| ປີໃໝ່ Chöl Nam Thmay ມີຄວາມອົບອຸ່ນ, ປຸ້ມລຸມກັນຢູ່ສະຖານທູດລາຊະອານາຈັກກຳປູເຈຍ ປະຈຳຫວຽດນາມ | |
| ພິທີປຸກລະດົມການສອບເສັງຊອກຫາວິທີການຫັນເປັນດີຈີຕອນຫວຽດນາມ VIET SOLUTIONS 2020 |
 |
| ພາບປະກອບ |
ເນື່ອງຈາກຜົນກະທົບຈາກການລະບາດຂອງພະຍາດ ໂຄວິດ -19, ສະພາບແຮງງານຫວຽດນາມຢູ່ມາເລເຊຍບໍ່ມີວຽກເຮັດງານທໍາ ແລະການຫວ່າງງານໄດ້ເກີດຂຶ້ນເປັນວົງກວ້າງ, ຊີວິດການເປັນຢູ່ຂອງແຮງງານຫວຽດນາມຢູ່ມາເລເຊຍປະສົບກັບຄວາມຫຍຸ້ງຍາກຫຼາຍຢ່າງ. ຕໍ່ກັບສະພາບການນັ້ນ, ກົມຄຸ້ມຄອງແຮງງານຕ່າງປະເທດ (Dolab; ກະຊວງແຮງງານ, ທະຫານເສຍອົງຄະ ແລະສັງຄົມ) ໄດ້ສະເໜີ ໃຫ້ບັນດາວິສາຫະກິດຈັດຫາງານແຮງງານຫວຽດນາມໄປຕ່າງປະເທດ ເພີ່ມທະວີການຄຸ້ມຄອງ ແລະປົກປ້ອງສິດ, ຜົນປະໂຫຍດອັນຊອບທຳຕາມກົດໝາຍຂອງແຮງງານຫວຽດນາມຢູ່ມາເລເຊຍ.
ນອກຈາກສະຖິຕິ, ການລາຍງານສະພາບການວຽກເຮັດງານທໍາຂອງແຮງງານທີ່ເຮັດວຽກຢູ່ໃນວິສາຫະກິດມາເລເຊຍ, Dolab ສະເໜີບັນດາວິສາຫະກິດປະຕິບັດລະບຽບການທີ່ຈໍາເປັນ, ແຊກເຂົ້າເພື່ອໃຫ້ແຮງງານສາມາດໄດ້ຮັບບັນດານະໂຍບາຍໜູນຊ່ວຍຂອງປະເທດມາເລເຊຍ; ໜູນຊ່ວຍບ່ອນພັກສໍາລັບກັບແຮງງານທີ່ໝົດອາຍຸສັນຍາແຮງງານແລ້ວ ແຕ່ບໍ່ສາມາດກັບຄືນປະເທດໄດ້.
Dolab ຍັງແຈ້ງໃຫ້ແຮງງານຫວຽດນາມຢູ່ມາເລເຊຍຮູ້ວ່າ ເມື່ອເຂົາເຈົ້າຕ້ອງການການຊ່ວຍເຫຼືອ, ກະລຸນາໂທຫາໝາຍເລກໂທລະສັບໜູນຊ່ວຍພົນລະເມືອງ, ແຮງງານຂອງສະຖານທູດຫວຽດນາມປະຈໍາມາເລເຊຍ (01136682866 ແລະ 01123740453) ຫຼື ເຂົ້າໄປທີ່ເວັບໄຊ໌ທາງການຂອງສະຖານທູດຫວຽດນາມປະຈໍາມາເລເຊຍທີ່: https:/ /vnembassy-kualalumpur.mofa.gov.vn ເພື່ອຫາຂໍ້ມູນກ່ຽວກັບລະບຽບການກົງສູນ, ການເຂົ້າ - ອອກເມືອງ, ການປົກປ້ອງພົນລະເມືອງ, ບັນດາຖ້ຽວບິນກູ້ໄພ...
ນອກຈາກແຮງງານແລ້ວ ກໍ່ຍັງສາມາດເຂົ້າໃນ ໂປແກມ WFW (ເຮັດວຽກສໍາລັບແຮງງານ) ເພື່ອສ່ອງແສງ ແລະຮ້ອງຮຽນໂດຍກົງຫາກະຊວງແຫຼ່ງຊັບພະຍາກອນມະນຸດຂອງມາເລເຊຍ ກ່ຽວກັບບັນຫາທີ່ກ່ຽວຂ້ອງກັບແຮງງານຢູ່ວິສາຫະກິດ ແລະໂປແກມ MySejahtera ເພື່ອຮັບໃຊ້ການຄຸ້ມຄອງການລະບາດຂອງພະຍາດໂຄວິດ -19, ໂດຍສະເພາະແມ່ນ ເພື່ອໃຫ້ຄົນງານລົງທະບຽນສໍາລັບການສັກວັກຊີນ ແລະຕິດຕາມສຸຂະພາບຕາມທີ່ລັດຖະບານມາເລເຊຍກໍານົດໄວ້.
ຕາມຕົດເລກສະຖິຕິແລ້ວ, ປັດຈຸບັນ ຫວຽດນາມ ມີ ແຮງງານ ປະມານ 650.000 ຄົນທີ່ພວມເຮັດວຽກຢູ່ ກ່ວາ 40 ປະເທດ ແລະ ເຂດແຄ້ວນ ໃນ 30 ໝວດຂົງເຂດ ແລະ ອາຊີບທີ່ແຕກຕ່າງກັນ, ແຮງງານເຕົ້າໂຮມຫຼາຍທີ່ສຸດແມ່ນຢູ່ ຕະຫຼາດ ຍີ່ປຸ່ນ, ໄຕຫວັນ (ຈີນ) ແລະ ສ.ເກົາຫຼີ.
ໄຊພອນ
