນະຄອນໂຮ່ຈີມິນ ແລະບັນດາແຂວງພາກໃຕ້.
ທ່ານຮອງນາຍົກລັດຖະມົນຕີ ຫວູດຶກດາມ ໄດ້ເນັ້ນໜັກວ່າ: ສະພາບການແຜ່ລະບາດຢູ່ນະຄອນໂຮ່ຈີມິນແລະບັນດາແຂວງພາກໃຕ້ໄດ້ຮັບການຄວບຄຸມໂດຍພື້ນຖານ, ຈຳນວນກໍລະນີຕິດເຊື້ອໃໝ່ມີທ່າອ່ຽງຫຼຸດລົງ. ພາຍຫຼັງວັນທີ 30 ກັນຍາ, ນະຄອນໂຮ່ຈີມິນ ແລະບັນດາແຂວງພາກໃຕ້ເລີ່ມຜ່ອນຜັນການຮັກສາໄລຍະຫ່າງ, ຟື້ນຟູການຜະລິດ, ດຳເນີນທຸລະກິດ. ເຖິງແນວໃດກໍ່ຕາມ, ກ່ອນທີ່ບັນດາທ້ອງຖິ່ນຕ່າງ ໄດ້ໄດ້ຮັບການສັກວັກຊີນທັງໝົດ, ບັນລຸພູມຕ້ານທານໃນຊຸມຊົນ, ກໍາລັງທະຫານຈະສືບຕໍ່ໜູນຊ່ວຍນະຄອນໂຮ່ຈີມິນ ແລະບັນດາແຂວງພາກໃຕ້ໃນການຕໍ່ຕ້ານກັບພະຍາດ COVID-19.
ທ່ານ ພົນໂທ ຫວໍມີງເລືອງ, ຫົວໜ້າໜ່ວຍປະຕິບັດງານພິເສດຂອງລັດຖະບານກ່ຽວກັບການປ້ອງກັນ ແລະຄວບຄຸມພະຍາດໂຄວິດ -19 ຢູ່ນະຄອນໂຮ່ຈີມິນ ແລະບັນດາແຂວງພາກໃຕ້ ໃຫ້ຮູ້ວ່າ: “ພາຍຫຼັງວັນທີ 30 ກັນຍາ, ກອງທັບຈະມີການດັດປັບໃຫ້ເໝາະສົມກັບແຕ່ລະສະພາບການເພື່ອປະສານງານກັບອໍານາດການປົກຄອງ, ປະຊາຊົນ ບັນດາທ້ອງຖິ່ນເພື່ອຄວບຄຸມການແຜ່ລະບາດຂອງພະຍາດໂດຍໄວ.
ໄຊພອນ
