| ແຂວງ ນີງທ້ວນ: ຄວບຄຸມຢ່າງເຂັ້ມງວດຕໍ່ການເຄື່ອນໄຫວຂອງເຮືອຫາປາ | |
| ຫວຽດນາມ ປະຕິເສດຂໍ້ຕົກລົງຂອງຈີນກ່ຽວກັບການຫ້າມຫາປາ ຢູ່ທະເລຕາເວັນອອກ |
ໃນວັນທີ 21 ກໍລະກົດ, ຫ້ອງວ່າການລັດຖະບານ ໄດ້ອອກເອກະສານສະບັບເລກທີ 198 / TP-VPCP ໂດຍແຈ້ງເຜີຍແຜ່ຄຳເຫັນຊີ້ນຳ ຂອງທ່ານຮອງນາຍົກລັດຖະມົນຕີ ເລວັນແທງ - ຫົວໜ້າຄະນະຊີ້ນຳແຫ່ງຊາດ ກ່ຽວກັບການຕ້ານການຈຸດຄົ້ນສິນທະເລທີ່ບໍ່ຖືກຕ້ອງຕາມກົດໝາຍ, ບໍ່ລາຍງານ ແລະ ບໍ່ຖືກຕ້ອງຕາມຂໍ້ກຳນົດ (IUU); ແບ່ງໜ້າທີ່ໃຫ້ບັນດາກະຊວງ ແລະ ຂະແໜງທີ່ມີໜ້າທີ່ ວ່າ:
 |
ເຮືອຫາປາຂອງຊາວປະມົງ ຢູ່ເຂດນ່ານທະເລແວຂງ ກ່ຽນຢາງ. |
ກະຊວງຕຳຫຼວດ ຊີ້ນຳບັນດາກຳລັງເພື່ອສືບສວນ ແລະ ຈັດການຢ່າງເຂັ້ມງວດຕໍ່ບັນດາອົງການຈັດຕັ້ງ ແລະ ບຸກຄົນທີ່ເປັນນາຍໜ້າ ແລະ ເຊື່ອມຕໍ່ໃຫ້ກຳປັ່ນຫາປາ ແລະ ຊາວປະມົງຫວຽດນາມ ໃນການຂຸດຄົ້ນສິນທະເລໃນເຂດນ່ານນ້ຳທີ່ຜິດກົດໝາຍ; ສະກັດກັ້ນ ແລະ ດຳເນີນການຢຸດຕິສະພາບການດັ່ງກ່າວນີ້ໃນໄລຍະທີ່ຈະມາເຖິງ; ເກັບກຳປະຕິກິລິຍາ, ທ່າທີ ແລະ ຫາສຽງຂອງປະຊາຊົນບັນດາປະເທດອື່ນ ຕໍ່ສະພາບການຂອງເຮືອຫາປາ ແລະ ຊາວປະມົງຫວຽດນາມ ທີ່ໄປຫາປາຢູ່ໃນນ່ານນ້ຳຕ່າງປະເທດຢ່າງຜິດກົດໝາຍ ເພື່ອລາຍງານ ແລະ ສະເໜີມາດຕະການແກ້ໄຂ ກັບລັດຖະບານ, ນາຍົກລັດຖະມົນຕີ, ຄະນະຊີ້ນຳແຫ່ງຊາດກ່ຽວກັບ IUU.
