| ເປີດຕະຫຼາດນັດສິນຄ້າຈີນ - ອາຊີໃຕ້ ປີ 2021 | |
| ແກ້ໄຂສິ່ງກີດຂວາງໃນດ້ານການຄ້າຜະລິດຕະພັນກະເສດລະຫວ່າງຫວຽດນາມ ແລະຈີນ |
 |
| ພາບປະກອບ: TTXVN |
ວິທີການນີ້ໄດ້ຮັບການປະຕິບັດໃນໄລຍະໂລກລະບາດໂຄວິດ - 19 ມີການຜັນແປຢ່າງສັບສົນຄືໃນປັດຈຸບັນ ເພື່ອແນໃສ່ຮັບປະກັນການຮັກສາການເຄື່ອນໄຫວນຳສົ່ງສິນຄ້າຜ່ານດ່ານ.
ໃນກໍລະນີສະພາບໂລກລະບາດໂຄວິດ - 19 ໄດ້ຮັບການຄວບຄຸມ, ບັນດາອົງການທີ່ມີໜ້າທີ່ຮັບຜິດຊອບ ຈະແລກປ່ຽນກັບຝ່າຍຈີນ ເພື່ອຟື້ນຟູການເຄື່ອນໄຫວນຳສົ່ງສິນຄ້ານຳເຂົ້າສົ່ງອອກຜ່ານດ່ານຄືເມື່ອກ່ອນ.
ໄປສະນີແຂວງໄດ້ສົມທົບກັບຄູ່ຮ່ວມມືຝ່າຍຈີນ, ເປັນເຈົ້າການໃນການສົມທົບກັບບັນດາໜ່ວຍປະກັນໄພ, ໂຄສະນາ, ສະໜອງບັນດາການບໍລິການປະກັນໄພຕາມຂໍ້ກຳນົດໃຫ້ແກ່ພາຫະນະຂອງ ຫວຽດນາມ ໃນວິວັດການຈະລາຈອນ, ການພົວພັນການຄ້າຝ່າຍຈີນ, ແກ້ໄຂບັນດາບັນຫາທີ່ເກີດຂຶ້ນແບບບັງເອີນຢ່າງທັນການ ເພື່ອຮັບປະກັນຜົນປະໂຫຍດຢ່າງຊອບທຳຂອງວິສາຫະກິດ, ເຈົ້າຂອງພາຫະນະ ຫວຽດນາມ.
ບັນດາຜະລິດຕະພັນປະກັນໄພໃໝ່ເໝາະສົມກັບຂໍ້ກຳນົດຂອງກົດໝາຍ ແລະ ສະພາບການຕົວຈິງຂອງການສົ່ງອອກນຳເຂົ້າສິນຄ້າຜ່ານບໍລິເວນແຂວງ ເພື່ອປົກປ້ອງສິດ ແລະ ຜົນປະໂຫຍດອັນຊອບທຳຂອງພົນລະເມືອງ ແລະ ຊັບສິນຂອ ພົນລະເມືອງ ຫວຽດນາມ ເມື່ອແລກປ່ຽນການຄ້າກັບບັນດາຄູ່ຮ່ວມມືຕ່າງປະເທດ.
ສະມາຄົມວິສາຫະກິດແຂວງ ໄດ້ສົ່ງເສີມບັນດາວິສາຫະກິດ, ພໍ່ຄ້າທີ່ມີກຳລັງຄວາມມາດ, ມີອິດທິພົນຊື່ສຽງ, ການພົວພັນກັບຄູ່ຮ່ວມມືກັບຈີນ ຢູ່ເຂດດ່ານຊາຍແດນ ເຕີນແທັງ ປະຕິບັດການໜູນຊ່ວຍ ຫຼື ສະໜອງການບໍລິການມອບສິດການຊື້ຂາຍ, ແລກປ່ຽນສິນຄ້າໃຫ້ແກ່ບັນດາວິສາຫະກິດ, ພໍ່ຄ້ານ້ອຍ.
ພາສີດ່ານຊາຍແດນ ເຕີນແທັງ ໄດ້ສົມທົບກັນເຜີຍແຜ່ໂຄສະນາ, ເປີດເຜີຍ, ປະກາດບັນຊີບັນດາໜ່ວຍພາສີອາກອນທີ່ມີລັກສະນະນິຕິກຳ, ກຳລັງຄວາມສາມາດ, ອິດທິພົນຊື່ສຽງຢ່າງຄົບຖ້ວນ ເພື່ອປະຕິບັດການສະໜອງການບໍລິການມອບສິດຊື້ສິນຄ້າກັບ ພໍ່ຄ້າຈີນ.
