ຫວຽດນາມ ແລະ ຈີນ ສາມາດກວດສອບກ່ຽວກັບການຄວບຄຸມພະຍາດຮ່ວມກັນ

	ເປີດຕະຫຼາດນັດສິນຄ້າຈີນ - ອາຊີໃຕ້ ປີ 2021
	ອົງການກວດກາລັດຖະບານ ແລະ ອົງການກວດສອບແຫ່ງລັດທົບທວນຄືນວຽກງານ 2018

ໃນຕອນເຊົ້າຂອງວັນທີ 30 ສິງຫາ 2021, ອົງການກວດສອບແຫ່ງລັດຫວຽດນາມ (SAV) ແລະອົງການກວດສອບແຫ່ງລັດຈີນ ໄດ້ຈັດກອງປະຊຸມເຈລະຈາຂັ້ນສູງທາງໄກ ເພື່ອທະວີການຮ່ວມມືລະຫວ່າງສອງອົງການ. ທ່ານປະທານອົງການກວດສອບແຫ່ງລັດຫວຽດນາມ ເຈີນສິແທັງ ແລະ ທ່ານປະທານອົງການກວດສອບແຫ່ງລັດຈີນ Hou Kai ເປັນປະທານກອງປະຊຸມ.

ທີ່ການພົບປະເຈລະຈາ, ທັງສອງຝ່າຍໄດ້ປຶກສາຫາລື ແລະ ເຫັນດີເປັນເອກະພາບ, ສືບຕໍ່ຍູ້ແຮງສາຍພົວພັນຮ່ວມມືສອງຝ່າຍລະຫວ່າງສອງອົງການ ໂດຍຜ່ານກິດຈະກໍາດັ່ງຕໍ່ໄປນີ້: ເພີ່ມທະວີການແລກປ່ຽນຄະນະຜູ້ແທນຂັ້ນການນຳຂອງອົງການກວດສອບແຫ່ງລັດ ແລະ ຂັ້ນກົມ, ເພື່ອແລກປ່ຽນປະສົບການໃນການກວດສອບສາທາລະນະ, ບັນດາຫົວຂໍ້ທີ່ສອງຝ່າຍມີຄວາມສົນໃຈລວມ ໂດຍຜ່ານຮູບແບບທີ່ເໝາະສົມ.

ຫວຽດນາມ ແລະ ຈີນ ສາມາດກວດສອບກ່ຽວກັບການຄວບຄຸມພະຍາດຮ່ວມກັນ.

ຂະແໜງການກວດສອບຂອງຫວຽດນາມ ແລະ ຈີນສາມາດດໍາເນີນການກວດສອບຄຽງຄູ່ກັນ ຫຼື ຮ່ວມກັນໃນຫົວຂໍ້ທີ່ກ່ຽວຂ້ອງກັບການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ, ໂດຍສະເພາະແມ່ນໃນບັນຫາປົກປັກຮັກສາສິ່ງແວດລ້ອມ ແລະ ການຄວບຄຸມພະຍາດ.

ຄົ້ນຄວ້າບັນດາຫົວຂໍ້ຂອງການກວດສອບຮ່ວມກັນ ທີ່ທັງສອງຝ່າຍສາມາດດໍາເນີນພາຍໃຕ້ຮູບແບບຂອງການກວດສອບແບບຄຽງຄູ່ກັນ ຫຼື ການກວດສອບຮ່ວມກັນ ໃນຫົວຂໍ້ຕ່າງໆທີ່ກ່ຽວຂ້ອງກັບການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ, ໂດຍສະເພາະແມ່ນບັນຫາການປົກປັກຮັກສາສິ່ງແວດລ້ອມ ແລະ ການຄວບຄຸມພະຍາດ ເຊິ່ງແມ່ນຫົວຂໍ້ທີ່ສອງຝ່າຍມີຄວາມສົນໃຈລວມ. ສອງຝ່າຍເປັນເອກະພາບຈັດການໂອ້ລົມເຈລະຈາທາງໄກຮ່ວມກັນ ໃນຫົວຂໍ້ "ຂໍ້ມູນໃຫຍ່ໃນການກວດສອບສາທາລະນະ" ໃນເດືອນຕຸລາ 2021.

ສອງຝ່າຍເຫັນດີສືບຕໍ່ສະໜັບສະໜູນເຊິ່ງກັນ ແລະ ກັນໃນເວທີປາໄສຫຼາຍຝ່າຍຂອງ ASOSAI ແລະອົງການຈັດຕັ້ງສາກົນຂອງບັນດາອົງການກວດສອບສູງສຸດ (INTOSAI) ເພື່ອເພີ່ມມູນຄ່າ ແລະ ຜົນປະໂຫຍດຂອງແຕ່ລະຝ່າຍ ແລະ ຂອງອົງການຈັດຕັ້ງທີ່ກ່ຽວຂ້ອງເວົ້ົ້າລວມ. ສອງຝ່າຍສົມທົບກັນຢ່າງແໜ້ນແຟ້ນ ເພື່ອຈັດຕັ້ງ ແລະ ດໍາເນີນກອງປະຊຸມໃຫຍ່ ASOSAI ຄັ້ງທີ 15 ໃຫ້ປະສົບຜົນສໍາເລັດ, ພ້ອມທັງກອງປະຊຸມສະພາບໍລິຫານ ASOSAI ຄັ້ງທີ 56 ທີ່ຈະມາເຖິງ...

ສອງຝ່າຍເຫັນດີພິຈາລະນາຕີລາຄາສັນຍາການຮ່ວມມືລະຫວ່າງສອງຝ່າຍ ເພື່ອມຸ່ງໄປສູ່ການປັບປຸງເພີ່ມເຕີມ ແລະ ເຊັນສັນຍາການຮ່ວມມືຄືນໃໝ່ ໃຫ້ເໝາະສົມກັບສະພາບການພັດທະນາໃໝ່ຂອງສອງປະເທດ ແລະ ສອງອົງການ.