| ແກ້ໄຂສິ່ງກີດຂວາງໃນດ້ານການຄ້າຜະລິດຕະພັນກະເສດລະຫວ່າງຫວຽດນາມ ແລະຈີນ | |
| ຜະລິດຕະພັນກະເສດເກືອບ 30 ໂຕນ ໜູນຊ່ວຍປະຊາຊົນຢູ່ພາກໃຕ້ |
ກົມການນຳເຂົ້າ-ສົ່ງອອກ (ກະຊວງອຸດສາຫະກຳ ແລະ ການຄ້າ) ໃຫ້ຮູ້ວ່າ: ເຖິງວ່າການລະບາດຂອງພະຍາດ COVID-19 ມີການຜັນແປໄປຢ່າງສັບສົນ, ແຕ່ອັດຕາສ່ວນກວມຂອງຜະລິດຕະພັນໝາກມ່ວງຫິມະພານຂອງຫວຽດນາມ ຍັງຢັ້ງຢືນຢັນທີ່ຕັ້ງເປັນຜູ້ສະໜອງອັນດັບ 1 ໃນຕະຫຼາດລັດເຊຍ ດ້ວຍການສະໜອງທີ່ໝັ້ນຄົງ, ຮັບປະກັນຄຸນນະພາບ.
ອົງການການຄ້າຫວຽດນາມ ປະຈຳສະຫະພັນລັດເຊຍ ໃຫ້ຂໍ້ສັງເກດວ່າ ບັນດາວິສາຫະກິດຫວຽດນາມ ຕ້ອງໄດ້ສຶກສາຢ່າງລະມັດລະວັງ ແລະ ຍາດແຍ່ງເອົາບູລິມະສິດ ຈາກສັນຍາການຄ້າເສລີລະຫວ່າງຫວຽດນາມ ແລະ ສະຫະພັນເສດຖະກິດເອີຣົບ (VN-EAEU FTA), ລົງທຶນຢ່າງກ້າຫານໃນການຜະລິດ ແລະ ການບໍລິໂພກສິນຄ້າຢູ່ຣັດເຊຍ.
 |
| ພາບປະກອບ |
ກົມການນຳເຂົ້າ-ສົ່ງອອກ ແນະນຳວ່າຜະລິດຕະພັນ ຕ້ອງໄດ້ຕາມມາດຖານທີ່ສະອາດ. ບັນດາວິສາຫະກິດສົ່ງອອກໝາກມ່ວງຫິມະພານຂອງຫວຽດນາມ ຕ້ອງສ້າງສາຍພົວພັນທີ່ໃກ້ຊິດ ແລະ ຍາວນານກັບບັນດາກຸ່ມທຳການຜະລິດ ເພື່ອສ້າງເປັນຕ່ອງໂສ້ມູນຄ່າຜະລິດຕະພັນກະເສດ ແລະ ແບ່ງປັນຄວາມຮັບຜິດຊອບ, ຜົນປະໂຫຍດ. ພ້ອມກັນນັ້ນ, ກໍ່ປັບປຸງ ແລະ ອັບເດດນະໂຍບາຍໜູນຊ່ວຍຂອງລັດ ເພື່ອຍົກສູງຄວາມສາມາດໃນການແກ່ງແຍ່ງ ຂອງຜະລິດຕະພັນກະເສດທີ່ສົ່ງອອກ.
ວິສາຫະກິດ ໝາກມ່ວງຫິມະພານຂອງຫວຽດນາມ ຕ້ອງປັບປຸງແບບການຫຸ້ມຫໍ່, ການອອກແບບ, ການອອກແບບສະແຕມ, ການປ່ຽນພາສາຢ່າງເປັນປະຈຳ ເພື່ອໃຫ້ລູກຄ້າໃນຕະຫຼາດສາມາດເຂົ້າໃຈຂໍ້ມູນຂ່າວສານທັງໝົດກ່ຽວກັບຜະລິດຕະພັນ. ສ້າງໂຮງງານປຸງແຕ່ງທີ່ມີສະມັດຕະພາບກຳລັງການຜະລິດຂະໜາດໃຫຍ່ ເພື່ອຮັບປະກັນແຫຼ່ງສະໜອງໝາກມ່ວງຫິມະພານ ແລະ ຄຸນນະພາບຂອງຜະລິດຕະພັນ; ເປັນເຈົ້າການແຫຼ່ງສະໜອງໝາກມ່ວງຫິມະພານດິບ ເພື່ອຫຼຸດຜ່ອນການຂາດວັກຂາດຕອນການສະໜອງ.
ອີງຕາມກົມການນຳເຂົ້າ - ສົ່ງອອກອ້າງອີງສະຖິຕິຂອງອົງການພາສີລັດເຊຍ ໂດຍໃຫ້ຮູ້ວ່າ ໃນ 6 ເດືອນຕົ້ນປີ 2021, ລັດເຊຍ ໄດ້ນຳເຂົ້າໝາກມ່ວງຫິມະພານ ຈຳນວນ 8,45 ພັນໂຕນ, ມີມູນຄ່າ 31,4 ລ້ານໂດລາ, ເພີ່ມຂຶ້ນ 50% ຂອງດ້ານປະລິມານ ແລະ ເພີ່ມຂຶ້ນ 22,3 % ດ້ານມູນຄ່າ ເມື່ອທຽບໃສ່ໄລຍະດຽວກັນຂອງປີ 2020. ໃນ 6 ເດືອນທໍາອິດຂອງປີ 2021, ລັດເຊຍ ໄດ້ເພີ່ມການນໍາເຂົ້າໝາກມ່ວງຫິມະພານ ຈາກຫວຽດນາມ ແລະ ເບລາຣຸດ ແຕ່ຫຼຸດລົງຢ່າງແຮງໃນການນໍາເຂົ້າຈາກຕະຫຼາດອື່ນ.
ຄຳຮຸ່ງ
