| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໂອ້ລົມທາງໂທລະສັບກັບທ່ານນາຍົກລັດຖະມົນຕີ ສິງກະໂປ ຫຼີຊຽນຫຼົງ | |
| ຫວຽດນາມ - ສິງກະໂປ ຊຸກຍູ້ການຮ່ວມມືໃນການປ້ອງກັນ ແລະ ຕ້ານອາດຊະຍາກຳທາງອິນເຕີເນັດ |
ວັນທີ 14 ກັນຍາ, ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ຫງວຽນມິນວູ ໄດ້ມີການໂອ້ລົມເຈລະຈາທາງອອນໄລ ກັບທ່ານ Chee Wee Kiong ເລຂາຄະນະປະຈຳກະຊວງການຕ່າງປະເທດສິງກະໂປ ເພື່ອແລກປ່ຽນປະສົບການກ່ຽວກັບມາດຕະການຮັບມື ກັບການແຜ່ລະບາດຂອງພະຍາດໂຄວິດ -19 ແລະ ການຟື້ນຟູເສດຖະກິດ.
ທີ່ການໂອ້ລົມເຈລະຈາ, ທ່ານຮອງນາຍົກລັດຖະມົນຕີ ຫງວຽນມິນວູ ໄດ້ສະແດງຄວາມຂອບໃຈອີກເທື່ອໜຶ່ງຕໍ່ສິງກະໂປ ທີ່ໄດ້ໃຫ້ການສະໜັບສະໜູນຫວຽດນາມ, ໂດຍສະເພາະ ແມ່ນການໜູນຊ່ວຍອຸປະກອນການແພດທີ່ຈຳເປັນຢ່າງທັນການ ເພື່ອຕໍ່ສູ້ກັບການລະບາດຂອງພະຍາດ COVID-19. ທ່ານຮອງລັດຖະມົນຕີ ປາດຖະໜາຢາກໃຫ້ສິງກະໂປ ໜູນຊ່ວຍ ຫຼື ໂອນກຳມະສິດວັກຊີນໃຫ້ຫວຽດນາມໂດຍໄວທີ່ສຸດເທົ່າທີ່ຈະໄວໄດ້.
 |
| ຫວຽດນາມ ແລະ ສິງກະໂປ ເພີ່ມທະວີການຮ່ວມມືຕ້ານພະຍາດໂຄວິດ -19. ພາບ: ກະຊວງການຕ່າງປະເທດຫວຽດນາມ |
ທັງສອງຝ່າຍ ໄດ້ປຶກສາຫາລືກ່ຽວກັບບັນດາບົດຮຽນ ເພື່ອຄວບຄຸມການລະບາດຂອງພະຍາດໄດ້ໂດຍໄວ, ມຸ່ງໄປເຖິງການຟື້ນຟູເສດຖະກິດ ແລະ ນຳປະເທດຊາດເຂົ້າສູ່ “ໄລຍະປົກກະຕິໃໝ່”. ທ່ານເລຂາຄະນະປະຈຳກະຊວງການຕ່າງປະເທດສິງກະໂປ Chee Wee Kiong ໄດ້ເນັ້ນໜັກເຖິງ ຄວາມສໍາຄັນຂອງການພົວພັນທີ່ມີຄວາມໄວ້ເນື້ອເຊື່ອໃຈ ແລະ ຄວາມສໍາພັນອັນໃກ້ຊິດລະຫວ່າງສອງກະຊວງຕ່າງປະເທດ ເພື່ອຊຸກຍູ້ການພົວພັນຄູ່ຮ່ວມມືຍຸດທະສາດສິງກະໂປ-ຫວຽດນາມໃນຫຼາຍຂົງເຂດ, ໃນນັ້ນມີການຮັບມືກັບໂລກລະບາດ, ຊຸກຍູ້ການເປີດປະຕູເສດຖະກິດ ແລະ ຮັບປະກັນຕ່ອງໂສ້ການສະໜອງ. ທ່ານເລຂາຄະນະປະຈຳກະຊວງການຕ່າງປະເທດສິງກະໂປ Chee Wee Kiong ເຊື່ອໝັ້ນວ່າ ຫວຽດນາມຈະສາມາດຄວບຄຸມໂລກລະບາດ ໂຄວິດ -19 ໂດຍໄວ ເພື່ອໃຫ້ສອງຝ່າຍ ສາມາດເປີດປະຕູໂດຍໄວ, ສ້າງເງື່ອນໄຂສະດວກໃຫ້ພົນລະເມືອງຂອງສອງປະເທດໄປມາຫາສູ່ກັນໄດ້.
ຄຳຮຸ່ງ
