 |
| ພາບປະກອບ: .bienphong.com.vn |
ປ້ອມປ້ອງກັນຊາຍແດນດ່ານຊາຍແດນຈ່າລິງ ຍາມໃດກໍ່ຮັກສາ 20 ກຸ່ມຄວບຄຸມກວດກາຄົງທີ່ຢ່າງເປັນປະຈຳ, 2 ກຸ່ມຄວບຄຸມກວດກາເຄື່ອນທີ່, ຈັດຕັ້ງການລາດຕະເວນ, ສະກັດກັ້ນຕະຫຼອດ 24 ຊົ່ວໂມງ ຢູ່ຕາມທາງນ້ອຍທາງຮ່ອມ, ເຂດດ່ານຊາຍແດນ, ຢູ່ບັນດາພື້ນທີ່ຈຸດສຸມທີ່ມີຄວາມສ່ຽງມີການເຄື່ອນໄຫວເຂົ້າ-ອອກເມືອງແບບຜິດກົດໝາຍ .
ທ່ານພັນຕີ ຟານດິ່ງນິງ, ຜູ້ຮັບຜິດຊອບວຽກງານສອດແນມ ປ້ອມປ້ອງກັນຊາຍແດນດ່ານຊາຍແດນຈ່າລິງ ພວມປະຕິບັດໜ້າທີ່ຢູ່ຈຸດປ້ອງກັນ ຕາແສງ ກົກກາງ, ເທດສະບານ ຈຸ່ງແຄງ ແບ່ງປັນວ່າ: “ເຖິງວ່າການປະຕິບັດໜ້າທີ່ລາດຕະເວນ, ສ້າງປ້ອມສະກັດກັ້ນຢູ່ເຂດຊາຍແດນ ຍັງປະສົບກັບຄວາມຫຍຸ້ງຍາກຫຼາຍຢ່າງ ແຕ່ພວກຂ້າພະເຈົ້າຍັງຄົງອຸ່ນອຽນໃຈປະຕິບັດໜ້າທີ່ທີ່ໄດ້ມອບໝາຍ. ພວກຂ້າພະເຈົ້າເພີ່ມທະວີການກຳແໜ້ນບໍລິເວນ, ສ້າງເຄືອຂ່າຍປະຊາຊົນ ເຂົ້າຮ່ວມການກ່າວປະນາມໂທດອາດຊະຍາກຳ. ຈາກນັ້ນ ໄດ້ສະກັດກັ້ນບັນດາກໍລະນີເຂົ້າ-ອອກເມືອງແບບຜິດກົດໝາຍຢ່າງທັນການ ແລະ ມີປະສິດທິຜົນ, ຕໍ່ສູ້ກັບອາຊະຍາກຳປະເພດຕ່າງໆຢ່າງມີປະສິດທິຜົນ”.
ພະນັກງານ, ນັກຮົບປ້ອມປ້ອງກັນຊາຍແດນ ຈ່າລິງ ແຕ່ລະຄົນ ກໍ່ແມ່ນນັກເຜີຍແຜ່ໂຄສະນາທີ່ຕັ້ງໜ້າ, ປະກອບສ່ວນເຂົ້າໃນການຍົກສູງຄວາມຮັບຮູ້ໃຫ້ແກ່ປະຊາຊົນຢູ່ເຂດຊາຍແດນ ກ່ຽວກັບລັກສະນະຄວາມອັນຕະລາຍຂອງ ໂລກລະບາດໂຄວິດ - 19, ຄວາມສຳຄັນຂອງການປ້ອງກັນຕ້ານການເຂົ້າ-ອອກເມືອງແບບຜິດກົດໝາຍ.
ພະນັກງານ, ນົກຮົບປ້ອມປ້ອງກັນຊາຍແດນດ່ານຊາຍແດນຈ່າລິງ ໄດ້ເຜີຍແຜ່ໂຄສະນາ, ຂົນຂວາຍ 1.031 ຄອຍຄົວເຊັນຄຳໝັ້ນສັນຍາເຂົ້າຮ່ວມຂະບວນການ “ທົ່ວປວງຊົນເຂົ້າຮ່ວມການປ້ອງກັນ, ຕ້ານໂລກລະບາດໂຄວິດ - 19 ແລະ ການເຂົ້າ-ອອກເມືອງແບບຜິດກົດໝາຍ” ຢູ່ເຂດຊາຍແດນ, ຈັດຕັ້ງການໂຄສະນາເຜີຍແຜ່ການປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ແກ່ປະຊາຊົນ ເຂດຊາຍແດນ 59 ຄັ້ງ, ໂດຍມີການເຂົ້າຮ່ວມຂອງປະຊາຊົນ 2950 ເທື່ອຄົນ, ແຈກຢາຍໃບປິວໂຄສະນາເຜີຍແຜ່ກ່ຽວກັບໂລກລະບາດໂຄວິດ - 19 ໃຫ້ແກ່ປະຊາຊົນຢູ່ເຂດບໍລິເວນ 11.500 ໃບ.
ທ່ານພັນໂທ ບຸຍຕຽນຢຸງ, ຫົວໜ້າປ້ອມປ້ອງກັນຊາຍແດນ ດ່ານຊາຍແດນຈ່າລິງເນັ້ນໜັກວ່າ: ເຖິງວ່າ ເງື່ອນໄຂດຳລົງຊີວິດຢູ່ບັນດາກົມກອງ, ປ້ອມ ມີຄວາມຫຍຸ້ງຍາກລຳບາກກໍ່ຕາມ ແຕ່ບັນດາພະນັກງານ, ນັກຮົບ ຂອງກົມກອງຍາມໃດກໍ່ຕັດສິນໃຈ ປະຕິບັດໜ້າທີ່ໃຫ້ເປັນຢ່າງດີ. ພວກຂ້າພະເຈົ້າໄດ້ຕັ້ງໜ້າສົມທົບກັບກຳລັງທີ່ມີໜ້າທີ່ຄວາມຮັບຜິບຊອບ ຝ່າຍຈີນ ໃນການປະຕິບັດການຄວບຄຸມ, ປົກປ້ອງຊາຍແດນ, ດ່ານຊາຍແດນ, ຄວບຄຸມການເຄື່ອນໄຫວໄປມາຢ່າງເຄັ່ງຄັດ, ຕໍ່ສູ້ຕ້ານອາດຊະຍາກຳປະເພດຕ່າງໆ. ກົມກອງຍາມໃດກໍ່ປະຕິບັດທິດນຳ 4 ກັບທີ່, ເປັນເຈົ້າການໃນການປັບປຸງຄ້າຍບ່ອນພັກພາອາໄສໃຫ້ແກ່ບັນດາກຸ່ມ, ປ້ອມປ້ອງກັນ, ສະກັດກັ້ນໂລກລະບາດໂຄວິດ - 19, ເອົາໃຈໃສ່ເຖິງການດູແລຊີວິດທາງດ້ານວັດຖຸ ແລະ ຈິດໃຈໃຫ້ແກ່ພະນັກງານ, ນັກຮົບ, ເປັນຕົ້ນແມ່ນພະນັກງານ, ນັກຮົບປະຕິບັດທີ່ປະຕິບັດໜ້າທີ່ໂດຍກົງຢູ່ເຂດຊາຍແດນ.
ບຸນຄົງ
