| ຊາວປະມົງມານະພະຍາຍາມຟື້ນຟູແກ້ໄຂບັດເຫຼືອງ ຂອງ EU | |
| ຈັດການຢ່າງເຂັ້ມງວດ ຕໍ່ບຸກຄົນ ແລະ ການຈັດຕັ້ງທີ່ສົ່ງເຮືອຫາປາຫວຽດນາມ ໄປຫາປາຢູ່ຕ່າງປະເທດຢ່າງຜິດກົດໝາຍ |
ກະຊວງປ້ອງກັນປະເທດ ໄດ້ກວດພົບ ແລະ ແກ້ໄຂການລະເມີດ 2,198 ກໍລະນີ ດ້ວຍການປັບໄໝຫຼາຍກວ່າ 54 ຕື້ດົ່ງ, ໄດ້ສົ່ງມອບເຮືອຫາປາ 15 ລໍາ ທີ່ລະເມີດເຂດນ່ານນໍ້າຕ່າງປະເທດ ໃຫ້ຄະນະກໍາມະການປະຊາຊົນຂອງແຂວງ ເພື່ອພິຈາລະນາ ແລະ ແກ້ໄຂຕາມສິດອຳນາດ.
 |
| ລົງໂທດຢ່າງໜັກຕໍ່ຜູ້ລະເມີດ. (ພາບ: TTXVN) |
ໃນໄລຍະກວ່າສອງປີຜ່ານມາ, ບັນດາທ້ອງຖິ່ນໄດ້ກວດພົບການລະເມີດ 8.810 ກໍລະນີ ດ້ວຍການປັບໄໝຫຼາຍກວ່າ 83 ຕື້ດົ່ງ. ສະເພາະໃນຂົງເຂດຂຸດຄົ້ນສິນທະເລ ໄດ້ກວດພົບ 7,095 ກໍລະນີ ແລະ ປັບໄໝຫຼາຍກວ່າ 68 ຕື້ດົ່ງ; ຂົງເຂດລ້ຽງປູກສິນໃນນ້ຳ ໄດ້ກວດພົບ ແລະ ແກ້ໄຂ 209 ກໍລະນີ ດ້ວຍການປັບໄໝ 2 ຕື້ກວ່າດົ່ງ. ກ່ຽວກັບການນຳໃຊ້ກະແສໄຟຟ້າ ແລະ ລະເບີດ ສຳລັບການຫາປາ ໄດ້ກວດພົບ 1.056 ກໍລະນີ ແລະ ປັບໄໝເກືອບ 13 ຕື້ດົ່ງ.
ຕາມກະຊວງກະສິກຳ ແລະ ພັດທະນາຊົນນະບົດ ໃຫ້ຮູ້ວ່າ: ພາຍຫຼັງກວ່າ 2 ປີແຫ່ງການປະຕິບັດ ດຳລັດເລກທີ 42/2019/ND-CP ໃນທົ່ວປະເທດ ກໍ່ໄດ້ມີການປ່ຽນແປງໄປຢ່າງຕັ້ງໜ້າ, ການຄຸ້ມຄອງລັດຂອງບັນດາກະຊວງ, ຂະແໜງການ ແລະ ທ້ອງຖິ່ນ ໄດ້ຄ່ອຍໆ ເຂົ້າລະບຽບ, ສ່ວນໃຫຍ່ການລະເມີດດ້ານການບໍລິຫານ ຖືກກວດພົບ ແລະ ລົງໂທດຢ່າງທັນການ ເພື່ອຮັບປະກັນຖືກຕ້ອງຕາມສິດອຳນາດ, ຂັ້ນຕອນດຳເນີນ ແລະ ລະບຽບການຂອງກົດໝາຍທີ່ໄດ້ກໍານົດ.
ຄຳຮຸ່ງ