ກະຊວງປ້ອງກັນປະເທດ ເປັນປະທານ ແລະ ປະສານສົມທົບກັບໜ່ວຍງານທີ່ກ່ຽວຂ້ອງ ໃນການຊອກຫາວິທີແກ້ໄຂທີ່ມີປະສິດທິຜົນ ເພື່ອສະກັດກັ້ນ ແລະ ຢຸດຕິສະພາບການເຮືອຫາປາຢູ່ໃນເຂດນ່ານນໍ້າຕ່າງປະເທດທີ່ຜິດກົດໝາຍ, ຈັດການບັນດາກໍລະນີລະເມີດຢ່າງເຂັ້ມງວດ; ຄວບຄຸມເຮືອປະມົງທີ່ອອກ ແລະ ເຂົ້າທຽບທ່າຢ່າງເຂັ້ມງວດ; ບໍ່ໄດ້ອະນຸຍາດໃຫ້ເຮືອປະມົງອອກຈາກທ່າເຮືອຢ່າງເດັດຂາດ ຖ້າວ່າເຂົາເຈົ້າບໍ່ຮັບປະກັນຄວາມຮຽກຮ້ອງຕ້ອງການໃນການເຄື່ອນໄຫວຂຸດຄົ້ນສິນໃນນຳ້ຕາມຂໍ້ກຳນົດ; ຮັບປະກັນຄວາມປອດໄພ ແລະ ຄວາມສະຫງົບໃຫ້ແກ່ການເຄື່ອນໄຫວຂຸດຄົ້ນສິນທະເລທີ່ຖືກຕ້ອງຕາມກົດໝາຍຂອງຊາວປະມົງຫວຽດນາມ.
ກະຊວງການຕ່າງປະເທດ ໂດຍຜ່ານຊ່ອງທາງການທູດ ເຜີຍແຜ່ສານທີ່ສະແດງຄວາມຕັດສິນໃຈທາງການເມືອງ ຂອງລັດຖະບານຫວຽດນາມ ໃນຄວາມພະຍາຍາມຂອງຕົນເພື່ອສະກັດກັ້ນບໍ່ໃຫ້ເຮືອຫາປາ ແລະ ຊາວປະມົງຫວຽດນາມ ລະເມີດການຫາປາຂອງ IUU; ເພີ່ມທະວີການເກັບກຳສະຖານະການ, ປະສານສົມທົບໃນການແກ້ໄຂບັນດາບັນຫາທີ່ກ່ຽວຂ້ອງກັບກຳປັ່ນຫາປາ ແລະ ຊາວປະມົງຫວຽດນາມທີ່ຖືກຈັບຕົວຢູ່ປະເທດອື່ນໆ, ສະແດງຄວາມຄັດຄ້ານ ສຳລັບບັນດາກໍລະນີຊາວປະມົງຫວຽດນາມ ທີ່ຖືກການປະພຶດຫຍາບຊ້າຈາກຄົນຕ່າງປະເທດໃນຂົງເຂດທະເລຢ່າງທັນການ, ໂດຍສະເພາະຢູ່ເຂດທະເລທີ່ກຳລັງເຈລະຈາແບ່ງເຂດກຳນົດ; ປະສານສົມທົບກັບອົງການທີ່ມີໜ້າທີ່ພາຍໃນປະເທດ ຮວບຮວມເອກະສານ ແລະ ຫຼັກຖານເພື່ອຈັດການບັນດາກໍລະນີລະເມີດຢ່າງເຂັ້ມງວດ.
ກະຊວງຖະແຫຼງຂ່າວ ແລະ ສື່ສານ ເປັນປະທານ ແລະ ປະສານສົມທົບກັບ ຄະນະໂຄສະນາສຶກສາສູນກາງ, ບັນດາອົງການທີ່ກ່ຽວຂ້ອງໃນການສ້າງ ແລະ ຜັນຂະຫຍາຍຍຸດທະສາດ, ແຜນການສຳລັບຂໍ້ມູນຂ່າວສານ ແລະ ໂຄສະນາເຜີຍແຜ່ຢູ່ພາຍໃນ ແລະ ຕ່າງປະເທດກ່ຽວກັບຄວາມພະຍາຍາມ ແລະ ຜົນການຈັດຕັ້ງປະຕິບັດຕ້ານການຂຸດຄົ້ນ IUU ຂອງຫວຽດນາມ; ເພີ່ມທະວີໄລຍະເວລາ, ຄຸນນະພາບ, ຫັນຮູບແບບຂໍ້ມູນຂ່າວສານ ແລະ ໂຄສະນາເຜີຍແຜ່ໃຫ້ຊາວປະມົງໃຫ້ຫຼາກຫຼາຍ.
ຄຳຮຸ່ງ
