| ມອບຂອງຂວັນວັນບຸນໄຫວ້ພະຈັນໃຫ້ແກ່ເດັກກຳພ້າ, ເດັກພິການ ແລະ ເດັກນ້ອຍ ຢູ່ ເຂດຊາຍແດນແຂວງເງ້ອານ | |
| ເດັກນ້ອຍ ອາຍຸຕ່ຳກວ່າ 6 ປີ, ໂດຍສານລົດເມສອງຊັ້ນ ເລາະຕົວເມືອງ ຮ່າໂນ້ຍ ເດືອນທຳອິດໂດຍບໍ່ໄດ້ເສຍຄ່າ |
ຫວ່າງແລ້ວນີ້, ຢູ່ຮ່າໂນ້ຍ, ອົງການຊ່ວຍເຫຼືອເດັກ ສົມທົບກັບ ສູນຊ່ວຍເສີມຄຸນຄ່າທ້ອງຖິ່ນ ແລະ ສິ່ງແວດລ້ອມແບບຍືນຍົງ (CHIASE) ແລະ ສະມາຄົມອຸປະຖຳເດັກນ້ອຍນະຄອນໂຮ່ຈີມິນ (HCWA) ໄດ້ຈັດຕັ້ງພິທີເປີດໂຄງການ “ໜູນຊ່ວຍຊາວໜຸ່ມ ແລະ ເດັກນ້ອຍ ໃນການຮັບມືກັບພະຍາດໂຄວິດ-19”.
 |
| ທ່ານນາງ ເລທິແທງເຮືອງ, ຫົວໜ້າຜູ້ຕາງໜ້າອົງການຊ່ວຍເຫຼືອເດັກ ປະຈຳ ຫວຽດນາມ. ພາບ: thoidai.com.vn |
ກ່າວຄຳເຫັນທີ່ພິທີ, ທ່ານນາງ Kristina Bünde, ຫົວໜ້າພາກສ່ວນຮ່ວມມື ຕາງໜ້າຄະນະຜູ້ແທນສະຫະພາບ ເອີລົບ ປະຈຳ ຫວຽດນາມ ຖືວ່າ ການເພີ່ມທະວີການເຊື່ອມໂຍງເສດຖະກິດ - ສັງຄົມຂອງເດັກແມ່ນສິ່ງຈຳເປັນເພື່ອແກ້ໄຂຄວາມທຸກຍາກ ແລະ ດ້ອຍໂອກາດໃນທຸກລຸ້ນຄົນ. ພວກຂ້າພະເຈົ້າຫວັງວ່າໂຄງການຈະປະກອບສ່ວນໜູນຊ່ວຍການຜັນຂະຫຍາຍໂຄງການດຳເນີນງານແຫ່ງຊາດ ເພື່ອເດັກນ້ອຍ ໄລຍະ 2021-2030 ຂອງຫວຽດນາມ, ກໍ່ຄືປະຕິບັດບັນດາຂໍ້ສະເໜີແນະຫວ່າງມໍ່ໆມານີ້ຂອງຄະນະກຳມະການສິດທິເດັກ ນ້ອຍ ສະຫະປະຊາຊາດ ກ່ຽວກັບການດູແລເດັກທີ່ພໍ່ແມ່ເສຍຊີວິດ ຍ້ອນພະຍາດໂຄວິດ-19”.
ທ່ານນາງ ເລທິແທງເຮືອງ, ຫົວໜ້າຜູ້ຕາງໜ້າອົງການຊ່ວຍເຫຼືອເດັກ ປະຈຳ ຫວຽດນາມ ໃຫ້ຮູ້ວ່າ: ຈະສົມທົບກັນຢ່າງແໜ້ນແຟ້ນກັບ 2 ອົງການຄູ່ຮ່ວມມື ແລະ ບັນດາຝ່າຍທີ່ກ່ຽວຂ້ອງໃນໄລຍະຜັນຂະຫຍາຍໂຄງການ, ປະກອບສ່ວນຍົກສູງຄຸນນະພາບການບໍລິການອຸປະຖໍາສັງຄົມ ກໍ່ຄືແກ້ໄຂຄວາມຕ້ອງການ ວຽກເຮັດງານທຳຂອງໄວໜຸ່ມໃນສະພາບການພະຍາດໂຄວິດ-19 ເວົ້າສະເພາະ ແລະ ໃນໄລຍະວິກິດການເວົ້າລວມ, ເພື່ອຮັບປະກັນບໍ່ໃຫ້ຜູ້ໃດຖືກປະຢູ່ເບື້ອງຫຼັງ.
ບູນມີ
