| ກະຊວງສາທາລະນະສຸກຫວຽດນາມ ຮຽກຮ້ອງໃຫ້ 5 ທ້ອງຖິ່ນປະຕິບັດສຳເລັດການສັກວັກຊິນກັນໂຄວິດ - 19 ເຂັມທີ 1 ກ່ອນວັນທີ 15 ກັນຍາ | |
| ປົກປ້ອງສິດຜົນປະໂຫຍດຂອງແຮງງານຫວຽດນາມໃນໄລຍະໂລກລະບາດ |
ທ່ານປະທານປະເທດ ຫງວຽນຊວນຟຸກ ໄດ້ສະແດງຄວາມຂອບໃຈ ທ່ານປະທານາທິບໍດີອິນເດຍທີ່ໄດ້ສົ່ງຄຳ ອວຍພອນອັນປະເສີດເນື່ອງໃນໂອກາດສະເຫຼີມສະຫຼອງ 76 ປີແຫ່ງວັນຊາດຫວຽດນາມ, ສະແດງຄວາມຂອບໃຈມາຍັງລັດຖະບານອິນເດຍ ທີ່ໄດ້ໜູນຊ່ວຍເຄື່ອງຜະລິດອົກຊີແຊນ ແລະອຸປະກອນການແພດໃຫ້ຫວຽດນາມ. ທ່ານ ຫງວຽນຊວນຟຸກ ປາດຖະໜາຢາກໃຫ້ທ່ານ Pranay Verma ຊຸກຍູ້ລັດຖະບານອິນເດຍ ໃຫ້ຫວຽດນາມ ຢືມວັກຊິນກັນພະຍາດໂຄວິດ-19 ຈໍານວນ 10 ລ້ານ ໂດສໂດຍດ່ວນໃນໄລຍະຈະມາເຖິງ, ພ້ອມທັງສະໜອງຢາປິ່ນປົວໂຄວິດ-19 ກໍຄືວັດຖຸອຸປະກອນການແພດໃຫ້ແກ່ຫວຽດນາມ.
 |
| ທ່ານປະທານປະເທດຫວຽດນາມ ຫງວຽນຊວນຟຸກ ແລະ ທ່ານເອກອັກຄະລັດຖະທູດອິນເດຍ ປະຈຳ ຫວຽດນາມ Pranay Verma. ພາບ: TTXVN |
ທ່ານປະທານປະເທດໄດ້ສະເໜີສະຖານທູດເອົາໃຈໃສ່ຊຸກຍູ້ການຮ່ວມມືລະຫວ່າງສອງປະເທດ. ສອງຝ່າຍຕ້ອງຮ່ວມມືກັນຈັດກິດຈະກໍາທີ່ມີຄວາມໝາຍ, ແທດຈິງເພື່ອສະເຫຼີມສະຫຼອງວັນຄົບຮອບ 50 ປີແຫ່ງການສ້າງຕັ້ງສາຍພົວພັນການທູດ; ຊຸກຍູ້ການຈັດຕັ້ງປະຕິບັດໂຄງການການຜັນຂະຫຍາຍສາຍພົວພັນຄູ່ຮ່ວມຍຸດທະສາດຮອບດ້ານ ສຳລັບໄລຍະ 2021-2023 ຢ່າງຕັ້ງໜ້າ ເພື່ອຫັນເນື້ອໃນການຮ່ວມມືທີ່ທັງສອງຝ່າຍໄດ້ຕົກລົງເປັນເອກະພາບ ໃຫ້ປະກົດຜົນເປັນຈິງ.
