 |
| ສະຖານທູດຣັດເຊຍມອບອຸປະກອນການແພດ ແລະເຄື່ອງໃຊ້ທີ່ຈຳເປັນໃຫ້ກັບບັນດາແຂວງພາກໃຕ້ |
ນີ້ແມ່ນກິດຈະກຳໜຶ່ງໃນໂຄງການ “ຂອງຂວັນນັບລ້ານພູດເພື່ອແບ່ງປັນຄວາມຮັກ” ເພື່ອຊ່ວຍປະຊາຊົນຢູ່ນະຄອນໂຮ່ຈີມິນ ແລະບັນດາແຂວງພາກໃຕ້ຜ່ານຜ່າການລະບາດຂອງພະຍາດ COVID-19.
ສູນກາງສະຫະພັນແມ່ຍິງຫວຽດນາມໄດ້ຮັບຂອງຂວັນ 5 ແກັດຈາກສະຖານທູດຣັດເຊຍ, ລວມມີ ຜ້າອັດປາກການແພດ HM9, ຊຸດເຄື່ອງນຸ່ງປ້ອງກັນພະຍາດ, ຜ້າອ້ອມສຳເລັດຮູບສຳລັບເດັກນ້ອຍ...
ໂດຍໄດ້ຮູ້ວ່າ ພາຍຫຼັງສະຫະພັນແມ່ຍິງຫວຽດນາມໄດ້ສົ່ງຈົດໝາຍຮຽກຮ້ອງໃຫ້ຄູ່ຮ່ວມງານພາຍໃນ ແລະຕ່າງປະເທດສະໜັບສະໜູນໂຄງການ “ຂອງຂວັນຫຼາຍລ້ານພູດເພື່ອແບ່ງປັນຄວາມຮັກ”, ສະຖານທູດຣັດເຊຍໄດ້ບໍລິຈາກເຄື່ອງໃຊ້ທີ່ຈໍາເປັນໃຫ້ກັບບັນດາແຂວງຂອງຫວຽດນາມທີ່ໄດ້ຮັບຜົນກະທົບຈາກ COVID-19.
ທ່ານນາງ ຫງວຽນທິ້ຮວ່າຍລິງ ສະແດງຄວາມເຄົາລົບນັບຖື ແລະຮູ້ບຸນຄຸນຕໍ່ການຊ່ວຍເຫຼືອອັນຈິງໃຈຂອງເພື່ອນມິດລັດເຊຍ ທີ່ສະຫງວນໃຫ້ແກ່ປະຊາຊົນ ແລະແມ່ຍິງຫວຽດນາມ. ສະຫະພັນແມ່ຍິງຫວຽດນາມຈະສົ່ງຂອງຂວັນເຫຼົ່ານີ້ໃຫ້ປະຊາຊົນ, ສະມາຊິກ, ແມ່ຍິງ ແລະເດັກນ້ອຍທີ່ປະສົບກັບຄວາມຫຍຸ້ງຍາກເນື່ອງຈາກການລະບາດຂອງພະຍາດ COVID-19.
ໃນການປ້ອງກັນການລະບາດຂອງພະຍາດ COVID-19, ໃນເດືອນມີນາ 2021, ຣັດເຊຍໄດ້ມອບວັກຊີນ Sputnik V 1.000 ໂດສ ໃຫ້ຫວຽດນາມ ແລະຕົກລົງທີ່ຈະສະໜອງວັກຊິນ 20 ລ້ານໂດສ ໃຫ້ຫວຽດນາມ ໃນປີ 2021.
ໄຊພອນ
