ຮ່າຢາງ ຈະພັດທະນາການທ່ອງທ່ຽວຜະຈົນໄພ ຢູ່ໃນຮ່ອມເຫວພູ Tu San, ແມ່ນ້ຳ Nho Que
	ປີໃໝ່ Chöl Nam Thmay ມີຄວາມອົບອຸ່ນ, ປຸ້ມລຸມກັນຢູ່ສະຖານທູດລາຊະອານາຈັກກຳປູເຈຍ ປະຈຳຫວຽດນາມ

ຕອນບ່າຍວັນທີ 25 ສິງຫາ, ທ່ານຮອງລັດຖະມົນຕີກະຊວງກະສິກຳ ແລະພັດທະນາຊົນນະບົດ ເລກວກແຢວງ ໄດ້ມີການພົບປະກັບທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ຫງວຽນມີງຫວູ ກ່ຽວກັບສະພາບການຮ່ວມມືດ້ານກະສິກຳ ລະຫວ່າງຫວຽດນາມ - ຈີນ, ຊີ້ແຈ້ງຄວາມຫຍຸ້ງຍາກ, ສິ່ງກີດຂວາງ ແລະບັນຫາບຸລິມະສິດໃນຂົງເຂດນີ້. ເນື້ອໃນເຫຼົ່ານີ້ຈະຖືກຮວບຮວມເພື່ອກະກຽມໃຫ້ແກ່ກອງປະຊຸມຄະນະກໍາມະການຊີ້ນໍາການຮ່ວມມືສອງຝ່າຍຫວຽດນາມ - ຈີນທີ່ໃກ້ຈະດຳເນີນ.

ທ່ານຮອງລັດຖະມົນຕີກະຊວງກະສິກຳ ແລະພັດທະນາຊົນນະບົດ ເລກວກແຢວງ ໄດ້ມີການພົບປະກັບທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ຫງວຽນມີງຫວູ ກ່ຽວກັບສະພາບການຮ່ວມມືດ້ານກະສິກຳ ລະຫວ່າງຫວຽດນາມ - ຈີນ. ພາບ: nongnghiep.vn

ຕາມທ່ານຮອງລັດຖະມົນຕີກະຊວງກະສິກຳ ແລະພັດທະນາຊົນນະບົດ ເລກວກແຢວງ ແລ້ວ, ບັນຫາສິ່ງກີດຂວາງໃຫຍ່ສຸດໃນປະຈຸບັນໃນການສົ່ງອອກຜະລິດຕະພັນກະເສດໄປຍັງຈີນ ແມ່ນນະໂຍບາຍການຄ້າຊາຍແດນຂອງຈີນມີການປ່ຽນແປງເລື້ອຍໆ. ທ່ານຮອງລັດຖະມົນຕີ ເລກວກແຢວງ ຢາກໃຫ້ສອງກະຊວງມີການປະສານງານ ແລະແລກປ່ຽນນຳກັນ ເພື່ອແກ້ໄຂບັນຫານີ້ໃນບັນດາການເຮັດວຽກກັບຈີນໃນໄລຍະຈະມາເຖິງນີ້.

ສ່ວນກະຊວງການຕ່າງປະເທດ, ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ຫງວຽນມີງຫວູ ຢືນຢັນວ່າ ກະຊວງການຕ່າງປະເທດຈະສົມທົບກັບກະຊວງກະສິກຳ ແລະພັດທະນາຊົນນະບົດ ເພື່ອແກ້ໄຂ, ຊຸກຍູ້ການພັດທະນາຂົງເຂດນີ້. ທ່ານ ຫງວຽນມີງຫວູ ຢາກໃຫ້ສອງກະຊວງ ຍູ້ແຮງກົນໄກແລກປ່ຽນຂໍ້ມູນຂ່າວສານໂດຍຜ່ານການລາຍງານສັງລວມ ແລະຍົກອອກບັນດາຂໍ້ສະເໜີລະອຽດ.

ກະຊວງການຕ່າງປະເທດຈະຊີ້ນຳ ເພື່ອເພີມທະວີການເຊື່ອມຕໍ່ລະຫວ່າງບັນດາຫົວໜ່ວຍ ຂອງສອງກະຊວງໃນໄລຍະຈະມາເຖິງ ເພື່ອເພີ່ມປະສິດທິຜົນໃນການແກ້ໄຂບັນຫາສິ່ງກີດຂວາງໃນດ້ານການຄ້າ. ກະຊວງການຕ່າງປະເທດຈະຄົ້ນຄວ້າການສ້າງແຜນຮ່າງສັງລວມການຮ່ວມມືດ້ານເສດຖະກິດກັບຈີນ.

ກະຊວງການຕ່າງປະເທດຈະເຮັດວຽກຮ່ວມກັບຝ່າຍຈີນ ເພື່ອແກ້ໄຂບັນຫາສິ່ງກີດຂວາງໃນການປ່ຽນແປງນະໂຍບາຍການຄ້າຊາຍແດນ, ສ້າງກົນໄກທີ່ສະດວກສໍາລັບຜະລິດຕະພັນກະເສດຂອງຫວຽດນາມ.

ກວ່າ 41 ຕື້ ໂດລາສະຫະລັດ ແມ່ນຕົວເລກທີ່ເຕັມໄປດ້ວຍຫນ້າປະທັບໃຈກ່ຽວກັບວົງເງິນສົ່ງອອກຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳ ຂອງຫວຽດນາມ ໃນປີ 2020. ເປັນຫນ້າສົນໃຈ ນັ້ນແມ່ນມູນຄ່າການສົ່ງອອກເຂົ້າສານເຕີບໂຕຢ່າງແຮງ, ຄາດວ່າ ບັນລຸກວ່າ 3 ຕື້ ໂດລາສະຫະລັດ. ພິເສດ ລາຄາເຂົ້າສານເພີ່ມຂຶ້ນຢ່າງຕໍ່ເນື່ອງ ສ້າງຂີດໝາຍການເຕີບໂຕຢ່າງແຮງໃນປະຫວັດສາດປະມານ 1 ທົດສະຫວັດຂອງສິນຄ້າປະເພດນີ້. ໝາກລີ້ນຈີ່ສົດ ສົ່ງອອກໄປຍັງ ຍີ່ປຸ່ນ ຢ່າງເປັນທາງການຄັ້ງທຳອິດ; ໝາກເງາະ ກໍ່ໄດ້ສົ່ງໄປຂາຍຢູ່ ໄຕ້ຫວັນ (ຈີນ); ກຸ້ງ ແລະ ປາຈາສົ່ງອອກໄປຍັງ ບຣາຊີນ... ອຸດສາຫະກຳປຸງແຕ່ງຜະລິດຕະພັນກະເສດດຶງດູດວິສາຫະກິດຫລາຍແຫ່ງລົງທຶນເຂົ້າກະສິກຳ ໂດຍມີໂຮງຈັກໂຮງງານ 18 ແຫ່ງ ດ້ວຍມູນຄ່ານັບຕື້ ໂດລາສະຫະລັດ ເຊິ່ງໄດ້ລົງທຶນຢູ່ທຸກແຖບຖິ່ນຂອງປະເທດຊາດ.