 |
| ທ່ານພົນໂທ ຮ່ວາງຊັວນຈຽນ, ຮອງລັດຖະມົນຕີກະຊວງປ້ອງກັນປະເທດ ຮັບວັກຊິນຊ່ວຍເຫຼືອຂອງກະຊວງປ້ອງກັນປະເທດ ຈີນ (ພາບ: baoquocte.vn) |
ທ່ານເອກອັກຄະລັດຖະທູດ ຊຸງປົວ ໃຫ້ຮູ້ວ່າ: ເພື່ອແນໃສ່ແບ່ງປັນ, ໜູນຊ່ວຍກອງທັບ ແລະ ປະຊາຊົນ ຫວຽດນາມ ເອົາຊະນະຕໍ່ໂລກລະບາດໂຄວິດ - 19, ກະຊວງປ້ອງກັນປະເທດ ຈີນ ໄດ້ຕັດສິນໃຈໜູນຊ່ວຍ ງວດວັກຊິນ ໂດຍຈີນຜະລິດ ນີ້ໃຫ້ກະຊວງປ້ອງກັນປະເທດ ຫວຽດນາມ. ທ່ານເອກອັກຄະລັດຖະທູດ ຢັ້ງຢືນວ່າ ນີ້ແມ່ນນ້ຳໃຈຂອງກອງທັບຈີນເວົ້າສະເພາະ ແລະ ລັດຖະບານຈີນເວົ້າລວມທີ່ສະຫງວນໃຫ້ແກ່ກອງທັບ ແລະ ປະຊາຊົນຫວຽດນາມ.
ໂດຍຕາງໜ້າກະຊວງປ້ອງກັນປະເທດ ຫວຽດນາມ, ທ່ານຮອງລັດຖະມົນຕີ ຮ່ວາງຊວັນຈຽນ ໄດ້ສະແດງຄວມຂອບອົກຂອບໃຈຕໍ່ການໜູນຊ່ວຍຢ່າງທັນການຂອງກະຊວງປ້ອງກັນປະເທດ ຈີນ, ທ່ານກໍ່ຢັ້ງຢືນວ່າ ການໜູນຊ່ວຍວັກຊິນ ແລະ ວັດຖຸອຸປະກອນການແພດນີ້ ມີຄວາມໝາຍຢ່າງແທດຈິງໃນສະພາບການໂລກລະບາດໂຄວິດ - 19 ແຜ່ລະບາດຮອບທີ 4 ຢູ່ ຫວຽດນາມ ເຊິ່ງພວມມີບັນດາການຜັນແປຢ່າງສັບສົນທີ່ສຸດ.
ຕາມທ່ານຮອງລັດຖະມົນຕີ ຮ່ວາງຊັວນຈຽນ ແລ້ວ, ພາຍຫຼັງມີຜົນກວດກາຢັ້ງຢືນມາດຕະຖານ, ຄຸນນະພາບແລ້ວ, ຈຳນວນວັກຊິນນີ້ຈະໄດ້ຈັດຕັ້ງສັກຢູ່ບັນດາຮາກຖານການແພດທີ່ມີເງື່ອນໄຂສັກວັກຊິນຢ່າງຄົບຖ້ວນຕາມດຳລັດເລກທີ 104/2016/ND-CP ລົງວັນທີ 1 ກໍລະກົດ 2016 ຂອງລັດຖະບານ ວ່າດ້ວຍການກຳນົດກ່ຽວກັບການເຄື່ອນໄຫວສັກວັກຊິນ, ໃນນັ້ນ ບຸລິມະສິດໃຫ້ແກ່ກຳລັງ, ກອງທັບທີ່ເຂົ້າຮ່ວມການປ້ອງກັນຕ້ານໂລກລະບາດໂຄວິດ - 19, ຕັ້ງຖານຢູ່ເຂດເກີດໂລກລະບາດ ແລະ ປະຕິບັດໜ້າທີ໋, ກຽມພ້ອມການຕໍ່ສູ້.
Vero-Cell ແມ່ນວັກຊິນ ໂດຍອົງການອະນາໄມໂລກ (WHO) ໄດ້ສັບຊ້ອນເຂົ້າໃນບັນຊີລາຍຊື່ນຳໃຊ້ຮີບດ່ວນ (EUL) ແລະ ໂຄງການ COVAX ໄດ້ຊື້ ເພື່ອຊ່ວຍໃຫ້ບັນດາປະເທດສຳຜັດກັບວັກຊິນຢ່າງມີຄວາມສະເໝີພາບ. ວັກຊິນ Vero-Cell ໄດ້ສະໜອງໄປຍັງກ່ວາ 70 ປະເທດ, ໃນນັ້ນມີບັນດາປະເທດ ອາຊີຕາເວັນອອກສ່ຽງໃຕ້ຄື: ບຣູໄນ, ກຳປູເຈຍ, ອິນໂດເນເຊຍ, ລາວ, ມາເລເຊຍ, ມຽນມາ, ຟີລິບປິນ, ສິງກະໂປ ແລະ ໄທ.
ບຸນຄົງ
