ທ່ານສະຖານກົງສຸນໃຫຍ່ ວູ້ຫງອກລິ ໄດ້ຕີລາຄາສູງການຮ່ວມມື ແລະ ຈິດໃຈການປັນຂອງຜູ້ມີໃຈສັດທາຫວຽດນາມຢູ່ໃນພື້ນທີ່, ໂດຍກ່າວວ່າ ການກະທຳທີ່ມີຄວາມໝາຍນີ້ ກໍ່ໄດ້ປະກອບສ່ວນຊ່ວຍໃຫ້ຊຸມຊົນຊາວຫວຽດນາມຢູ່ໃນປະເທດກໍາປູເຈຍ ຮູ້ສຶກອຸ່ນອຽນໃຈ, ມີຊີວິດທີ່ເປັນປົກກະຕິ ແລະ ບໍ່ຕ້ອງກັບຄືນບ້ານໃນຊ່ວງເວລານີ້.
 |
| ການແຈກຢາຍເຄື່ອງບັນເທົາທຸກໃຫ້ 67 ຄອບຄົວເຊື້ອສາຍຫວຽດນາມທີ່ປະສົບກັບຄວາມ ຫຍຸ້ງຍາກຢູ່ໃນແຂວງ Preah Sihanouk. |
ຕາມສະຖານກົງສຸນໃຫຍ່ແລ້ວ, ເນື່ອງຈາກການລະບາດຂອງພະຍາດໂຄວິດ -19 ທີ່ແກ່ຍາວ ເຮັດໃຫ້ບັນດາເຂດແຍກປ່ຽວທາງການແພດໃນປະເທດ, ໂດຍສະເພາະໃນເຂດຊາຍແດນ ໄດ້ຮັບຄວາມກົດດັນຫຼາຍ ແລະ ຄວາມສາມາດໃນການຮັບຄົນທີ່ຖືກກັກກັນແມ່ນມີຄວາມຫຍຸ້ງຍາກຫຼາຍ. ສະນັ້ນ, ສະຖານກົງສຸນໃຫຍ່ ຮຽກຮ້ອງໃຫ້ປະຊາຊົນ ຕ້ອງເອົາຊະນະຄວາມຫຍຸ້ງຍາກຊົ່ວຄາວນີ້ ແລະ ບໍ່ກັບຄືນບ້ານໃນຊ່ວງເວລານີ້, ເຖິງແມ່ນວ່າ ກໍາປູເຈຍໄດ້ຍົກເລີກຂໍ້ຕົກລົງວ່າດ້ວຍການຈໍາກັດຊົ່ວຄາວພົນລະເມືອງຫວຽດນາມ ເຂົ້າ -ອອກເມືອງ ຜ່ານຊາຍແດນກໍາປູເຈຍ -ຫວຽດນາມຕັ້ງແຕ່ວັນທີ 20 ສິງຫາ ແລ້ວ.
ທ່ານສະຖານກົງສຸນໃຫຍ່ເນັ້ນໜັກວ່າ ສຳລັບຜູ້ທີ່ອາໄສຢູ່ໃນແຂວງ Preah Sihanouk, Koh Kong, Kampot, Kep, Kampong Speu ແລະ Takeo, ຖ້າມີເຫດຜົນສຸດວິໄສຕ້ອງການກັບຄືນບ້ານ ແມ່ນຄວນຕິດຕໍ່ຫາສະຖານກົງສຸນໃຫຍ່ ເພື່ອລົງທະບຽນການເຂົ້າເມືອງ. ຜູ້ທີ່ມີສະຖານະການທາງດ້ານເສດຖະກິດທີ່ຫຍຸ້ງຍາກພິເສດ ແລະ ຕ້ອງການຄວາມຊ່ວຍເຫຼືອ ກໍ່ສາມາດຕິດຕໍ່ຫາສະຖານກົງສຸນໃຫຍ່ເພື່ອຈະໃຫ້ການຊ່ວຍເຫຼືອໄດ້ທັນເວລາ.
ຄຳຮຸ່ງ