ເພື່ອວິທີການປະຕິບັດທົດລອງວິວັດການແລກປ່ຽນສິນຄ້າສົ່ງອອກນຳເຂົ້າ ຜ່ານເສັ້ນທາງສະເພາະຂົນສົ່ງສິນຄ້າຢູ່ເຂດຫຼັກໝາຍ 1088/2-1089 ມີຄວາມປອດໄພ, ປະສິດທິຜົນ, ຄະນະຄຸ້ມຄອງເຂດເສດຖະກິດດ່ານຊາຍແດນດົ່ງດັງ ລ້າງເຊີນ ແມ່ນອົງການປະຕິບັດວິທີການທົດລອງວິວັດການມອບຮັບສິນຄ້ານຳເຂົ້າສົ່ງອອກດັ່ງກ່າວ.
ຄະນະຄຸ້ມຄອງແຈ້ງຂໍ້ມູນ, ສົມທົບກັບອົງການທີ່ມີໜ້າທີ່ຮັບຜິດຊອບຝ່າຍ ຈີນ ຢ່າງທັນການເພື່ອແກ້ໄຂບັນດາເນື້ອໃນທີ່ເກີດຂຶ້ນໃໝ່ໃນວິວັດການຜັນຂະຫຍາຍການທົດລອງວິວັດການມອບຮັບສິນຄ້ານຳເຂົ້າສົ່ງອອກໃໝ່ນີ້, ຮັບປະກັນຖືກຕ້ອງຕາມຂໍ້ກຳນົດກ່ຽວກັບການພົວພັນການທູດ, ຮັບປະກັນສິດ ແລະ ຜົນປະໂຫຍດອັນຊອບທຳໃຫ້ແກ່ບັນດາຝ່າຍ, ລາຍງານ, ສະເໜີບັນດາບັນຫາທີ່ຢູ່ນອກເໜືອສິດອຳນາດຂອງຕົນ.
ກອງບັນຊາການທະຫານປ້ອງກັນຊາຍແດນແຂວງໄດ້ກຳນົດຂໍ້ມູນຢ່າງຖືກຕ້ອງ, ທັນການເພື່ອແລກປ່ຽນເຈລະຈາ ກັບຝ່າຍ ກວາງຊີ, ຈີນ ກ່ຽວກັບສະພາບການໂລກລະບາດໂຄວິດ - 19 ແລະ ມາດຕະການປ້ອງກັນ, ຕ້ານໂລກລະບາດຂອງແຂວງ ເພື່ອຝ່າຍເພື່ອນມີຄວາມອຸ່ນອ່ຽນໃຈໃນການເຄື່ອນໄຫວນຳເຂົ້າສົ່ງອອກສິນຄ້າ ລະຫວ່າງ ສອງຝ່າຍ.
ພາສີດ່ານຊາຍແດນ ເຕີນແທັງ ໄດ້ປະຕິບັດບັນດາຂໍ້ກຳນົດກ່ຽວກັບລະບຽບການ, ການກວດກາຢ່າງເຂັ້ມງວດ, ຕິດຕາມສຳລັບສິນຄ້າສົ່ງອອກ, ນຳເຂົ້າຮັບປະກັນຢ່າງເຄັ່ງຄັດ, ວ່ອງໄວ, ສ້າງເງື່ອນໄຂສະດວກໃຫ້ແກ່ການປະຕິບັດວິວັດການສົ່ງອອກສິນຄ້າໃໝ່.
ວິວັດການຂົນສົ່ງສິນຄ້າ ບັນດາໜ່ວຍຕ້ອງຮັບປະກັນບັນດາຂໍ້ກຳນົດກ່ຽວກັບການປ້ອງກັນ, ຕ້ານໂລກລະບາດໂຄວິດ - 19 ຂອງອົງການຄຸ້ມຄອງແຫ່ງລັດ ສອງຝ່າຍ. ໃນວິວັດການປະຕິບັດການນຳເຂົ້າສົ່ງອອກ ຕາມຂໍ້ກຳນົດໃໝ່, ຖ້າເກີດມີການຂັດແຍ້ງກັນລະຫວ່າງພໍ່ຄ້າສອງຝ່າຍ, ພໍ່ຄ້າຂອງ ຫວຽດນາມ ຕ້ອງເປັນເຈົ້າການໃນການສົມທົບກັບຄູ່ຮ່ວມມືຝ່າຍ ຈີນ ເພື່ອເປັນເອກະພາບວິທີການແກ້ໄຂຄວາມຂັດແຍ້ງກັນ.
ໃນກໍລະນີບໍ່ສາມາດຕົກລົງກັນໄດ້ຕ້ອງລາຍງານ, ສົມທົບກັບບັນດາອົງການຄຸ້ມຄອງແຫ່ງລັດແຂວງ ລ້າງເຊີນ ເພື່ອແກ້ໄຂ, ຫຼີກລ້ຽງກໍລະນີຫຼີກໜີຄວາມຮັບຜິດຊອບ, ບໍ່ສົມທົບກັນແກ້ໄຂ ກໍ່ຜົນກະທົບຕໍ່ອິດທິພົນຊື່ສຽງ ແລະ ພາບພົດຂອງພໍ່ຄ້າ ຫວຽດນາມ ກໍ່ຄືຂອງແຂວງລ້າງເຊີນ.
ບຸນຄົງ
