| ຄວາມສາມາດບົ່ມຊ້ອນດ້ານການທ່ອງທ່ຽວຊຸມຊົນ ຢູ່ເມືອງ ກະບາງ ແຂວງ ຢາລາຍ | |
| ຫໍພິພທະພັນວິຈິດສິນຫວຽດນາມ ເປີດຕົວເຕັກໂນໂລຢີການທ່ອງທ່ຽວອອນໄລ໌ 3D |
Holidu, ເວັບໄຊຂອງອັງກິດ ທີ່ຊ່ຽວຊານດ້ານການທ່ອງທ່ຽວສາກົນ ໄດ້ກ່າວເຖິງນິຍາມຂອງຄຳວ່າ workation ເຊິ່ງເປັນການລວມກັນລະຫວ່າງ ການເຮັດວຽກ ແລະ ການພັກຜ່ອນ.
Holidu ໄຈ້ແຍກຕົວເລກດັດສະນີສະແດງຕ່າງໆ ເພື່ອຍົກອອກລາຍຊື່ຕົວເມືອງໃນໂລກ ທີ່ເປັນຈຸດໝາຍປາຍທາງທີ່ດີທີ່ສຸດ ສໍາລັບໄລຍະເວລາສົມທົບທັງການເຮັດວຽກ ທັງພັກຜ່ອນ.
 |
| ຫວຽດນາມມີ 3 ຕົວເມືອງດີທີ່ສຸດໃນໂລກ ເພື່ອສົມທົບທັງການເຮັດວຽກ ທັງພັກຜ່ອນ. (ພາບ: eva.vn) |
ຕົວເລກສະແດງເຫຼົ່ານີ້ ປະກອບມີຄ່າໃຊ້ຈ່າຍໃນການເຊົ່າເຮືອນຢູ່ຂະໜາດນ້ອຍ (ໜຶ່ງຫ້ອງນອນ), ຄ່າອາຫານ, ການໄປມາ, ເວລາມີແສງແດດ ແລະ ແນ່ນອນວ່າຕ້ອງມີລະດັບຄວາມໄວຂອງ Wifi...
ໃນບັນຊີລາຍຊື່ 147 ນະຄອນທີ່ Holidu ໄດ້ຮັບຖືວ່າດີທີ່ສຸດ, ມີ 3 ນະຄອນຢູ່ຫວຽດນາມ ຄື: ຮ່າໂນ້ຍ (ອັນດັບທີ 18), ນະຄອນໂຮ່ຈີມິນ (ອັນດັບ 21) ແລະ ໂຫ້ຍອ່ານ (ອັນດັບທີ 32).
ເມື່ອປຽບທຽບກັບຫຼາຍເມືອງອື່ນໆໃນໂລກ, ຄວາມໄວ Wifi ຢູ່ໃນ 3 ຕົວເມືອງຂອງຫວຽດນາມ ແມ່ນບໍ່ດີເລີດປານໃດ, ແຕ່ຄ່າກິນດື່ມແມ່ນຕໍ່າກວ່າຫຼາຍ. ຕົວຢ່າງ, ຄ່າໃຊ້ຈ່າຍສະເລ່ຍຂອງການກິນ 1 ຄາບຢູ່ຮ້ານອາຫານທຳມະດາຢູ່ໃນຮ່າໂນ້ຍແມ່ນ 1.25 ປອນ (ປະມານ 40.000 ດົ່ງ); ຢູ່ໃນ ນະຄອນໂຮ່ຈີມິນ ແມ່ນ 1.57 ປອນ (ປະມານ 50,000 VND); ຢູ່ ໂຫ້ຍອ່ານ ແມ່ນ 1,33 ປອນ (ປະມານ 42,000 VND).
ເມືອງຈັດອັນດັບ 1 ໃນລາຍການຂອງ Holidu ແມ່ນບາງກອກ (ປະເທດໄທ), ນິວເດລີ (ອິນເດຍ) ເປັນອັນດັບ 2, ພູເກັດ (ປະເທດໄທ) ເປັນອັນດັບ 10, ກົວລາລໍາເປີ (ມາເລເຊຍ) ເປັນອັນດັບ 20, ສິງກະໂປ (ອັນດັບ 22); ກຸງໂຊລ (ສ.ເກົາຫລີ) ຢູ່ໃນອັນດັບທີ 34...
ຄຳຮຸ່ງ