ທ່ານປະທານປະເທດ ສະເໜີໃຫ້ຊຸກຍູ້ການຮ່ວມມືດ້ານປ້ອງກັນຊາດ-ປ້ອງກັນຄວາມສະຫງົບລະຫວ່າງສອງປະເທດ; ສະເໜີອິນເດຍເປີດປະຕູໃຫ້ສິນຄ້າຫວຽດນາມ. ທັງສອງຝ່າຍຕ້ອງມີແຜນການເພື່ອເພີ່ມທະວີການແລກປ່ຽນປະຊາຊົນ, ວັດທະນະທໍາ ແລະການທ່ອງທ່ຽວ, ຮັບກະແສຟອງການຟື້ນຕົວຄືນໃນໄລຍະຫຼັງໂຄວິດ -19; ເຊື່ອມຕໍ່ເປີດຖ້ຽວບິນໂດຍກົງລະຫວ່າງບັນດານະຄອນໃຫຍ່ຂອງສອງປະເທດຄືນໃໝ່ ໂດຍໄວເມື່ອເງື່ອນໄຂໃຫ້ອະນຸຍາດ.
ທ່ານ ຫງວຽນຊວນຟຸກ ເນັ້ນໜັກວ່າ ຫວຽດນາມຕີລາຄາສູງຕໍ່ບົດບາດ, ທັດສະນະສໍາຄັນຂອງອິນເດຍ, ໂດຍສະເພາະແມ່ນບັນຫາທະເລຕາເວັນອອກ, ພ້ອມທັງປາດຖະໜາວ່າ ສອງຝ່າຍຈະສືບຕໍ່ສົມທົບກັນຢ່າງແໜ້ນແຟ້ນ, ສະໜັບສະໜູນເຊິ່ງກັນແລະກັນຢູ່ເວທີປາໄສຫຼາຍຝ່າຍ, ໃນອາຊຽນ; ສະພາຄວາມໝັ້ນຄົງ ສປຊ ໃນຂະນະທີ່ສອງປະເທດລ້ວນແຕ່ເປັນສະມາຊິກບໍ່ຖາວອນ.
ສ່ວນທ່ານເອກອັກຄະລັດຖະທູດ Pranay Verma ໄດ້ສະແດງຄວາມເຫັນດີເຫັນພ້ອມກັບທ່ານປະທານປະເທດ ຫງວຽນຊວນຟຸກ ກ່ຽວກັບຫຼາຍເນື້ອໃນຊຸກຍູ້ການຮ່ວມມືລະຫວ່າງສອງປະເທດ.
ທ່ານເອກອັກຄະລັດຖະທູດອິນເດຍ ສະເໜີໃຫ້ລັດຖະບານຫວຽດນາມສືບຕໍ່ສ້າງເງື່ອນໄຂສະດວກໃຫ້ບັນດາວິສາຫະກິດນໍ້າມັນອາຍແກັດຂອງສອງຝ່າຍສາມາດຕໍ່ກຳນົດເວລາບັນດາໂຄງການຮ່ວມມື.
ທ່ານເອກອັກຄະລັດຖະທູດ Pranay Verma ຢືນຢັນວ່າ ຈະມານະພະຍາຍາມໜູນຊ່ວຍຫວຽດນາມໃນການຟື້ນຟູ ແລະປົກປັກຮັກສາມໍລະດົກວັດທະນະທໍາໂລກ ໝີເຊີນ ແລະ ຄາດວ່າຈະປະຕິບັດສໍາເລັດໃນຕົ້ນປີໜ້າ.
ທ່ານເອກອັກຄະລັດຖະທູດ Pranay Verma ໃຫ້ຮູ້ວ່າ ອິນເດຍຍາມໃດກໍ່ມານະພະຍາຍາມຈົນສຸດຄວາມສາມາດຂອງຕົນເພື່ອໜູນຊ່ວຍຫວຽດນາມໃນການຕໍ່ສູ້ກັບໂລກລະບາດ ໂຄວິດ -19. ບັນດາບໍລິສັດການຢາຂອງອິນເດຍໄດ້ສະໜອງຢາເພື່ອປິ່ນປົວ ໂຄວິດ -19 ໃຫ້ແກ່ຫວຽດນາມ. ອິນເດຍກໍ່ເພີ່ມກຳລັງການຜະລິດວັກຊີນພາຍໃນປະເທດເພື່ອໜູນຊ່ວຍບັນດາຄູ່ຮ່ວມມື, ໃນນັ້ນມີຫວຽດນາມ.
ໄຊພອນ
